إعـــــــلان

Collapse

.

,
See more
See less

أنا ....وجى جى.... سنة اولى

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    أنا ....وجى جى.... سنة اولى

    منذ عدة أشهر ....وبالتحديد فى شهر ابريل....كانت الذكرى الاولى لى ولسيارتى العزيزة ...جى جى....وصباح هذا اليوم السعيد..........
    استيقظت من نومى كعادتى ، منهك القوى اترنح يمينا وشمالا ، وتحسست طريقى الى المطبخ لأجهز كوبا من الكابتشينو ......واتجهت الى الجراج مسرعا.....

    أنا : صباح الخير ياحياتى


    جى جى : صباح الخير.....مالك عامل كده ليه؟


    أنا : تعبان ومش قادر....ينفع ماروحش الشغل النهارده؟؟


    جى جى : بطل دلع ...وصحصح كده


    أنا : مالك بتبصيلى كده ليه


    جى جى : مببصش.....وهابص إزاى يعنى


    أنا : اه ....بتديقيلى كشافاتك كده ، وبتبصيلى من تحت الفوجات ....زى مايكون بتستحلفيلى


    جى جى : مش ناسى حاجة؟؟؟؟؟


    أنا : اخخخخخخ ....بنت حلال والله ، فعلا نسيت المحفظة فى البيت


    جى جى : بس..... وايه كمان؟


    أنا : أيوة أيوة.........نسيت كمان اللاب توب......انا مش عارف دماغى بتروح فين


    جى جى : طبعا ........اللى واخد دماغك.......مفيش حاجى تانى؟


    وقلت فى نفسى ياترى ياواد ابو المصاطيف هى بتسأل ليه......اكيد أنا ناسى حاجة مهمة......أكونش نسيت أغيرلها الزيت......لالا......غيرته......طب تكونش البوجيهات.....برده غيرتها.....امال ايه بس ...اكيد ..


    وأثناء محاولاتى المستميتة لإنقاذ مايمكن انقاذه وتذكر ماقد نسيته......صاحت جى جى بصوت عالى


    خلاص خلاص متحاولش....ماهو انا لو مهمة فحياتك كنت افتكرتنى....


    وهنا ....وفى هذه اللحظة.....أحسست انى قد مررت بتلك التجربة من قبل.....ولكن ليس مع جى جى...وانما مع زوجتى....حين نسيت عيد زواجنا الاول.....وقضيت بعدها شهرا من أجمل شهور حياتى فى مستشفى القصر العينى أتلقى فيه العلاج من الكسور والكدمات التى أعانى منها حتى الآن........


    الآن .....قررت أن اتظاهر بأنى لم أنسى.....وخصوصا أنها قد أدارت الموتور.....وبدأ الأر بى أم يعلو فوق الستة الاف


    أنا : ههههههه.......

    تلك كانت ضحكة ساذجة منى.....ممزوجة بالخوف من قضاء شهر أخر بالقصر العينى....أو الذهاب مباشرة الى مقابر الغفير دون المرور على القصر العينى....
    أنا: انتى فاكرانى ناسى والا ايه..............بس انتى حرقتيلى المفاجأة.....كده برده.....مش تصبرى شوية


    جى جى : عليا برده الكلام ده.....ده انت ولا فاكر حاجة...هوا أنا مش عارفاك


    أنا : (بكل حزم وشدة) لالالا.....انتى فاكرة ايه......مش أنا اللى أنسى حاجة زى كده....ده أنا أنسى أسمى...ولا أنسى اليوم ده


    وبينى وبينك....انا حتى الان لا أتذكر شيئا....فأانا ياصديقى العزيز....اتمتع بذاكرة خرافيه....بينها وبين التواريخ والمناسبات عداء متوارث منذ قديم الاجل.....


    الآن أنا أعرف انه توجد مناسبة ما....ولكن ماهى؟؟؟؟؟؟....عيد ميلادها!!!!.....جائز......عيد ترخيصها؟؟؟؟.....يجوز......عيد تحرير السيارات.....ممكن........وما الحل للخروج من هذا المأزق....فأنا أقف أمامها.....وصوت موتورها المرعب يزأر ويملأ قلبى بالخوف....فربما قررت فجأة أن تتخلص منى للأبد لأنى نسيت هذه المناسبة الهامة


    جى جى : ها.....ماتقول ياناصح
    أنا : استنى بس ياحياتى...ماتحرقليش المفاجأة اللى انا برتبها من تلت شهور


    جى جى : يااااااسلام.....خفيف أوى....بطل حركاتك دى بقى....مفقوسة


    أنا : واضح ان مفيش فايدة......انا هاعترف...يمكن أصعب عليها


    وأخرجت الموبايل من جيبى ...


    جى جى : انت هاتكلم مين؟


    أنا : أبدا.....بطلب القصر العينى


    جى جى : ليه بس؟


    أنا : بشوف فى سراير فاضية ولا لأ...أصل المرة اللى فاتت استنيت كتير لغاية ماسرير فضى قسم فى العظام.....اصله كان زحمة أوى.....كان موسم........الفلانتين داى وكان العنبر مليان.....فقلت أحجز أحسن.


    جى جى : هههههههه.....وليه كده بس......وانت تهون عليا برده أعمل فيك كده


    أنا : (بكل فرح) ده العشم برده ياحياتى......


    جى جى : متقلقش ياحبيبى.....أنت غالى عليا....ومهما نسيت ....عمرى ماوديك القصر العينى أبدا......أنا حجزتلك خلاص فى دار الفؤاد..........ههههههههههه


    .
    [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
    [/CENTER]
    الكلمات الدلالية (Tags): اولى, صوت, لنا, وجى
  • #2
    وانا اللى ظلمك
    بقول مختفى اليومين دول فين ده حتى روحت سألت عليك فى القصر العينى
    اتاريك ياعينى دار الفؤاد
    المهم تبقى بسيطة
    جامد يامان
    والله بقول عليك برنس
    يارب سترك ورضاك عنا

    Comment

    • #3
      فيييييييييييييييينك يا أستاذ مصطفى يا جااااامد من بدرى
      حوار ممتاااااااااااااااذ
      [SIGPIC][/SIGPIC]

      Comment

      • #4
        المشاركة الأصلية كتبت بواسطة pedro732000 مشاهدة المشاركة
        وانا اللى ظلمك
        بقول مختفى اليومين دول فين ده حتى روحت سألت عليك فى القصر العينى
        اتاريك ياعينى دار الفؤاد
        المهم تبقى بسيطة
        جامد يامان
        والله بقول عليك برنس
        ياباشا الله يكرمك

        انا مش مختفى ولا حاجة.....انا موجود....هاتلاقينى يا اما فى القصر العينى يا اما فى دار الفؤاد....على حسب المناسبة....اسأل عليا همة عارفينى هناك........ربنا يعافينا كلنا
        [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
        [/CENTER]

        Comment

        • #5
          المشاركة الأصلية كتبت بواسطة ahmed_h_g مشاهدة المشاركة
          فيييييييييييييييينك يا أستاذ مصطفى يا جااااامد من بدرى
          حوار ممتاااااااااااااااذ
          تسلم يا زعيم ...شكرا ليك
          [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
          [/CENTER]

          Comment

          • #6
            كل سه وانت وهي طيبين وبعد الشر عليك
            [CENTER][SIZE=4]CominG SooN Gen 2 2011 ISA

            [/SIZE][SIGPIC][/SIGPIC][/CENTER]

            Comment

            • #7
              المشاركة الأصلية كتبت بواسطة betza مشاهدة المشاركة
              كل سه وانت وهي طيبين وبعد الشر عليك
              وانت طيب...الله يخليك ويكرمك
              [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
              [/CENTER]

              Comment

              • #8
                وحشتنا أوى مجموعة الروايات دى يا باشا و طمنا عليك كده بعد خروجك من دار الفؤاد
                [CENTER][SIZE=4][COLOR=darkorange]الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه[/COLOR][/SIZE][/CENTER]


                [CENTER][img2]http://img246.imageshack.us/img246/9382/tawkee3c.jpg[/img2][/CENTER]

                Comment

                • #9
                  جامد الحوار ده .. والف سلامة عليك ..
                  انا لسة في شهر العسل d:
                  [CENTER][shr71=http://img230.imageshack.us/img230/7454/gen2mainext02.jpg]Gen Lovely 2[/shr71][/CENTER]

                  [CENTER][SIZE=3][COLOR=purple][COLOR=black][COLOR=black][COLOR=blue][COLOR=black][COLOR=slategray]♥[/COLOR] [/COLOR]G[/COLOR][COLOR=darkred]e[/COLOR]n [COLOR=darkred]2[/COLOR] [COLOR=blue]A[/COLOR]st[COLOR=darkred]o[/COLOR]ni[COLOR=darkred]s[/COLOR]hin[COLOR=blue]g[/COLOR]ly St[COLOR=darkred]y[/COLOR]lis[/COLOR][COLOR=blue]h [/COLOR] [/COLOR][/COLOR][/SIZE][/CENTER]

                  Comment

                  • #10
                    استاذ مصطفى يا ريت انطبعاتك عن العربية بعد سنة او تقرير ظريف
                    [COLOR="Indigo"][CENTER]مكنة ماليزى.......[/CENTER][/COLOR]

                    [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

                    Comment

                    • #11
                      تحفة جداً....

                      خاصة عيد تحرير السيارات ده جامد مووووت ولا بلاش سيرة الموت.... جامد فحت
                      [SIGPIC][/SIGPIC]

                      Comment

                      • #12
                        متألق دائما
                        [CENTER][SIGPIC][/SIGPIC][/CENTER]

                        Comment

                        • #13
                          جامدة جدا يا باشمهندس كالعادة

                          احفظ بأه مواعيد المناسبات بتاعتها احسن تتهور معاك اكتر من كده هاهاها .

                          على فكرة الموضوع اللى سالتنى عليه ببحث فيه وهكلمك قريب جدا ان شاء الله عشان طلع المكان فعلا مش تبعنا .
                          [CENTER][URL="http://www.facebook.com/profile.php?id=700562806#%21/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl]
                          [/URL]
                          [COLOR=Green]GEN2
                          DESIGNED TO BE WILD[/COLOR]
                          [/CENTER]

                          Comment

                          • #14
                            المشاركة الأصلية كتبت بواسطة jisso82 مشاهدة المشاركة
                            وحشتنا أوى مجموعة الروايات دى يا باشا و طمنا عليك كده بعد خروجك من دار الفؤاد
                            متشفش وحش أبدا ياباشا....متقلقش عليا انا واخد على كده....

                            المشاركة الأصلية كتبت بواسطة Nistelrooy مشاهدة المشاركة
                            جامد الحوار ده .. والف سلامة عليك ..
                            انا لسة في شهر العسل d:
                            الف الف مبروك ....وخللى بالك من مناسباتك ياحلو....نحن السابقون وانتم اللاحقون....
                            المشاركة الأصلية كتبت بواسطة midosalah مشاهدة المشاركة
                            استاذ مصطفى يا ريت انطبعاتك عن العربية بعد سنة او تقرير ظريف
                            انا كنت عملت تقرير عند ال 20 الف.....انا دلوقتى دخلت على ال 30 الف....هاعمل تقرير ان شاء الله....بس أعتقد انها دلوقتى بقى معروف كل حاجة عنها ....وعيوبها قبل مميزاتها.....بس برده مفيش مانع علشان خاطر حضرتك ....وهايبقى انطباعات اكتر منه تقرير
                            المشاركة الأصلية كتبت بواسطة م.محمد مختار مشاهدة المشاركة
                            تحفة جداً....

                            خاصة عيد تحرير السيارات ده جامد مووووت ولا بلاش سيرة الموت.... جامد فحت
                            تسلم ياهندسة.....ايوة ماهو فى عيد تحرير السيارات وفى عيد رمسيس السيارات....

                            المشاركة الأصلية كتبت بواسطة hesham_soaida مشاهدة المشاركة
                            متألق دائما
                            واحشنى يازعيم.......تسلم يارب
                            المشاركة الأصلية كتبت بواسطة ahmedfathy77 مشاهدة المشاركة
                            جامدة جدا يا باشمهندس كالعادة

                            احفظ بأه مواعيد المناسبات بتاعتها احسن تتهور معاك اكتر من كده هاهاها .

                            على فكرة الموضوع اللى سالتنى عليه ببحث فيه وهكلمك قريب جدا ان شاء الله عشان طلع المكان فعلا مش تبعنا .
                            مفيش فايدة.....برده هانسى

                            مبسوط انها عجبتك والله

                            براحتك ياباشا.....انا مش مستعجل....مع الشكر
                            [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
                            [/CENTER]

                            Comment

                            • #15


                              مسخــــــــــــــــــــــــــــــــــــــــــــــــــــــــــــــــــره





                              من احلى المواضيع اللى قريتها خلال الفتره الغائمه اللى بيمر بيها المنتدى حاليــا , بجد جامد جدا ... انا موت على روحى من الضحك

                              وبجد الحته دى

                              أنا : اه ....بتديقيلى كشافاتك كده ، وبتبصيلى من تحت الفوجات ....زى مايكون بتستحلفيلى


                              بجد مش قادر


                              ودى

                              جى جى : متقلقش ياحبيبى.....أنت غالى عليا....ومهما نسيت ....عمرى ماوديك القصر العينى أبدا......أنا حجزتلك خلاص فى دار الفؤاد..........ههههههههههه


                              مسخرررررررررررررررررررررررررررررره

                              انا اتهبلت خلاص


                              بحبك يامعلـــم
                              [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
                              -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
                              --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

                              [aldl]http://img825.imageshack.us/img825/7055/3333333388333335555.gif[/aldl]

                              [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

                              [/CENTER]

                              Comment

                              السابق 1 2 template التالي
                              Working...
                              X