استفسارات عن برسونتي

[MeMo4ever]

بسم الله الرحمن الرحيم
اولا بعد التحيه بحب اشكر المنتدي اللي عرفني علي بروتون والهديه " بيرسونا "

ثانيا انا كنت بعمل صيانه الالف في التوكيل وكان الباب في خبطه ففضلت اني اعملها في التوكيل برده
المهم انا كان عندي شاسيه الاكصدام مطبق وقولت اعمله في التوكيل بالمره قالوا 450 جنيه
وكنت ناوي اعمل فرش واركب زينون وفوجات و انذار " العربيه بازيك وعاوز اظبطها من الاخر "

بس بصراحه سمعت من ناس كتير ان يفضل اعمل الحاجات دي بره التوكيل
والمعظم بيقول ان في الحرفيين في اماكن كتير وباسعار اقل
بس انا مش من القاهره فهل ممكن حد يساعدني في مكان يبقا مضمون وشغله نضيف وسعره حلو
وياريت لو حد يعرف الاسعار علشان اعرف احدد ايه اللي اعمله وايه ماعملهوش

وشكرا ليكم علي تعبكم معايا

[araouf222]

بالنسبه للانذار و الفوجات و الانذار لازم التوكيل علشان متخسرش الضمان علشان ده لعب في الضقيره
بالنسبه للخبطه فدى مش مشكله أي حته بس دور على حد كويس ز يعرف يردها على البارد و متبنش بعد كده

[Tarek Gen 2]

شمكرة و دهان اقدر افيدك فيهم بالذات السمكرة هوديك عند واحد من عالم اخر سمكرى غريب و ايده حريرية و مشفتش زيه فى حياتى وانا بتعامل معاه من سنين

اما الحاجات اللى عايز تركبها دى فهقولك حاجة روح التوكيل و شوف لو رضى يركبلك الحاجة دى و المبدأ موجود قلهم ان انتا جتلك الحاجت دى و عايز تركبها و متجبش حاجة من عندهم

و عموما انا مركب زينون فالفوجات و الفوانيس عالى و واطى و حدة رفع و برة التوكيل
و مش مضرور الحمد لله بس الافضل بصراحة جوا التوكيل بس انا عموما من زمان مبهتمش لا بتوكيل ولا بتاع و مبحبش حد يبيعلى حاجة بضعف تمنها الا لو ماسكنى من ايدى اللى بتوجعنى :)

[eslam_wega]

شمكرة و دهان اقدر افيدك فيهم بالذات السمكرة هوديك عند واحد من عالم اخر سمكرى غريب و ايده حريرية و مشفتش زيه فى حياتى وانا بتعامل معاه من سنين

اما الحاجات اللى عايز تركبها دى فهقولك حاجة روح التوكيل و شوف لو رضى يركبلك الحاجة دى و المبدأ موجود قلهم ان انتا جتلك الحاجت دى و عايز تركبها و متجبش حاجة من عندهم

و عموما انا مركب زينون فالفوجات و الفوانيس عالى و واطى و حدة رفع و برة التوكيل
و مش مضرور الحمد لله بس الافضل بصراحة جوا التوكيل بس انا عموما من زمان مبهتمش لا بتوكيل ولا بتاع و مبحبش حد يبيعلى حاجة بضعف تمنها الا لو ماسكنى من ايدى اللى بتوجعنى :)

ووحدة الرفع كلفتك كام ؟

[Tarek Gen 2]

ووحدة الرفع كلفتك كام ؟

اهو انتا كدة فكرتنى باحمد حلمى لما قال طارق طارق مين مسدس و جاب المسدس بكام

كلفتنى 100 جنيه شراء و تركيب و وحدة رفع الاربع ابواب و على فكرة الجين تو تحديدا مش اى نوع بيركبلها و مش اى حد بيركبه عشان انا اتشليت ساعتها ده كلريون ماعرفوش تخيل!!
و التوكيل قالولى لا مبيركبلاهاش
و حتت الكهربائى بتاعى من زمان هو اللى ركبها

[eslam_wega]

اهو انتا كدة فكرتنى باحمد حلمى لما قال طارق طارق مين مسدس و جاب المسدس بكام

كلفتنى 100 جنيه شراء و تركيب و وحدة رفع الاربع ابواب و على فكرة الجين تو تحديدا مش اى نوع بيركبلها و مش اى حد بيركبه عشان انا اتشليت ساعتها ده كلريون ماعرفوش تخيل!!
و التوكيل قالولى لا مبيركبلاهاش
و حتت الكهربائى بتاعى من زمان هو اللى ركبها

دة كهربائى ورئيس قسم كمان خلاص لما انوى ان شاء الله هجى اعملها عندك

[أبومعاذ]

اهو انتا كدة فكرتنى باحمد حلمى لما قال طارق طارق مين مسدس و جاب المسدس بكام

كلفتنى 100 جنيه شراء و تركيب و وحدة رفع الاربع ابواب و على فكرة الجين تو تحديدا مش اى نوع بيركبلها و مش اى حد بيركبه عشان انا اتشليت ساعتها ده كلريون ماعرفوش تخيل!!
و التوكيل قالولى لا مبيركبلاهاش
و حتت الكهربائى بتاعى من زمان هو اللى ركبها

أهم حاجة الكهربائي عملك ايه في الزرار اللي بيفصل الزجاج الكهربا اللي بيبقى عند السواق؟

[Mohamed.Kader]

أهم حاجة الكهربائي عملك ايه في الزرار اللي بيفصل الزجاج الكهربا اللي بيبقى عند السواق؟

السلام عليكم
كلام حضرتكم مظبوط لأني عملت فعلا الموضوع دا وركبت وحدتين رفع للأربع أبواب بس قابلتني مشكلة أنهم علشان يشتغلوا مظبوط مع السنتر فلازم ياخدوا كهرباب مباشرة من البطارية وبالتالي الأزاز بقى يمكن فتحة وقفلة والمفتاح مش في الكونتاك بس إن شاء اليومين دول بدور على وحدة تحكم ذي (دايرة 555 أكيد أخوانا بتوع هندسة عارفنها)علشان اقطع بيها الكهرباء عن زرار الأزاز بعد ما أقفل العربية بــ 10 ثواني (Off Delay Timer)
وعلى فكرة أنا قلبت الأسلاك كلها أني ألأقي حاجة بتبقى شغالة لمدة بعد قفل العربية وتطفي بعدها بــ 10:15 ثانية مفيش

[MeMo4ever]

انا كلمت التوكيل وهما فعلا عندهم الاستعداد للانذار بس
و كمان مافيش وقالوا استني لما يجي من ماليزيا !!!!!!
فلو ممكن تقولي اسم محل محدد اجيب منه الانذار و اوديهلهوم يركبوه

[أبومعاذ]

وعلى فكرة أنا قلبت الأسلاك كلها أني ألأقي حاجة بتبقى شغالة لمدة بعد قفل العربية وتطفي بعدها بــ 10:15 ثانية مفيش

ممكن المروحة

[Mohamed.Kader]

ممكن المروحة

شغالة بإستمرار بدون توقف أنا كنت بدور على حاجة تشتغل لمدة بسيطة بعد قفل السنتر وتطفي بس ملأتش كلوا يشغال على طول يا مشغال خالص كن عايز حاجة كدة ذي نور الصالون في الانسر والأنترا بعد قفل السنتر تفضل اللمبة بتاعت الصالون شغالة 5:10 ثواني وتطفي بس ما حصلش نصيب

[Tarek Gen 2]

انا مش فاهم قصدكوا يا جماعة بس هو عموما يا ابو مريم مركبه عادى زى اى عربية طول ما العربية شغالة وحدة الرفع مفصولة و اول ما تبطل تبقى جاهزة بقى لو قفلت المفتاح الازاز بيترفع و هكذا زى اى وحدة
وانا فى اتنين جربولى قبله و معرفوش هو اللى عملها و حطلى حاجة اسمها كتاوت قاللى دى هتعكس الاشارة و مش عارف ايه مفهمتش حاجة بس اهو المهم انه عملها و الازاز عشان ينزل لازم الكونتاكت و كدة و الزرار بتاع قفل الازاز شغال عادى وهو اللى ركب الزينون كمان عندى

[أبومعاذ]

هو السجان بتاع شارع دمشق بيركب وحدات رفع للجين2 بس مش عارف ازاي
طيب هي مينفعش تركب على الكهربا اللي داخلة للزرار اللي بيفصل الزجاج بحيث تشتغل سواء الزرار مفتوح او مقفول؟

[x512]

بس بصراحه سمعت من ناس كتير ان يفضل اعمل الحاجات دي بره التوكيل
والمعظم بيقول ان في الحرفيين في اماكن كتير وباسعار اقل

يا ريت حضرتك تقولنا فين في الحرفين لو تعرف؟؟

شمكرة و دهان اقدر افيدك فيهم بالذات السمكرة هوديك عند واحد من عالم اخر سمكرى غريب و ايده حريرية و مشفتش زيه فى حياتى وانا بتعامل معاه من سنين

فين دا يا ريس؟؟ انا مش عاوز اعتب التوكيل بعد مشتري العربيه

و عموما انا مركب زينون فالفوجات و الفوانيس عالى و واطى و حدة رفع و برة التوكيل
و مش مضرور الحمد لله بس الافضل بصراحة جوا التوكيل بس انا عموما من زمان مبهتمش لا بتوكيل ولا بتاع و مبحبش حد يبيعلى حاجة بضعف تمنها الا لو ماسكنى من ايدى اللى بتوجعنى :)

يعني ايه وحده رفع ولا مؤاخذه ...و انا بأيدك في عدم اهتمامك بالتوكيل ثم الضمان مش ايدك اللي بتوعجك ولا حاجه...دي سبوبه بيكسبو من وراها لانهم مش مكتفيين بأنك اشتريت العربيه فقط بل عاوزين ينهبو منك المزيد و المزيد

[Tarek Gen 2]

يا ريت حضرتك تقولنا فين في الحرفين لو تعرف؟؟
فين دا يا ريس؟؟ انا مش عاوز اعتب التوكيل بعد مشتري العربيه
ده فى امبابة بس سمكرى رهيب والله لو ناوى هبقى اديك رقمى و نروحله ان شاء الله مع بعض اوصى عليك بس هوا غالى عن العادى شوية مش اوى بس بتاخد منه شغل
يعني ايه وحده رفع ولا مؤاخذه
يعنى لو نزلت من العربية مثلا و سايب كل ازازها مفتوح الاربع ببان اما تقفل بالريموت بتاع المفتاح الاربع ببان يرفعوا ازازهم للراحة يعنى بدل ما تقفل واحد واحد قبل ما تنزل
...و انا بأيدك في عدم اهتمامك بالتوكيل ثم الضمان مش ايدك اللي بتوعجك ولا حاجه...دي سبوبه بيكسبو من وراها لانهم مش مكتفيين بأنك اشتريت العربيه فقط بل عاوزين ينهبو منك المزيد و المزيد

اه طبعا و سرقة عينى عينك بس ده حال الكل