مش منتشرة ليه!!!

[Dr.Islam]

السلام عليكم,
أنا نفسي اعرف ليه الساجا مش منتشرة؟!!! انا كنت فاكر انها هتكتسح السوق.
انا رأيي انها احسن من كل سيارت نفس الفئة السعرية شكلاً و موضوعاً.
شارك برأيك, يمكن نوصل لحاجة.

[hossam_elwani]

مع احترامى عربيه شكلها غلط وقديم

[abo3bdolrahman]

مع احترامى عربيه شكلها غلط وقديم

هيا مين دى !!!!!!

[digi_7E]

الساجا اول ما نزلت شفتها كذا مرة

دلوقتي بقالي فترة مشوفتهاش معرفش لية

شكلها وحش اية بس يا رااااجل ؟؟
دا جميلة جداً ... و بالذات في الأبيض .. بالمناسبة لسة شايف جين تو ابيض النهاردة (اول مرة اشوف اللون دا عالجين ) تحفة ماشاء الله

سبب عدم الإنتشار في نظري بسبب التوكيل الهفأ !!

[kisho55555]

اعتقد عشان الموتور الصغير ... ده اللى مخلى الناس تقلق منها ..

انا معرفش التوكيل عشان اتكلم عليه ...

[elfashn]

متهيألى بسبب حجمها الصغير الى بيعكس ضيق صالونها + انها بتاكل بنزين ولا ال1600

[mo7hamedemad]

اكتر حاجة بتعجبنى فى الشعب المصرى انة كل واحد بيقول اى حاجة عشان يبقى كتب واسمة اتحط وخلاص

على العموم انا هعمل نفسى مشفتش الى فات

بص يا معلم
اسباب الى مخلية العربية حتى الان لسة لم تنتشر الانتشار الى انت مستنية
1. ان العربية بقالها 6 شهور بس نزلة مصر
والسبب دة هوضحة فى الاخر
2. ان التوكيل مش عامل حاملة اعلانية خااااااااالص للعربية
3.ان التوكيل للاسف بيستورد كميات قليلة كل فترة كبيرة
يعنى من اول لما نزلت حتى الان كام دفعة جت مصر (المفروض تبقى 6)بمعدل كل شهر دفعة طب كام عربية بتيجى كل دفعة (المفروض انة يغطى الحاجزين ويفيض للمشترين) بس للاسف دة المفروض
الدفعات الى جت مصر حتى الان تقريبا 5 دفعات ان مكنوش 4 كمان وفى دفعة كاملة اتسلمت للموزعين
عدد العربيات فى كل دفعة مبيتعداش ال 25 عربية ل 50 عربية

تعالو بقة نشوف حسبة بسيطة
انتوا شايفين ان العربية مش منتشرة
وعم عبدة شايف ان العربية وحشة

طب انتوا شفتوا حاجة اهم
حد فيكوا راح التوكيل وشاف العربية حجز ولا استلام فورى
انا اقولكوا ووفر عليوا المشوار العربية حجز
دة معناة اية
اقول انا برضو قبل ما الفتايين يشتغلوا (على راى كوكاكولا الفتااااااااااااااين يفتوااااااا اوحنا نطرقعهم )
لو العربية وحشة وزبالة وشكلها توك توك وضيقة و ..........زز
اية الى يخليها بالحجز وبسم الله ما شاء الله الناس الى حجزة اكتر من مما يتخيلة اى حد من الفتايين حبايبنا
دة معناة ان الدفعات الى جت كلها خلصت وان العربية حلوة خصب عن عين ......... ومشية نفسها (النقطة دى هتكلم عليها فى الاخر) ومسوقه نفسها

نيجى لنقطة ممشية نفسها :
اولا مش التوكيل دة نفس توكيل الماركة الصينية......
ثانيا عمركوا شفتوا توكيل عايز يخسر
ثالثا محدش سال نفسة قبل كدة لية التوكيل عمل اعلانات على الماركة الصينية ومعملش على بروتون
اقولكوا التوكيل ماشى ب مبدا ان العربية الحلوة الى ضامن مكسبها حتى ولو بعد فترة يسبقها هى تسوق نفسها والى مش ضامن مكسبها ينزل عليها اعلان و........

يعنى اية بقة تسوق نفسها
يعنى انا ولا انت ولا اى حد اشترى الساجا او حتى حجزها (انا كلامى على الساجا لان اكيد حبايبنا الفتايين عرفين يعنى اية جين تو اصلها موصلتش للدرجادى) عرف العربية من النت او شافها فى الشارع او واحد صحبة اتكلم عليها

كل هذة الاسباب تؤكد لك عزيزى الفتاى ان العربية رغم عن انفك عربية ممتازة وسوف تصبح عن قريب رقم واحد

وبالنسبة لعدم انتشارها حتى الان اصبر لحد اخر السنادى واحكم وشوف بعدين انت ممكن تعمل حاجة حلوة
شوف كام واحد اشترى الساجا
وكام واحد حاجزها
وكام دفعة نزلت مصر
وكام دفعة هتنزل لحد اخر السنادى
وانت تقدر تحكم العربية دى انتشارها هيبقى عامل ازاى



معلش انا طولت عليكوا بس الصراحة حبيت اقول للفتااااااااااااااااااين

من هى الساجا ؟ وما مستقبلها ؟ ومن قدها .

[be7ee]

بكل بساطة مقارنة صغيرة بين الساجا والعربيات الي فين نفس الفئة السعرية

و متكونش صيني مثلا سوزوكي سيلاريو 1000 سي سي و بي 70.000 جنية اتوماتك

بيكانتو 1.100 سي سي اتو ماتك 69.000

افضلهم رغم العيوب الي الناس عرفها الفيرنا 1.600 سي سي 72.000 جنية اتوماتك

معلش انا اركب عربية واسق في سبتها وفي ادئها دة غير انها صناعة اسلامية ومركبش عربية مجرد انها منتشرة او منظر

اكيد الكل عارف الفرنا بتعمل اية علي السرعات العالية رغم ان شكلها حلو وحجمها حلو
والكل عارف حجم البيكانتو يعني من الاخر عربية تشيل اربعة وبس

الساجا عربية شكلها عادي بس حلو فيها شنطة بتشيل واسعة من جوة رغم حجمها الصغير متور كام برو ثبات علي الطريق
كويسة جدا للسفر

وعدم الانتشار ميزة ان الواحد يحس انو راكب عربية مميزة

[Nistelrooy]

1- التوكيل ( مفيش اي اعلانات )
2-بعض الناس ماتعرفش اصلا بروتون لانها جديدة في السوق
3-بتنزل بكميات قليلة .. وانا لما بروح التوكيل بلاقي اتنين او تلاتة بالعافية .. وبلاقي ناس بتيجي تحجز ..


-------

من كلام الناس عيبها البنزين الي كان المفروض يبقي ميزة لها .. بس الله اعلم اية المشكلة .. وممكن يتحسن بعد عدد معين من الكيلومترات ..

[sleepyhammer]

انا واحد من الناس الى مقتنع ان العربية بتسوق لنفسها
انا عرفتها من المنتدى الحبيب ده واقتنعت بيها

والحمد لله انا حجزت امبارح العربية اللون الفضى عن اقتنااااااااااااااااااااااع مع ان كل الناس واقفة ضدى على العربية دى ؟؟؟؟؟

انا مقتنع بالساااااااااااااااااجا وربنا يباركلى فيها يارب ويبارك لكل من يملكها

[MaZaGAngeE]

ممكن صور للعربية من بره و جوة

[mo7hamedemad]

ممكن صور للعربية من بره و جوة

خش على الموضوع دة

- (اهــم المواضيـع عن -Proton SAGA- , مالا تعرفونـه عن الساجــا) -

[mo7hamedemad]

انا واحد من الناس الى مقتنع ان العربية بتسوق لنفسها
انا عرفتها من المنتدى الحبيب ده واقتنعت بيها

والحمد لله انا حجزت امبارح العربية اللون الفضى عن اقتنااااااااااااااااااااااع مع ان كل الناس واقفة ضدى على العربية دى ؟؟؟؟؟

انا مقتنع بالساااااااااااااااااجا وربنا يباركلى فيها يارب ويبارك لكل من يملكها

الف مبرووووووووك يا معلم وربنا يديك خيرها وبيعد عنك شرها

[sleepyhammer]

الله يبارك فيك يا باشا والبركة فى ربنا وفيكم
وطبعا لما اجيبها ان شاء الله حطلع عنيكم اسأله :)

[PUTTPUTT]

على فكره انا معايا واحد في الشغل معاه جين 2 موديل 2007 وواحد تاني معاه برسونا 2010 والاتنين بيقولو على العربيتين تحفه
اللي معاه البرسونا مطلع عينها كان عامل 11000 في شهرين والعربية زي الفل الحمد لله ربنا يباركلو فيها
وانا كمان شفت واحد معاه ساجا واقف قدام الشركة قلت اروح اساله كده ايه اخبارها قالي انه سواق عليها وانها تحفة وعاملة 13000 مش فاكر في كام شهر بس قالي موتورها حلو اوي وواسعة وعضمها ناشف وعالية وعمرها ماحكت منه في حاجة
وقالي واسعة من جوا وفتحهالي وقالي ادخل شوفها وجرب قعدتها العربية ماشاء الله حلوة
سالته بصراحة كده هيا ولا الفرنا قالي دي طبعا
طيب هيا ولا الجيتز قالي لا هي
طيب هي ولا الاف ار في قالي لا هيا
اصل كان معايا واحد صاحبي وكان بيفكر في الجيتز فاقتنع بيها وقرر يجيبها
ياريت تحسبوني بروتوني بقى لحد لما اجيب واحده واهه هانزود واحد غير اني قلت على المنتدى لصاحب الجين 2 والبرسونا
يعني مش معايا بروتون بس بزود اعضاء المنتدي(الرجل المزود)