عايز اشترى عربيه برسونا ان شاء الله

[mohamed_mostaf]

السلام عليكم
معلش يا شباب أنا عضو جديد هلى المنتدى وعلى العربيات عموماً
انا كنت عايز اشترى عربيه بيرسوتا اوتوماتيك تقسيط
عايز اعرف سعرها حوالى كام
ولو هي اتوماتيك ومش فول اوبشن حيبقى فيها تكييف ولا لا
وايه هي ميزة البروتون عموماً عن بقية العربيات( سعرها مش غالى وامكانياتها كويسه يبقى اكيد فى حاجه مش مظبوطه )
ولو حد يعرف محل يكون بيقسط تقسيط اسلامى يا ريت يكتب تليفونه او عنوانه
وجزاكم الله خيرا

[mido_soliman]

السلام عليكم
معلش يا شباب أنا عضو جديد هلى المنتدى وعلى العربيات عموماً
انا كنت عايز اشترى عربيه بيرسوتا اوتوماتيك تقسيط
عايز اعرف سعرها حوالى كام
ولو هي اتوماتيك ومش فول اوبشن حيبقى فيها تكييف ولا لا
وايه هي ميزة البروتون عموماً عن بقية العربيات( سعرها مش غالى وامكانياتها كويسه يبقى اكيد فى حاجه مش مظبوطه )
ولو حد يعرف محل يكون بيقسط تقسيط اسلامى يا ريت يكتب تليفونه او عنوانه
وجزاكم الله خيرا

سعرها مش غالى لان دة سعرها الحقيقى برة مصر وفى بلدها على وجة التحديد
لكن لو التوكيل كان بيتحكم فى سعرها مش بعيد كان خلاها زى السيتروين ولا البى ام الى عندة
عايز اقولك حاجة بسيطة بس مش لازم الحاجة تبقى غالية اوى اوى علشان تبقى حلوة احنا بس اللى من كتر ما اتخمينا من حجات مضروبة كانت بتجيلنا من الصين ب 2.5 جنية فاكرين ان كل الغالى تمنة فية وعموما هية مش رخيصة بردة دى عربية ب 92000 جنية الكاملة الفول اوبشن الاوتو
ولو هاف اوبشن بردة فيها تكييف متقلقش
ميزة البروتون عموما ولو بصيت فى المنتدى حتعرف اكتر
1-شكل جميل جدا
2-كماليات كتير جدا مش موجودة فى اى عربية مش صينى الا ولازم تكون معدية 130000 جنيىة
3-صاج قوى جدا
4- تميز لانها مش منتشرة زى عربيات كتير كورى ويابانى زهقنا منهم
5-تكنولوجيا تصنيع على اعلى مستوى من الجودة والاعتمادية والتقنية العالية
6-ثبات عالى جدا على السرعات العالية وخلوص رائع لاسفل السيارة مستحيل تحك فى المطبات ايا كانت
7-موتور قوى جدا خرجة 110 حصان صافى وعزم 148 نيوتن عند 5000 لفة
8- قطع غيار اسعارها عالية نسبيا ولكن متوفرة خارج الوكيل
9-اهم ميزة فى سيارات بروتون عموما المنتدى اللى حضرتك شرفتنا فية دة اكبر دعم للسيارة من افضل شباب على مستوي النايل موتورز كلة بشهادة جميع الاقسام الاخرى ومبروك مقدما

[mohamed_mostaf]

يا باشا جزاك الله خيرا
الاوتوماتيك الهاف اوبشن هي اللى ب 86 الف جنيه ولا فى حاجه تانيه
يا ريت لو تعرف عنوان التوكيل او موزع معتمد عشان تقسيط اسلامى يبقى جزاك الله خيرا

[أبوعائش]

يا باشا جزاك الله خيرا
يا ريت لو تعرف عنوان التوكيل او موزع معتمد عشان تقسيط اسلامى يبقى جزاك الله خيرا

التوكيل في أبورواش أول طريق اسكندرية الصحراوي قبل داندي مول
بالنسبة للتقسيط عندك بنك فيصل (معاملتهم وحشة الصراحة) بس الشيخ علي السالوس بيقول عقدهم سليم
أو البنك الوطني للتنمية بالتعاون مع مصرف أبوظبي الإسلامي وده برضه مظبوط والله أعلى وأعلم

[jisso82]

بص يا باشا أنا مش هزود حاجة عن اللى قاله Mido غير إنى أسيبك تقرأ الموضوعين دول و هتعرف أد ماشاء الله العربية دى كنز ما حدش واخد باله منه:

http://www.nilemotors.net/Nile/88694-1500-1000-a.html

http://www.nilemotors.net/Nile/165441-20000.html

[arakysolom]

التوكيل في أبورواش أول طريق اسكندرية الصحراوي قبل داندي مول
بالنسبة للتقسيط عندك بنك فيصل (معاملتهم وحشة الصراحة) بس الشيخ علي السالوس بيقول عقدهم سليم
أو البنك الوطني للتنمية بالتعاون مع مصرف أبوظبي الإسلامي وده برضه مظبوط والله أعلى وأعلم

السلام عليكم
هناك عبد اللطيف جميل بيقسط اسلامي 100 %و ايضا كونتاكت كار و شروط بنك ابو ظبي الاسلامي من احسن الشروط بالبنوك و ربنا يباركلك بالحلال

[أبوعائش]

السلام عليكم ورحمة الله وبركاته
مش عارف موضوع كونتاكت غير ان الشيخ علي السالوس بيقول عليه لأ أو إياك (معرفش فيه جديد ولا لأ)
كان فيه موضوع هنا عن عبداللطيف الجميل (العالمية المتحدة) بس طويل شوية (66 صفحة) فا مش عارف ايه نهايته
خصوصا اني في اول كام صفحة قريت ان الشيخ السالوس قال شوية ملاحظات عليها فامش عارف ايه النظام
رقم الشيخ علي السالوس: 22717370 بيرد من بعد صلاة الظهر لحد أذان العصر كل يوم ماعدا الأربعاء والجمعه
انا استخرت ربنا...ان شاء الله بروتون واجا من ابوظبي...الله المستعان

[أبومعاذ]

بنك أبو ظبي اتاكد انهم شالو بند غرامة التأخير من العقد و إن في مندوب بيطلع عشان يستلم العربية ويسلمهالك وربنا ييسرلك الحلال الطيب

[أبوعائش]

انا سألت على موضوع بند غرامة التأخير بس الموظف قاللي مش موجود .. هم متفاهمين وبيشيلوا البند اللي مبيعجبنيش
وان شاء الله الموظف هييجي يستلم العربية ويسلمهالي... وهو راجل محترم ولو حد عايز نمرته يقوللي ابعتهاله على الخاص

[arakysolom]

الف مبروك مقدما و ربنا يباركلك في اختيارك و يباركلك بالحلال

[A.Saad]

http://www.nilemotors.net/Nile/166072-2.html

[mohamed_mostaf]

السلام عليكم ورحمة الله وبركاته
مش عارف موضوع كونتاكت غير ان الشيخ علي السالوس بيقول عليه لأ أو إياك (معرفش فيه جديد ولا لأ)
كان فيه موضوع هنا عن عبداللطيف الجميل (العالمية المتحدة) بس طويل شوية (66 صفحة) فا مش عارف ايه نهايته
خصوصا اني في اول كام صفحة قريت ان الشيخ السالوس قال شوية ملاحظات عليها فامش عارف ايه النظام
رقم الشيخ علي السالوس: 22717370 بيرد من بعد صلاة الظهر لحد أذان العصر كل يوم ماعدا الأربعاء والجمعه
انا استخرت ربنا...ان شاء الله بروتون واجا من ابوظبي...الله المستعان

------------------------------------------------------------------------------------------------------------------
على فكره أنا سألت الشيخ على السالوس فى الرقم ده وقال ان بنك التنميه ابو ظبي مش سليم
والعقد الصحيح هو عقد بنك فيصل
والله أعلم

[أبوعائش]

السلام عليكم
انت متأكد من الكلام ده؟؟؟!!!
خلي بالك ان بنك الوطني (أبوظبي) عنده نظامين للتقسيط
- نظام اليسر : غير سليم (ربا) مع ان البنك بيقول ان معاه فتاوى من مشايخ من مصر واللسعودية انه سليم
- نظام المرابحة: وده اللي انا اقصده
وانا كنت كلمت الشيخ وسألته قاللي انهم عندهم معاملة جائزة وأخرى غير جائزة
وكمان واحد أعرفه سأل الشيخ وكان بيقراله البنود وقاله سليم

انا بحاول أكلم الشيخ تاني دلوقتي.....