ملاك بروتون برجاء عدم التجنى على السياره

[alarabiya11]

كنت بحاول اثمن سيارتى والسعر معاجبنيش وكان استشهاد المثمن فى المعرض بكلام السادة الملاك بروتون ........* على موقع نايل موتورز

الذين يطرحون مشاكل فى منتهى الهيافه و ييتكلمون عن خدمة ما بعد البيع بطريقة سيئة ليس بها حقيقة كاملة وحالات فرديه بيعموها على الجميع

حتى ان الرجل فتح النت على المنتدى عشان يثبت ليه لما شاف علامة نيل موتورز على سيارتى وتخيلوا انه استشهد بكلام عضو عن التوكيل لم يستلم سيارته حتى الان الا عرفته بعد كده


ياسادة ملاك بروتون ............* انتوا اسواء دعاية للسيارة بروتون ولا تستحقون تلك السيارة ولا تفهموها




حسبى الله ونعم الوكيل




برجاء انتقاء الالفاظ عند التحدث , تم مسح بعص الالفاظ وتغيير العنوان لما يتناسب مع هدف الموضوع
مشرف القسم , ب8
10/8/2010 06:31am

[midosalah]

لما حضرتك بتقول انها كلها حالالت فردية ليه حضرتك منين عممت وقولت ملاك بروتون بدون تحديد
حضرتك بتناقد نفسك حاسس ان انت عملت التوبك وانت متعصب شوية
يا سيدى الكريم من عيوب السيارة هو سعر إعدة البيع والناس كلها هنا عارفه كده
انا معرفش هيا اتمنت بكام بس انت ممكن تسأل على متوسط السعر
كل سنة وانت طيب ورمضان كريم

[alarabiya11]

على فكره المشرف الا غير الى ملاك بروتون بس انا كنت ضايف اسم تانى يعنى (Naive)ا انا قلت اسم تانى

ــــــــــــــــــــــــــــــــــــــــــــــــــ ــــــــــــــــــــــــــــــــــــ
حصلت على انذار لإصرارك على وصف الأعضاء بالسذاجة
استخدامك للإنجليزية لا يمثل فارقا ....
مشرف عام.2

[alarabiya11]

على فكره سعر اعادة البيع كان فقط سببه ثمن قطع الغيار فقط ولكن الان اراء بعض الملاك الغير حقيقيه واتهام التوكيل بالاهمال الا لم يحدث معى بل دائما يغير لى القطعة التالفه بدون اى مناقشه اذا كنت على حق
اما الان بنسمع فى السوق ناس تقول لا بروتون توكليها وحش وده مش حقيقى ولا يقيم بهذه الدرجة
انا بشوف ناس بس بتملى الصفحات بكلام مش كويس عن السيارة فى اعطال اكسسورات مش اعطال عيوب صناعة
ومهما تحاول تفهمه ان ده عيوب سهله الا فى راسه فراسه مش عاوز يفهم ولا يتفاهم وعمال يقول التوكيل وحش
والحقيقة ان السادة الملاك من النوعية ده ليس لديهم خبرة فى السيارات واغلبهم بيتعلم على سيارته
ولما يجى يسالنا مش عاوز يصدق ان سيارته احسن من الكورى والفرنساوى وفيات
وانا بسوق من 1996 يعنى قدر احكم على السيارة لا بروتون سيارة جيده تستاهل سعر اعلى من كده فى مصر
والعيب غيب سواق مش عربية

[مصطفى_صديق]

كنت بحاول اثمن سيارتى والسعر معاجبنيش وكان استشهاد المثمن فى المعرض بكلام السادة الملاك بروتون ........* على موقع نايل موتورز

الذين يطرحون مشاكل فى منتهى الهيافه و ييتكلمون عن خدمة ما بعد البيع بطريقة سيئة ليس بها حقيقة كاملة وحالات فرديه بيعموها على الجميع

حتى ان الرجل فتح النت على المنتدى عشان يثبت ليه لما شاف علامة نيل موتورز على سيارتى وتخيلوا انه استشهد بكلام عضو عن التوكيل لم يستلم سيارته حتى الان الا عرفته بعد كده


ياسادة ملاك بروتون ............* انتوا اسواء دعاية للسيارة بروتون ولا تستحقون تلك السيارة ولا تفهموها




حسبى الله ونعم الوكيل




برجاء انتقاء الالفاظ عند التحدث , تم مسح بعص الالفاظ وتغيير العنوان لما يتناسب مع هدف الموضوع
مشرف القسم , ب8
10/8/2010 06:31am

ماتحاولش مفيش فايدة....كل اللى حاولوا يقولو كلام كويس وتجارب حقيقية كانت النتيجة انهم عايزين يغشو الناس ويخبوا عيوب العربية ويقولو مميزاتها بس

[mygen2]

طب لما العربيه عاجباك أوى كده وهى فعلا عربيه كويسه جدا وبتشكر فى التوكيل اللى كل الناس أجمعت على أنه توكيل سىء جدا عاوز تبيعها ليه؟
أنا معاك أن فى ناس بتضخم المشاكل اللى عندها وبتعمل مشاكل كبيره من حاجات صغيره بس ده مش معناه أن سعر إعادة البيع بيقل عشان كده العربيه لسه سوقها مش كبير فى مصر وبالرغم من أنها أبتدت تنتشر فى مصر إلا أن لسه فى ناس كتير متعرفش عنها حاجه والناس بتاخد رأيه من أصحاب العربيات دى وكلهم أجمعوا بما فيهم أنا أن التوكيل سىء جدا ولا يستحق أن يقوم بخدمة العربيه دى.
ربنا يوفقك وتقدر تبيع عربيتك بسعر كويس.

[tamer_m_selim]

يا ريت لو نعرف موديل سيارتك وأعلى سعر معروض عليك

[misho502]

السلام عليكم ورحمة الله وبركاته
و رمضان كريم و كل عام و انتم بخير
الصيت و لا الغنا
يعنى يا استاذى الفاضل كل من اشترى سياره بروتون فى مصر فكر قبلها بدل المره مليون مره , و كان عارف و متأكد ان السياره فى مصر لسه ملهاش سوق كبير و بالتالى سعر اعاده البيع بيكون مش مرضى بدرجه كبيره , و لكن احنا اشترينا العربيه و تغاضينا عن عيب سعر اعاده البيع و قله قطع الغيار خارج التوكيل و عدم الأنتشار مقابل مميزات كتير كلنا عارفينها و اكتر ناس عارفين المميزات دى اللى ركبوها بالفعل زينا, انا رايى ان التوكيل مش وحش , و يكفى انه بيحترم المستهلك المصرى , يعنى لما بتروح تستلم العربيه قارن العربيه نازله زى ما بتنزل بره و يمكن احسن كمان من دول مثل (سوريا و دول الخليج) اللى الوكلاء هناك مش مهتمين بالعربيه و مدينها طناش , النقطه الثانيه ان من حق اى حد انه يعرض اى مشكله تعرض لها مع سيارته فى المنتدى و ذلك حتى يتعلم كيف يحلها من ذوى الخبره و حتى نتعلم جميعا من التجربه , و حتى نأخذ بآراء بعضنا البعض (ما خاب من استشار), الخلاصه المشكله مش فينا ملاك العربيه ,اكيد المشكله عند حضرتك و يا ريت تفتكر قد ايه حضرتك فكرت قبل ما تشترى عربيتك و اكيد فكرت فى نقطه اعاده البيع دى حتهدى عن كده و تذكر دائما المثل القائل ان (البايع دايما خسران) , و مره اخرى كل عام و انت بخير و الأخوه الأعضاء بخير , و ربنا يهديك الى مشترى بسعر جيد بإذن الله

[khpopo]

ماتحاولش مفيش فايدة....كل اللى حاولوا يقولو كلام كويس وتجارب حقيقية كانت النتيجة انهم عايزين يغشو الناس ويخبوا عيوب العربية ويقولو مميزاتها بس

+111
العربيه ده معادله غير متكرره وغير مفهومه للناس حتى الان للاسف
ربنا يوفق

[prohossam]

والله مش عارف بس ربنا معاك وتلاقي سعر اعلى

[eslamkasem]

سبحان الله انتا مبسوط من العربية طيب عاوز تبيعها ليه ؟

انا مبسوط من العربية بس عندي عيب بجد بيخلني احس اني راكب عربية موديل سنة 30 الا وهو التزيق من علبة الدركسيون والي التوكيل بيحله بتركيب ابزيم يمسك العلبة وطبعا مع اول طب بيرجع الصوت اسوء من الاول تفتكر اقول علي التوكيل ادائة ممتاز ولا اقول عليه توكيل متواضع الي ابعد الحدود ومستخسر يركب علبة دركسيون وعاوز يخسر في سمعة العريبة ومش فارق عندو

[alarabiya11]

طب لما العربيه عاجباك أوى كده وهى فعلا عربيه كويسه جدا وبتشكر فى التوكيل اللى كل الناس أجمعت على أنه توكيل سىء جدا عاوز تبيعها ليه؟
أنا معاك أن فى ناس بتضخم المشاكل اللى عندها وبتعمل مشاكل كبيره من حاجات صغيره بس ده مش معناه أن سعر إعادة البيع بيقل عشان كده العربيه لسه سوقها مش كبير فى مصر وبالرغم من أنها أبتدت تنتشر فى مصر إلا أن لسه فى ناس كتير متعرفش عنها حاجه والناس بتاخد رأيه من أصحاب العربيات دى وكلهم أجمعوا بما فيهم أنا أن التوكيل سىء جدا ولا يستحق أن يقوم بخدمة العربيه دى.
ربنا يوفقك وتقدر تبيع عربيتك بسعر كويس.

انا مقلتش انى عاوز ابيعها اانا قلت بثمنها تفرق كتير

[alarabiya11]

ليك حق

سبحان الله انتا مبسوط من العربية طيب عاوز تبيعها ليه ؟

انا مبسوط من العربية بس عندي عيب بجد بيخلني احس اني راكب عربية موديل سنة 30 الا وهو التزيق من علبة الدركسيون والي التوكيل بيحله بتركيب ابزيم يمسك العلبة وطبعا مع اول طب بيرجع الصوت اسوء من الاول تفتكر اقول علي التوكيل ادائة ممتاز ولا اقول عليه توكيل متواضع الي ابعد الحدود ومستخسر يركب علبة دركسيون وعاوز يخسر في سمعة العريبة ومش فارق عندو

هما قالوا فى التوكيل ان التعديل جى :b4_048:

[memo_p910]

سيارات بروتون معادله صعبه لكن بالنسبه للمصريين عربيه وحشه ليه ؟ لانها معمره وقويه وراسيه على الطريق وبكده هيا عربيه وحشه

[m.3abdel3al]

ولا حياة لمن تنادي " مناقشة للمرة المليون بعد المليون " و لا اكنك قلت اي حاجة خالص