بروتون ساجا من كونتكت كار

[marroo]

أنا نويت أشترى ساجا من كونتكت كار ياريت لو حد أشتراها منهم يقولى عمل أيه وأيه أنطباعه عنهم أو حتى لو أشترى عربية تانيه يقولى برده خبرته معاهم أد أيه

[hesham_tawfiq]

انا اشتريت منهم اللوجان بتاعتى وهشترى الساجا ان شاء الله لزوجتى
هما ناس محترمين جدا فى التعامل وتأمينهم هايل
بالنسبه لاجراءات الشراء فانت بتجيب جواب المرتب مع كشف حساب بنكى لاخر 3 شهور وبتدفع 100 جنيه رسوم استعلام
لما الاستعلام يبعت للاداره بالموافقه بتروح تدفع المقدم وتشوف هتسدد الاقساط ازاى وبيدوك الجواب اللى هتستلم بيه من المعرض اللى هما يحددوهولك وبعد الاستلام بحوالى اسبوع هيكللموك عشان يبعتوا معاك حد للمرور وترخص العربيه

[tamer_m_selim]

ناس محترمين ومبروك مقدما

[marroo]

الله يبارك فيكم جميعا أن شاء الله هبتدى معاهم الأجراءات من بكره بس موضوع المعرض اللى بحددوه ده هما بتعملوا مع ناس كوايسيين ولا أى كلام
وهما جابولك العربية اللوجان من أنهى معرض

[hesham_tawfiq]

جابوهالى من الوكيل يافندم

[mido_soliman]

وانا اتعاملت معاهم وناس محترمة الصراحة تامينهم غالى شوية بس انا ريحت دماغى مش اكتر وجابولى العربية من التوكيل وبالتوفيق يباشا ان شاء الله

[manchie]

أولا كل سنه وأنتوا طيبين
انا بسأل هوا فى كونتكت بيبقى فيه حذر بيع ولا لأ
وكمان العربية بتبقى بأسمى ولا أسمهم

[mido_soliman]

أولا كل سنه وأنتوا طيبين
انا بسأل هوا فى كونتكت بيبقى فيه حذر بيع ولا لأ
وكمان العربية بتبقى بأسمى ولا أسمهم

باسمك وبيبقى فى حظر بيع

[marroo]

باسمك وبيبقى فى حظر بيع

شكرا يا ميدو وجزاك الله خير على مساعدتك