ما الفرق بين الجين تو 2008 السبورت والعادى

[meramor81]

ياجماعه عاوزة اخد رئيكم فى حاجه مهمه جداا احنا خلاص هانستلم الجين تو 2008
فى خلا ل يومين لكن من المنطقه الحره المهم مافيش للاسف اللون الاسود للاسف للاسف
مع ان ماكنش لدينا اختيار الا الاسود بس عشان نستنى الاسود لازم نستنى لنصف 3 واحنا مستعجلين
فلاختيار امامنا بين الكحلى والنحاسى والبنفسجى طبعا اخترنا البنفسجى بس الراجل قلنا ان فى نوعين من البنفسجى المانيوال سبورت فول اوبشنز او البنفسجى اوتوماتيك عاده انا استغربت جداا
لما قالنا ان فى عاده لانى عارفه ان الجين تو بتنزل فول اوبشنز سبورت باكدج بس الراجل ادرى منى
ايه الفرق ونعمل ايه ارجو الافاده بسرعه لو سمحتم واسفين لتعبكم معانا

[fahd_628]

اولا مبروووووووووووك مقدما و ثانيا السبورت باكدج بتزيد بس بعتب و سبويلر و دية ممكن تبقى فى المانيوال او الأوتوماتيك و دية بتزيد من 2000 جنية ل 4000 جنية مش متأكد بالظبط و لكن مبتفرقش فى حاجة عن العادية فى اى حاجة تانية و العربية فعلا بتنزل بسبورت باكدج او منغير حسب ما انتو عاوزين انا بصراحة مفهمتش سؤالك اوى بس حاولت اجاوب على قد ما فهمت و الف مبروووووووووك

اة صحيح هل حتنزل بالمحرك الجديد ولا الكامبرو العادى ؟

[fahd_628]

انا بتكلم عن موديلات 2005-2006-2007 و كل الكلام الى انا قلتة دة على الموديلات دية ممكن 2008 يكونو غيرو حاجة انا معرفش علشان مقولكيش على حاجة غلط بس متأكد من الكلام دة على موديلات 2005-2006-2007 لأن الموديلات من 2005 مكانش في اى اختلاف فى الكماليات ما بين الاوتوماتيك و المانيوال و الاوتوماتيك السبورت باكيدج و المانيوال سبورت باكيدج غير ان الى بسبورت باكيدج بتزيد بعتب و سبويلر و بيخلى شكل العربية احلى بس كدة

[obec-car]

الف مبروك ...

[obec-car]

صحيح هيا كامبرو عادية ولا cps ؟

[crazylambada]

هل فعلا بقى منها لون كحلي بدل الازرق الفاتح

[meramor81]

انا مش عارفه اللى بيحصل ده انهردا جوزى راح يشوف العربيه والوانها
لقاها 2007 بعد ماكدولوا انها 2008 قبل مايروح
عاوزين يتخلصوا من 2007 باى طريقه ويقنعوه انها هى هى
والله انا كنت شكه فى الموضوع لان مش معقول العربيه ماينزلش منها الاسود والوانها محدوده كده وعملين يقولوا مافيش الا الدهبى والكحلى كان هايتنصب علينا والحمد لله
جوزى قالهم انا مش عاوز الا 2008 قالولوا يوم 10\3 هاتنزل العربيه وهانستلمها اول شهر 4

[meramor81]

اسفه ياجماعه نسيت اقولكوا عن التعديلات اللى فى الجين تو 2008
الموتور كامبرو بس معدل صوته اخف من اللى كان فى 2007 وعملوا فيه تعديلات للاحسن السعر للاوتوماتيك 89,900
استاذ حبيب قالى مش هانغلى عليكوا هو هو السعر العربيه اتعملت فيها تعديلات للاحسن هاتوصل فى خلال يومين مصر وهانستلمها فى اول اسبوع من شهر 3
ده اخر كلام من استاذ حبيب ومش هانتابع الا معاه لان الواحد داخ فعلا من المعارض
كلها عوزين يخلصوا من القديم باى شكل

[Powert]

طيب والماتور الجديد محدش قال هينزل امتى طيب والماتور بتاع بيرسونا هينزل كامبرو العادي ولا جديد

[pepe_1]

الف الف مبروك على العربيه الجديده بس اتمنى اعرف رائيك فيها بعد الاستلام والتجربه لانى كونت ناوى اشترى ال2007 الاتوماتك بس كنت خايف من عيوب التقفيل اتمنى ان 2008 تكون من غير عيوب لانى ملقتش عربيه اجمل ولا احلى ولا اقوى من الجين 2 وبقالى دلوقت 3 شهور من غير عربيه ومستنى الجين2 2008 .

[fahd_628]

الف الف مبروك على العربيه الجديده بس اتمنى اعرف رائيك فيها بعد الاستلام والتجربه لانى كونت ناوى اشترى ال2007 الاتوماتك بس كنت خايف من عيوب التقفيل اتمنى ان 2008 تكون من غير عيوب لانى ملقتش عربيه اجمل ولا احلى ولا اقوى من الجين 2 وبقالى دلوقت 3 شهور من غير عربيه ومستنى الجين2 2008 .

مبروووووووووك مقدما يا باشا و لو تقدر تستنى كمان شوية عقبال ما ينزل المحرك ال Cps حتدعيلى بجد اقوى من الكامبرو العادى بس العادى ممتاز جدا برضة

[meramor81]

طيب والماتور الجديد محدش قال هينزل امتى طيب والماتور بتاع بيرسونا هينزل كامبرو العادي ولا جديد

الموتور الجديد منعرفش هاينزل امتى بس اللى متاكده منه انه مش هاينزل السنه دى اذا كان موديل 2008 غلبونا وطلعوا عينا عقبال مانزل ولسه كمان ماتعرضتش مابالك الموديل الجديد اعتقد انه هاينزل فى 2009 وفى شهر 3 كمان عقبال مايكونوا باعوا 2008 البيرسونا بقى سمعت انها هاتنزل بالكامبرو الجديد بس هاتنزل امتى اللع اعلم
استاذ حبيب قالى ان 2008 موتورها هايكون معدل للكامبرو يعنى احسن من 2007 اكيد هايكون رهيبببب

[meramor81]

الف الف مبروك على العربيه الجديده بس اتمنى اعرف رائيك فيها بعد الاستلام والتجربه لانى كونت ناوى اشترى ال2007 الاتوماتك بس كنت خايف من عيوب التقفيل اتمنى ان 2008 تكون من غير عيوب لانى ملقتش عربيه اجمل ولا احلى ولا اقوى من الجين 2 وبقالى دلوقت 3 شهور من غير عربيه ومستنى الجين2 2008 .

بص انا هاقول لحضرتك على حاجه احنا قاعدنا كتير عشان نختار عربيه متينه وكويسه وملاقناش بصراحه اشد من الجين تو واظن كل الناس شكرت فى 2007 اوى وحتى العيوب اللى قالوا عليها عيوب طفيفه لا تذكر وكل عربيه وليها عيوب اكيد والحمد لله اقل عيوب فى الجين تو مابالك موديل 2008 اظن انه هايكون ممتاز المحرك اللى فيها اتعدل كتير بناء على كلام استاذ حبيب والكامبرو اصلا موتور شديد وجامد ولا نحتاج اكتر من كده فلو ناوى تشتريها توكل على الله واحجزها وهاتستلمها فى اول اسبوع من 3
وبالنسبه للموديل الجديد اللى بالمحرك النيو كامبرو استحاله ينزل دلوقتى

[AhmedGen2]

يا ميرا انتى مش قلتى إنكوا حجزتوا البيرسونا ؟

سؤال كمان إنتوا اشتريتوها منين بالظبط ؟ يعنى من معرض ولا التوكيل ولا ايه ؟ ياريت تدينى تفاصيل الشراء لأن بتوع المعارض دول بحس إنهم نصابين مش برتاحلهم ... وهل فيه تقسيط ولا لا .

[memoz]

ألف الف مبروك و ربنا يديك خيرها و يكفيك شرها


بس هو ايه الفرق بين المواتير الكامبرو عادية وال cps ؟