الحمدلله ( اخيراً ) جين 2 ورحلـة بـ ساعة الا ربع في 1 كيلوا فقط

[Nistelrooy]

بسم الله الرحمن الرحيم

اللهم صل على محمد وعلى آله وصحبه أجمعين

السلام عليكم ورحمة الله وبركاته


الحمدلله يا جماعة اول عربية ليا لسة مستلمها الساعة السادسة .. من شويا يعني جين 2 رمادي اتوماتيك

العربية ما شاء الله عليها لم اتخيل انها واسعة من جوا كدا وانا كنت فاكرها ضيقة ..

سحبها رائع العربية عايزة تجري مني :)


استلمت من الصحراوي من استاذ محسن صالح بعد لف ودوران شهر علشان اجيب اول عربية في حياتي ( جين 2 )

المهم بعد ما خلصت كل الورق والتقسيط والذي منة دخلنا عن استاذ محسن صالح في تمام الساعة الرابعة ..
المفروض الناس بتستعد للرحيل .. بس مشكورا استاذ محسن صالح فضل معانا لحد 6 وشويا لحد ما استلمنا العربية والعمال استنوا معانا شويا ( كلة بحسابة )


حكاية كيلو في ساعة الا ربع

العربية كانت عاملة 15 كيلو .. وصلت البيت عاملة 36 كيلو .. بعد ما مليت 30 لتر من جنب عز العرب

اتحركت 6 وشويا وصلت البيت حوالي 8 الا تلت مع العلم اني ساكن في اول الهرم ..

بس نصيبي في الوقت ده كان في زحمة شديدة يظهر كانت حادثة وفضلت العربية عامل 25 كيلو الي 26 كيلو في ساعة الا ربع كنا نكاد نمشي سنة نقف 5 دقايق ..

وكان في سواق نقل جانبي قالي يوم ما تستلم تيجي في الزحمة كدا قلت له نصيبي

قالي احسن علشان " تبرد " " تفك " حاجة زي كدا مش فاكر بالظبط :)

العربية كانت عايز تجري مني اول ما ادوس بنزين ..

بس انا استغربت حاجة انا لما كنت بجيب العربية علي الـ n كانت بتمشي قدام برضوا مع العلم جربتها كذا مرة والارض كانت مستوية ؟


ما علينا دلوقتي اقولكم علي تقيميي :


التقييم العام :

المميزات :

العربية ما شاء الله سحب رائع - واسعة من الداخل - تكيف ممتاز .. الخ..

العيوب :

-مش عارف عندي ولا عند كلوا العربية لما كنت بدوس فرامل العربية بتطلع صوت تزييق اول لما الف وانا ماشي علي الهادي
-دي كمان مشكلة فردية اتكروت في غسيل العربية اتغسلت اي كلام لان كلو كان عايز يروح
-وانا بصيت ع العربية بصة سريعة وانا بستلمها بس ماكنتش فيها عيوب خالص غير انهم نسيو كتاب الضمان ودليل المستخدم

------------

طبعا مش لازم انسي اخويا وحبيبي ايمن ( الي مظبطنا في الخصم ) الي ماشوفتوش خالص رغم اني كنت في يوم من الايام هناك بس ماشفتوش علشان كنت بجيب حاجة من العربية ولما جيت والدي قال لي سلمت علي ايمن

والاستاذ محسن صالح الي تعب معانا اوي اوي اوي
من اول يوم رحنا له من حوالي شهر الي اليوم. .. لحد ما استلمنا لدرجة لما جيت استلم
قالي " يااااااااه اخيراً هاتستلم "

وراؤول و mido_soliman الي كنت بسالهم ع الخاص علي شوية اجراءات ومتاخروش عليا طبعا

طبعا اخوكم مبتديء ولسة ماخدتش علي ابعاد العربية وانا اصلا مبتديء في السواقة وطبعا هعاني شويا لحد ما اتعود علي المريات الميني والزاوية الخلفي الميني دي
ممكن انا فاكرها صغيرة اوي علشان كنت بسوق عربية والدي " باجيرو "


واسف مافيش صور لاني جيت هلكان وتعبان ومالحقتش غير اني اطلع اكل لقمة لاني من الصبح كنت في الجامعة وطلعت خلصت شوية ورق بعد كدا ع التوكيل


همسة " انا ماركبتش العربية قبل كدا خالص غيرة مرة او اتنين مع واحد صاحبي من حوالي 3 سنين وماكنتش اعرف اي حاجة ان في عربية اسمها جين 2 الا من المنتدي هنا والناس حببوني فيها اوي والحمدلله ان ربنا وفقني في الاختيار "

والسلام عليكم

[elmadawy]

الف مــــــــبروك

[Nistelrooy]

الله يبارك في حضرتك :)

[elmadawy]

مش عارف عندي ولا عند كلوا العربية لما كنت بدوس فرامل العربية بتطلع صوت تزييق اول لما الف وانا ماشي علي الهادي
موضوع التزيق ده عادي علشان العربية لسه جديده ومع الوقت حيروح
والف مبروك للمرة الثانية

[Nistelrooy]

شكـرا علي الجواب والله يبارك في حضرتك :))

[etsh1413202]

ياباشا الف مبروك وربنا يباركلك فيها

وعايزين تقرير حلو بقى لما تمشي بيها شوية ...... وادبح بقى اى حاجه لله عشان ربنا يباركلك فيها

[Nistelrooy]

etsh1413202
................*

الله يبارك في حضرتك ..
بس كدا ان شاء الله بعد اول الف هيكون معاها اول تقرير ان شاء الله

بس معلش ادبحلها حاجة مثلا ( فرخة ) واوزعها علي مين بالظبط .. الناس الي غلبانة في الشارع لو اديتها لهم هتبوظ منهم لاخر اليوم ..
ممكن تقولي ادبح اية بالظبط واوزعها ازاي .. وشكراً

[أبومعاذ]

-مش عارف عندي ولا عند كلوا العربية لما كنت بدوس فرامل العربية بتطلع صوت تزييق اول لما الف وانا ماشي علي الهادي

-وانا بصيت ع العربية بصة سريعة وانا بستلمها بس ماكنتش فيها عيوب خالص غير انهم نسيو كتاب الضمان ودليل المستخدم

ألف مبروك ربنا يديك خيرها ويكفيك شرها
بالنسبة للتزييق لو بيحصل اول ما ترفع رجلك من على الفرامل عشان تتحرك بالعربية فدا صوت عادي بيطلع من الفرامل بتاعة اي عربية
بص على كتاب الضمان ودليل المستخدم في الشنطة

[Nistelrooy]

أبومريم........................*
ايوا فعلا اول ما ادوس فرامل واول ما ارفع رجلي ..

وانا طلبت كتاب الضمان ودليل المستخدم وجابوه :))

شكرا لك والله يبارك فيك

[densfog]

مبروك ياباشا ..... وربنا يديك خيرها ويكفيك شرها

[mido_soliman]

الف مليووووووووووووون مبروووووووووووووووك والله فرحتلك زى فرحتى باستلامها تمام ربنا يبارك لك فيها ويبعد عنك العين يارب العالمين ولو محتاج اى حاجة قولى وموضوع ان العربية بتمشى على ال n دة اكيد الارض مش مستوية ولو عاوز تتاكد دوس بنزين مش حتمشى متقلقش :)
مليون مبروووك يباشا

[Ahmed Nasr]

ربنا يباركلك
ويكفيك شرها

[Nistelrooy]

densfog........................

الله يبارك في حضرتك

[Nistelrooy]

mido_soliman
................*

الله يبارك في حضرتك :) وربنا يكفينا كلنا شر العربيات ويعطينا خيرها :)

المهم دلوقتي ماحدش يضحك عليها ..

لسة مقابل عمي وقالي ادبحلها خروف وانا فاكر الناس بتدبح فرخة او ارنب ههههههههه ..

[Nistelrooy]

ah51180................*

الله يبارك في حضرتك .. وشكرا ..