جين 2 مستعملة واللا ساجا زيرو

[hamaza81]

السلام عليكم
انا بس كنت عايز اخد رأيكم في حاجة
انا دلوقتي أقصى امكانياتي اني اجيب عربية ساجا مانيوال زيرو أو عربية جين 2 مانيوال مستعملة "55 ألف مثلا"
وكنت بفاضل بين الاثنين:
الجين 2:
- موتور أقوى
- فرامل abs " ودي تهمني جدا "
- 2 اير باج
- قطع غيار ارخص مقارنة بالساجا.
الساجا:
- زيرو طبعا
- موديل أحدث
- موتور 1300 موفر في البنزين

مش عارف، ياريت تشاركوني بالنصيحة
وشكرا

[ghabbour]

اعتقد ال gen 2

[Tarek Gen 2]

انا رايى لو تقدر تدفع ال55 الف دول مقدم جين زيرو و تقسط يبقى افضل
منفعش يبقى تجيب ساجا
لسبب واحد
الزيرو مفيش زيو مهما كان

[kar!m]

جين 2 كسر زيرو

[weeja]

الزيرو طبعا لا يعلى عليه
مهما كانت حالة المستعمل ممكن يطلعلك مشاكل كل شوية و مش هتخلص لو مصمم على الجين تو تبقى حالة كويسة و تكشف عليها في التوكيل و تبقى عاملة صياناتها كلها

[jisso82]

انا رايى لو تقدر تدفع ال55 الف دول مقدم جين زيرو و تقسط يبقى افضل
منفعش يبقى تجيب ساجا
لسبب واحد
الزيرو مفيش زيو مهما كان

+100000000000000000000000000

الزيرو طبعا لا يعلى عليه
مهما كانت حالة المستعمل ممكن يطلعلك مشاكل كل شوية و مش هتخلص لو مصمم على الجين تو تبقى حالة كويسة و تكشف عليها في التوكيل و تبقى عاملة صياناتها كلها

طبعا ما أقدرش أعترض على الكلام ده بس برده أنصحك بالزيرو

[hamaza81]

بشكر جميع الزملاء على المشاركات الفعالة
* بالنسبة لموضوع التقسيط انا عندي عليه تحفظ لان اغلب صور التقسيط اللي في مصر فيها مشاكل شرعية وشبهات ربوية، فانا اخدت قرار من زمان وقفلت باب التفكير في موضوع التقسيط دا من اصله.
* بالنسبة للساجا الزيرو، العربية دي انا كنت مقتنع بيها جدا بس قطع غيارها مبالغ فيها على الآخر، العربية دي المفروض انها بتخاطب شريحة سعرية معينة، العقل والمنطق بيقول ان قطع الغيار تبقى متناسبة مع نفس الشريحة دي مش تبقى اغلى من قطع غيار عربيات في شريحة سعرية اغلى منها زي الجين او البيرسونا مثلا. ودا اللي مخليني متردد فيها جدا.

جين 2 كسر زيرو

ياترى يبقى سعرها كام

[kar!m]

ياترى يبقى سعرها كام

واحد صاحبى بايع واحده كامله اتوماتيك 2009 عامله 25000 كيلو ب 72 الف تقريبا بحالة الزيرو

[m.3abdel3al]

جين 2 طبعا طبعا

[hamaza81]

بشكر الجميع بس واضح كدة ان مافيش حاجة جين 2 مستعملة استعمال نضيف وتكون اقل من 60000
واللا انا غلطان؟

[x512]

و الله بص الجين اصلا بتبقي زيرو فيها عيوب (زي عيوب التقفيل و تعليق السنتر و المالطي...الخ) فما بالك لو مستعمل...لو لقيت جين استعمال نضيف و حاله كويسه يبقي تبت فيها لانها حاله نادره و اهتم بالحاله اكتر من الكيلوات...غير كدا انا برجح الساجا او اي عربيه تانيه بس بلاش بروتون مستعمل ...انا كت عاوز اجيب جين مستعمل بس ملقتش عربيه الا و بتتباع عشان عيب فيها

[M.almaghraby]

في عربيات جين 2 نضيفة جدا مش بتزيد عن 72 73 الف....

ولو لقيت برسونا هاف اوبشن حتلاقيها اقل من كدا كمان


انا رايي جين 2 طبعا و فكك من الساجا لانك لو اشتريتها عن غير اقتناع مش حتحبها :)

[hamaza81]

في عربيات جين 2 نضيفة جدا مش بتزيد عن 72 73 الف....

ولو لقيت برسونا هاف اوبشن حتلاقيها اقل من كدا كمان


انا رايي جين 2 طبعا و فكك من الساجا لانك لو اشتريتها عن غير اقتناع مش حتحبها :)

بالعكس تماما انا مقتنع بالساجا جدا ورحت شفتها وهي عربية ممتازة فعلا لكن ينقصها abs ولكن طبعا على قد ثمنها.
انا مشكلتي الوحيدة معاها هي قطع الغيار، خصوصا ان مافيش اي صورة واضحة ان اسعارها هاتنزل
وشكرا