انطباعي عن فرع الصحراوي وقرار...

[x512]

ازيكو يا اخونا....انا انهارده كنت رايح احجز برسونا في الصحراوي..بعد رحله عذاب مع المواصلات وصلت و كلمت استاذ محسن صالح...كنت متوقع اني هقابل شخص ببدله وجرافته و يرصلي كلام حافضو و يكلمني بتناكه كدا بس محصلش..لقيت الراجل شكلو متواضع و لابس قميص و بنطلون عادي ..قولت الراجل دا عملي و هينجز بسرعه...و فعلا اول مقعدت معاه قال"حضرتك ناوي علي ايه؟" قولتلو "هحجز بروتون برسونا ان شاء الله" و اديتو مواصافات العربيه وبيناتي و كتبها في ورقه و رحت الخزنه دفعت في دقيقتين واداني ورقه كدا استلم بيها.....لحد كدا فل قولتو عاوز اشوف مكان الصيانه و تفضل الراجل مشكورا و صفهولي ورحت اشوف....انا قولت جايز الناس ظالمه التوكيل و المكان يكون كويس و اهو بالمره اتدرب فيه بما اني (هندسه قسم ميكانيكا و ناوي اخش سيارات)...قدام الورشه صفوف عربيات مخبوطه و عامله حوادث...ماشي ..دخلت جوا لقيت المكان ضيق جدا و العمال (في ساعه الشغل) يا أما و احد قاعد ضاربلو بوز و مخنوق..يا اما واحد نايم علي نفسو او قاعد يرغي و يقهقه مع زميلو...سألت عامل قولتو هو هنا العفشه والميكانيكا والدهان و كله ولا دا فرع واخد بس...قالي كلو يا باشا....ملقتش حد شغال اكلمو الصراحه..العربيات المخبوطه مركونه زي مهي واللي مرفوع برضو مع نفسو ولا في عامل بيعمل اي حاجه...زي مبقولكو كدا قاعدين كدا و خلاص...قولت اكلم حد المهندسين اكيد هيقابلني باحترام و يفهمني فدخلت غرفه المهندسين لقتها فاضيه...سألت علي اي مهندس ...قالولي عندك المهندس (سيد...)في الاستقبال..دلخت لقيت اتنين قاعدين كدا و منظرهم مش لطيف و سألت مين فيهم البشمهندس سيد قالي انا و دار بينا الحوار دا (منتهي التناقض و قله الذوق)
أنا (بابتسامه لطيفه):ازي حضرتك يا بشمهندس
سيد: هزلي راسه
أنا: حضرتك انا كنت عاوز اخد تدريب هنا فكنت حابب اسأل لو في ناس جت قبلي؟؟
سيد: تنح و مردش
أنا: اقصد حضرتك تدريب خاص بالجامعه (كليه هندسه) ..انا اصلا جاي اشتري بس عاوز استفسر مش اكتر.
سيد: اه في ناس اتدربت
انا: طيب حضرتك ايه رأيك ؟ هل هستفيد هنا ولا في اماكن افضل؟؟
سيد:لأ..المكان هنا وحش و ضيق (وركزو قوي علي الجمله دي)
انا :عشان كدا حضرتك في ناس كتيير بتشتكي من ان الصيانه سيئه جدا و العربيات بتخش زي مبتخرج.

سيد: محصلش...مين قال كدا!!
أنا: في ناس كتير بتشتكي حضرتك..تفتكر ليه يعني؟؟
سيد: أبقي أسألهم(بكل قرف و بجاحه)
أنا: سألت بس انا حابب اعرف رأي حضرتك ؟
سيد: اانا مينفعش اقول رأيي انا شغال في المكان( مع ان من دقيقتين كان المكان وحش و ضيق)...و ابقي قولهم ليه العربيه بتتباع لحد دلوقتي طالما الصيانه وحشه...أنت جاي تتشتري العربيه ليه (ولا كأني بكلم أمين شرطه)
أنا: لانها عربيه ثابته و صاجها ناشف و موفره في البنزين ..بس عيب رقم واحد التوكيل سيء
سيد: دا كلام مش منطقي..اديك هتشتري و تشوف
(و في نص الحوار عرفت انو سيارات المطريه)
قولتو شكرا و من رميتش السلام حتي و خرجت وانا بسب والعن فيه في سري....انا دخلت اكتر من 20 مصنع و مركز خدمه (كطالب رايح اتدرب مش مشتري) و عاملوني احسن من كدا بكتير و شالوني فوق راسهم عمال و مهندسي و رحبو بيا جدا..حتي اللي رفض...رفض بأدب..انم الباشا انا جاي اكلمو كمشتري و عاوز اخد انطباع..بيرد علي كأني خدام ابوه..دلوقتي بس عرفت ليه الناس مش راضيه عن التوكيل سواء في المنتدي أو براه...و علي هذا الاساس :
انا اخذت قرار اني ان شاء الله اما استلم علي خير مش عاوز مالتوكيل دا حاجه ولا صيانه 10 كيلو حتي..يعني (سرقه+لطعه طول النهار+مفيش حاجه بتتصلح+معامله سيئه ) يبقي لازمتها ايه...و مع احترامي لكل اراء الناس اللي هتقولي كلم مهندس امر او فلان او علان....المفروض انا رايح اعمل صيانه لعربيتي و بدفع تمن الخدمه و زياده اضعاف...بتيأهلي مش محتاج واسطه عشان احصل علي الخدمه لان انا مش في المرور ولا مصلحه الاحوال المدنيه....و في النهايه كنت بتفرج علي بيرسونا مركونه لسه هتتباع...لقيت الطنابير و اللهاوسنج بتاع تيل الفرامل مصديين علي الاخر..لان البشوات برشو علي العربيه ميه مع الزرع و سايبنها طول النهار في الشمس..و اعدت اتفرج علي كام عربيه كدا و سلمت علي الاستاذ محسن و مشيت....اسف علي الاطاله بس بجد انا مخنوق من التوكيل دا و ان شاء الله استلم علي خير و مس راجعلو تاني ابداااااا

[mo7hamedemad]

اولا الف مليون مبروك ع العربية ويارب يديك خيرها ويبعد عنك شرها

ثانيا طالما حضرتك هتفهم فى عربيتك دة هيرحك كتير
انا شايف انك انت الى تصون عربيتك(تعملها الصيانات يعنى) فى نفس الوقت متضيعش الضمان لانك اكيد هتحتاجة!

دة رايى ولك حرية الاختيار

[Nistelrooy]

الف مبروك مقدماً..

وبعدين ده حقك في التوكيل 3 سنين خليك فوق راسهم لو في حاجة ليك ..

وتستلم ع خير ان شاء الله

[x512]

الف مبروك مقدماً..

وبعدين ده حقك في التوكيل 3 سنين خليك فوق راسهم لو في حاجة ليك ..

وتستلم ع خير ان شاء الله

مهو لو 3 سنين باخد فيهم خدمه يبقي ماشي...انم اللي شايفو من الناس اللي قبلي انهم بيتقلبو الصراحه+ بيتعطلو ياخدو اجازات من الشغل و يقعد يووووووووم بطوله في التوكيل عشان الصيانه...مش لازم استني لما اتلدغ في 1500 جنيه في صيانه و بعدها اقول حرمت و اصلح برا احسن...دا رأي من خلال اللي بشوفو من تجارب اخونا في المنتدي هنا..تحياتي

[mrwho1982]

وعايزينا نتقدم طول مافي نوعية من الشخص ده والله العظيم هانفضل ورا

ده كان يتعمل فيه شكوي علشان يتعلم يتكلم ازاي

وكمان لما يكون مهندس كده انت مستني ايه من الصنايعية

لازم يانتخو ويهزرو ويبوذو

حاجة قرف وتجيب المرض ربنا يقلل من الاشكال دي


انا مرة كنت رايح اصلح خرم في الشكمان وكان راجل كبير بيتكلم بقرف

قمت وانا في العربية فلتلو ومستني تكسب زبون بوشك اللي يسد النفس وسيبتو ومشيت

[mohamedtahaab]

الف مليون مبروك على السيارة ......ممكن اسأل حضرتك حجزت البروسونا بكام ..... مع جزيل شكري

[x512]

الف مليون مبروك على السيارة ......ممكن اسأل حضرتك حجزت البروسونا بكام ..... مع جزيل شكري

حجزت ب 1000 جنيه و من غير بطاقه ولا اي حاجه (طبعا بيتشالو من تمن العربيه)....اي خدمه

[mohamedtahaab]

حجزت ب 1000 جنيه و من غير بطاقه ولا اي حاجه (طبعا بيتشالو من تمن العربيه)....اي خدمه

انا اسف ... انا كان قصدي الاجمالي كله كام..... تحياتى

[x512]

انا اسف ... انا كان قصدي الاجمالي كله كام..... تحياتى

حضرتك البيرسونا مانيوال فل اوبشنز ب 86.000 جنيه و هتاخد (خصم النايل موتورز) يبقي 83.000 جنيه فقط لا غير...شاملين الفلوس اللي هتدفعها عند الحجز

[pedro732000]

طيب ايه نظام الساجا عشان فى اتنين قريبى عايزنها موجودة ولا لا
نسيت الف مبروك
انا مكنتش فاضى الفترة اللى فاتت عشان اقابلك على الشات معلش بقى
وربنا يكملك على خير ويسر

[x512]

طيب ايه نظام الساجا عشان فى اتنين قريبى عايزنها موجودة ولا لا
نسيت الف مبروك
انا مكنتش فاضى الفترة اللى فاتت عشان اقابلك على الشات معلش بقى
وربنا يكملك على خير ويسر

ربنا يخليك يا باشا ..في ساجا...بس لو ممكن تفكر شويه في هناك دودج شارجر حمرا...يدوب هتزودلك 520.000 وتجيبها..و موفره جدا في البنزين 5700 سي سي فقط..

[eng.m7md.ali]

هو المهندس سيكو كدة دمو تقيل اوي وياريت محدش يتعامل معاه و مبروك العربية ومتخليش حد يكرهك فيها

[Tayer]

سيد و الشهره هيه كده

[أبومعاذ]

معلش عشان مصلحتنا ومصلحة التوكيل ادخل على موضوع المهندس أمر واحكيله اللي حصل

[Dr.Islam]

انا كمان عايز اعرف سعر الساجا في التوكيل و موجودة ولا لأ!!!