شكر للتوكيل فرع الصحراوي

[abdoumahros]

السلام عليكم
الحمد الله انا اشتريت ساجا مانيوال
العربيه والحمد لله ممتازه من كل النواحي بس كان فيه عندي مشكله صوت غريب في العربيه بس موش دايما بيظهر فروحت بيها في صيانه الالف وحدث الاتي:
قابلت مهندس امر الكوافي والمهندس سيد والمهندس مصطفي وشرحت ليهم المشكله وبصراحه الناس في منتهي الذوق والتعاون وقالولي احنا موجودين لخدمه العملاء وراحتهم ومعاك لحد الصوت مايروح نهائي
والحمد الله عملوا الازم واتحلت المشكله صحيح بعد 3 زيارات للتوكيل لكن اتحلت والحمد الله لذلك نصيحتي لاي حد عنده مشكله ان يكون صبور لحد ما مشكلته تتحل ومافيش مشكله مالهاش حل
كان لازم احكي لكم علي الموقف ده لانه لازم نشكرهم لما نحس بتجاوب منهم ونشجعهم علي كده
وبالمناسبه بشكر الانسه فاطمه في خدمه العملاء علي متابعتها للمشكله وحسن معاملتها
وشكرا

[mygen2]

لكل قاعده شواذ وأعتقد أن حضرتك الشاذ فى القاعده
سبحان الله وله فى خلقه شئون.

[A. Ibrahim]

استاذ abdoumahros الف مبروك و اهلا بيك معانا في المنتدي

ده الطبيعي من التوكيل عز مش احسن توكيل في مصر ولكن بيحاول يتحسن و كتير من الناس بيشهدوا بالفرق

[eng.m7md.ali]

مبروك الساجا يا ترى ممكن حضرتك تقولنا الصوت كان ايه بالظبط واتحل ازاي علشان اللي عندو نفس الصوت يعرف يحلو

[hatem_hkf]

اكيد راح توكيل تاني واتعامل مع ناس تنية في التوكيل بس ليهم نفس الاسم

[alarabiya11]

ايه ياجماعة طيب ما انا باخد نفس مستوى الخدمة والناس بتهتم بيه جدا وبحس انهم اصدقائى شهادة حق يحاسبنى عليها المولى يوم الدين

تودد الى عدوك يطيعك

[أبومعاذ]

انا كمان مشفتش من التوكيل حاجة وحشة لحد الان
بس ربنا يستر

[Dr.Islam]

مبروك الساجا يا ترى ممكن حضرتك تقولنا الصوت كان ايه بالظبط واتحل ازاي علشان اللي عندو نفس الصوت يعرف يحلو

مبروك الساجا, يا ريت حضرتك تشرح الصوت, لأن عندي صوت غريب برضو.

[abdoumahros]

اسف للتاخير

السلام عليكم
اسف للتاخير
الصوت كان عباره عن تكتكه في الجانب الايمن الامامي وبعد عده محاولات ( مره تربيط عفشه ومره فحص الصاج وغيره
المهم الصوت طلع بسبب مفصله الباب وتم تغييرها والحمد الله الصوت راح والناس هناك بمنتهي الذوق
قالولي جرب العربيه واحنا برضه تحت امرك
وانا كمان تحت امركم في اي حاجه

[أبومعاذ]

السلام عليكم
اسف للتاخير
الصوت كان عباره عن تكتكه في الجانب الايمن الامامي وبعد عده محاولات ( مره تربيط عفشه ومره فحص الصاج وغيره
المهم الصوت طلع بسبب مفصله الباب وتم تغييرها والحمد الله الصوت راح والناس هناك بمنتهي الذوق
قالولي جرب العربيه واحنا برضه تحت امرك
وانا كمان تحت امركم في اي حاجه

الف مبروك تصليح العربية ...انا محمد اللي معايا جين2 حمرا اللي قابلت حضرتك اول مرة ونت رايح تودي الساجا وبصراحة اتشرفت بمعرفة حضرتك وياريت تنورنا في مقابلات بروتون هتلاقي ناس كويسين كتير زي حضرتك

[ramyar]

الحمد لله يعني التوكيل والناس الي فيه كويسه ومش بيعضوا حد زي ما الناس فاكره

[x512]

لكل قاعده شواذ وأعتقد أن حضرتك الشاذ فى القاعده
سبحان الله وله فى خلقه شئون.

++++++1111111111111111111111

[Ayman_52]

لكل قاعده شواذ وأعتقد أن حضرتك الشاذ فى القاعده
سبحان الله وله فى خلقه شئون.

اكيد راح توكيل تاني واتعامل مع ناس تنية في التوكيل بس ليهم نفس الاسم

++++++1111111111111111111111

انا مش فاهم ليه الردود دى ؟؟؟

هو لازم كل الناس تدخل تشتم وتعيب عشان تبقى حاجه كويسه , بجد صعب .. المنتدى بقى صعب

انا ليه كل المواضيع اللى بدخلها لازم الاقى زعيق وكلام يزعل ويضايق , واحد بيحكى تجربه ايجاببه .. ايه وجه او موقع الردود السلبيه دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ , القسم مليان مشاكل ممكن تكتب فيه المشاركات دى

ولا الناس لدرجه دى بقى مش هاين عليها تشوف حاجه كويسه !!!!

ياريت الناس لما تيجى تتكلم تبقى فى دماغها ان احنا كلنا فى مكان واحد , وكلنا يهمنا ان المكان دا يكمل والناس اللى فيه تزيد مش كل يوم 5 , 10 بيسيبوا المنتدى


الزعيق والاسلوب العصبى عمره ماهيجيب نتيجه , قلب المنتدى لساحه مشاكل وخنقات فقط هيقلب القسم مهجور وماحدش فيه , ودا اللى حاصل حاليــا ... وفى اقسام قبلنا كانت نشيطه جدا جدا ولما الاعضاء كتروا فيها اتقلب القسم لوضع مشابه لينا حاليا , وفى اقل من 4 شهور اصبحت هذه الاقسام مهجوره وماحدش بيدخلها ...


اللى خلى قسم بروتون من اكتر الاقســام نشاطــا , هى الروح اللى كانت فيه ... ياريت الناس لو حابه القسم يكمل تحاول تفكر فى اسلوب جديد يخلى القسم يرجع زى زمان

سلام عليكــم

[Dr.Islam]

السلام عليكم
اسف للتاخير
الصوت كان عباره عن تكتكه في الجانب الايمن الامامي وبعد عده محاولات ( مره تربيط عفشه ومره فحص الصاج وغيره
المهم الصوت طلع بسبب مفصله الباب وتم تغييرها والحمد الله الصوت راح والناس هناك بمنتهي الذوق
قالولي جرب العربيه واحنا برضه تحت امرك
وانا كمان تحت امركم في اي حاجه

شكراً للتوضيح,,معلش عشان اتأكد,, الصوت بيظهر امتى؟!

[x512]

انا مش فاهم ليه الردود دى ؟؟؟

هو لازم كل الناس تدخل تشتم وتعيب عشان تبقى حاجه كويسه , بجد صعب .. المنتدى بقى صعب

انا ليه كل المواضيع اللى بدخلها لازم الاقى زعيق وكلام يزعل ويضايق , واحد بيحكى تجربه ايجاببه .. ايه وجه او موقع الردود السلبيه دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ , القسم مليان مشاكل ممكن تكتب فيه المشاركات دى

ولا الناس لدرجه دى بقى مش هاين عليها تشوف حاجه كويسه !!!!

ياريت الناس لما تيجى تتكلم تبقى فى دماغها ان احنا كلنا فى مكان واحد , وكلنا يهمنا ان المكان دا يكمل والناس اللى فيه تزيد مش كل يوم 5 , 10 بيسيبوا المنتدى


الزعيق والاسلوب العصبى عمره ماهيجيب نتيجه , قلب المنتدى لساحه مشاكل وخنقات فقط هيقلب القسم مهجور وماحدش فيه , ودا اللى حاصل حاليــا ... وفى اقسام قبلنا كانت نشيطه جدا جدا ولما الاعضاء كتروا فيها اتقلب القسم لوضع مشابه لينا حاليا , وفى اقل من 4 شهور اصبحت هذه الاقسام مهجوره وماحدش بيدخلها ...


اللى خلى قسم بروتون من اكتر الاقســام نشاطــا , هى الروح اللى كانت فيه ... ياريت الناس لو حابه القسم يكمل تحاول تفكر فى اسلوب جديد يخلى القسم يرجع زى زمان

سلام عليكــم

و عليكم السلام يا ايمون...بص ...انا عن نفسي اتمني اكون مخطيئ في رأيي و ظالم التوكيل و يطلع فعلا بيتحسن بس انا اتكلمت مع ناس كتيير معامهم بروتون و ميعرفوش حاجه عن المنتدي اصلا و برضو مش عاجبهم حالو و بيحصل معاهم مصايب اكتر من اللي بتحصل للاعضاء هنا و دوول بقي ميعرفوش واحد زي حضرتك كدا يتدخل مع التوكيل عشان يحل مشاكلهم فبالتالي حقهم بيضيع...اما بالنسبه لعدم النشاط في القسم بتاع البروتون فانا عاتب علي الاعضاء القدامي الغير مشاركين و بيقولو ان القسم بقي حالو سيئ و الناس بتشتكي شكاوي هايفه و بغرض الشكوي فقط و خلاص...المنتدي لما عمل فكره الترقيات عملها علي اساس المشاركه و ليس الاقدميه معني كدا ان حضرتك مش بتشارك يعني انت غير فعال في المنتدي و مش بتفيد غيرك في حين ان الناس الجداد زي حلاتي كدا محتاجين خبرات القدام خصوصا ملاك العربيه من زماان...يبقي ليه مش بيشاركو في حين ان غيرهم محتاجهم و وجودهم هيكون مؤثر جدا...و بعدين احنا في قسم البروتون الحمد لله مفيش حد بيشتم في حد و كلهم ناس محترمه و ذوق...حتي لو اختلفنا كلنا اخوه في الاخر بنفيد و بنستفيد...و تقبل تحياتي يا عم ايمن