قصه مأساه صيانة الألف كيلو للجين 2

[BlackBerry]

بصراحه تجربه سيئه نفسيا ومعنويا...وربنا يعينك....ومتختلفش عن تجارب كتير هنا..

عموما تمسك بحقك للاخر..

بالتوفيق للجميع ان شاء الله

[eslam_wega]

يا جماعة قولتكم الف مرة الى يرمى نفسة لتوكيل زى دة يستهل الى يحصله
الحمدلله انا وناس كتير بنعمل صيانة بارة وعايشين ملوك واقل من ربع التمن والله انا عامل صيانة ال 20000 يعتبر بتمن الزيت 115
والبوجيهات ngk 180 هشتريها فى خلال اسبوع ان شاء الله ودى بتعيش 100 الف كليو
وتيل الفرامل ريمسا 180ج والمصناعية 20 ج والحمدلله كل حاجة اتعملت 100% وقدام عينى والنتيجة ممتازة
بالنسبة للضمان اى عربية تكسر حاجز ال 5 الف وميظهرش فيها مشكلة يبقا 100 % مش هتحتاج الضمان نهائى
غير اصلا ان الحمدلله رغم كل دة مسمعنش عن عربية بروتون فىها عيوب صناعة كبيرة يعنى اغلب الوقت كلها حاجات بسيطة او تقدر تقول عيوب تقفيل

[mido_soliman]

ربنا معاك بس انا ليا ملاحظات
١- الصوت اللي حضرتك بتوضفة دة لازم يحصل فب اي عربية اوتو في الدنيا لان حضرتك لما بتشيل رجلك حاجة بسيطة من علي الفرامل الخزنة بتاعة الفرامل مبتفتحش علي الاخر وبالتالي جزء منها بيحك في جسم الطنبورة نفسة وبيسبب صوت الاحتكاك العالي ودة طبيعي مليون في المية
٢- ثانيا هما كانوا بيغيرولك طنابير وانت مستغرب انهم ازاي بيضحوا بطنابير جديدة لو الصوت عادي احب اقولك انة مش خسران بلعكس كسبان لانة مش حيغيرلك طنابير جديدة بالعكس دة خد الجداد بتوعك وحطلك اتنين مخروطين اقدم من بتوعك
٣- ثالثا المشكلة بتاعة البقعة دي مش حتتحل غير بالرش ومش حيغيوا كبوت ودة في البداية عيب استلام من حضرتك
٤- بعد كل ما قريت موضوعك ومعاناتك في الانتظار وجدت الاتي
حضرتك اعدت من الساعه ٩.٣٠ حتي ٧،٣٠ مساء علشان عيب طبيعي صوت في الطنبورة وشرحتة بقعةبهتان في الكبوت يصعب رؤيتها وعيب استلام ولا يعيب شيئ وصوت مختلف في قفل الباب الخلفي عن باقي اصوات الببان وتم علاجة الي حد ما وهو ايضا غير مؤثر طالما الباب يقفل بطريقة طبيعية وعزلة مثل باقي الابواب
عيوب غير مؤثرة ومنها طبيعي واخي الكريم لا تغضب مني فقد عانيت عن عمد واري ان لا عيب في التوكيل وخدمتة اثناء وصفك واتمنالك ان تتغاضي عن الاشياء الغير جوهرية واستمتع علي قدر المستطاع بالسيارة فهي جديرة بالاقتناء واتمنالك الخير والسعادة ونريد تقرير الالف عن مميزات وعيوب السيارة بغض النظر عن صيانتها بالتوكيل وتحياتي العطرة

[أبومعاذ]

+1111 دا نفس رأيي العربية من كلام حضرتك مفيهاش عيب في الفرامل والتوكيل عداه العيب انه بيجربلك كل دا بس موضوع البقعة متسكتش عليه

[Ahmed.Ali]

بصراحه انت تعبت نفسك علي الفاضي كنت اثبت العيوب في الجوب اوردر و ادخل للمهندس امر و كل هيتعمل زي ما انت عاوز

[Tayer]

أولا العربيه مانيوال مش أتوماتيك
ثانيا أنا سعيد بالعربيه جدا جدا و مقتنع بيها جدا جدا
ثالثا المهندس امر مكنش موجود اليوم ده و أنا كلمته و هو راجل محترم جدا و هرحله فى أقرب وقت ممكن
ثالثا هوه التوكيل ممكن يحطلى طنبير مخروطه ؟؟؟؟؟(أنا شايفها طلعا من الكرتين !!!!!!!!!!!!!

[Tarek Gen 2]

أولا العربيه مانيوال مش أتوماتيك
ثانيا أنا سعيد بالعربيه جدا جدا و مقتنع بيها جدا جدا
ثالثا المهندس امر مكنش موجود اليوم ده و أنا كلمته و هو راجل محترم جدا و هرحله فى أقرب وقت ممكن
ثالثا هوه التوكيل ممكن يحطلى طنبير مخروطه ؟؟؟؟؟(أنا شايفها طلعا من الكرتين !!!!!!!!!!!!!

الطنابير جديدة متقلقش
و لو مانوال يبقى ممكن يكون فى مشكلة فعلا

[eslamkasem]

يا جماعه الراجل متعبش نفسو علي الفاضي دا حقه ولازم يخده وخليك وراهم

[Tayer]

يعنى يا جماعه نعمل أستطلاع الصوت ده عادى ولا مش عادى حد
أنتو فهمين أنا أقصد أيه ولا لأ ؟
مثلا لو على منزل و ممور أو مدي أولانى و دايس دبرياج
و العربيه وقفه تماما
بعدين شيلت رجلى شعره من على الفرامل يدوبك سنتى متر و لسه رجلى محمله على الفرامل العربيه هتتحرك بعزم الجازبيه الأرضيه صح
أثناء هذه الحركه فى صوت تزييق و يختفى لما بسحب رجلى من على الفرامل (أسيب فرامل)أو لما أحمل فرامل تانى
فهمنى يا رجاله

[Tayer]

الطنابير جديدة متقلقش
و لو مانوال يبقى ممكن يكون فى مشكلة فعلا

طارق على فكره يا باشا عاشت الأسامى للأن أنا كمان أسمى طارق
أنت عربيتك مانيوال ولا أوتوماتيك ؟

[Tarek Gen 2]

طارق على فكره يا باشا عاشت الأسامى للأن أنا كمان أسمى طارق
أنت عربيتك مانيوال ولا أوتوماتيك ؟

طب افرض انا اسمى اى حاجة تانى متبقاش عاشت الاسامى يعنى
بهزر معاك يا طاروقة
انا اوتوماتك و الصوت ده عندى و بيظهر اوىىىىىىىىىى لو لسة غاسل العربية
وعلى فكرة فى عربيات فيها الصوت ده و فى لا انا السيراتو معنديش
و فيرنا فيه و بى ام فى و النترا لا
معرفش بقى ايه ده فيه و فيه بس كله اوتوماتك
انما مانوال معرفش بس اظن انه فى الاول ممكن يكون عادى لسة بيطبع عشان كان معايا بونتو مانوال كانت كدة فى اول الفين كيلو و اختفا الصوت خالص

سيبك انتا
احلى حاجة فى التوكيل المهندس سيد و شهرته سيد هى كدة
انا بحب اروح اسمع تفسيراته بصراحة دمه خفيف موت احسن من بخمسة جنيه لب والله

[Tayer]

طاروق باشا كده كده عاشت الأسامى :)
بص يا طارووق ممكن تجرب و أنت على ال n و على منزل و تدوس فرامل و تجرب نفس القصه و تقولى

[yaseenmohamed]

أخي الفاضل حصل معايا أسوأ من كده في صيانه الالف ومن ساعتها أخدت عهد علي نفسي اني مش رايح (التغفيل) ده تاني علي الرغم من ان ناس كتير خوفوني من الخطوه دي لان العربيه ( ساجا ) لسه جديده ومحدش يعرف عنها حاجه ( مقارنه بالجين) بس ربنا هو اللي بيسترها

[yaseenmohamed]

بالنسبه لصوت الفرامل ده عادي جدا في الاوتوماتك انا معايا كده

[mohamedtahaab]

يا جماعة قولتكم الف مرة الى يرمى نفسة لتوكيل زى دة يستهل الى يحصله
الحمدلله انا وناس كتير بنعمل صيانة بارة وعايشين ملوك واقل من ربع التمن والله انا عامل صيانة ال 20000 يعتبر بتمن الزيت 115
والبوجيهات ngk 180 هشتريها فى خلال اسبوع ان شاء الله ودى بتعيش 100 الف كليو
وتيل الفرامل ريمسا 180ج والمصناعية 20 ج والحمدلله كل حاجة اتعملت 100% وقدام عينى والنتيجة ممتازة
بالنسبة للضمان اى عربية تكسر حاجز ال 5 الف وميظهرش فيها مشكلة يبقا 100 % مش هتحتاج الضمان نهائى
غير اصلا ان الحمدلله رغم كل دة مسمعنش عن عربية بروتون فىها عيوب صناعة كبيرة يعنى اغلب الوقت كلها حاجات بسيطة او تقدر تقول عيوب تقفيل

رجاء افادتنا عن مكان الصيانة خارج التوكيل والاسعار تقريبا ..هام جدااااااااااااااااااااااااا ....وشكرا