استشارة قبل الصيانة :)

[mido_soliman]

ان شاء الله عن قريب مقدم على صيانة ال 5000 واتمنى انها تتاخر على قد ما تقدر ومتجيش فى رمضان ولو انى اشك
ما علينا حبيت انى اخد رايكوا فى كام حاجة عايز اعملها وياريت الناس تشارك برائيها ومتكتفيش بالقراءة فقط حتى تعم الفائدة على الكل

1-باذن الله نويت اغير الاضاءة الامامية بلمبات فيليبس اكستريم باور واتمنى تكون اقوى من الموجودة حاليا ومداها ابعد اتمنى ذلك وكنت عايز اغير الفوجات كمان ولكنى لم اجد مقاس الفوجات فى الاكستريم باور على مااتذكر فهل من بديل للفوجات يكون على قدر من القوة واقصد هنا ان يكون اقوى من الموجودة ايضا فى الوضوح والمدى ؟

2-نويت ان اغير الزيت المستخدم من فيسكو 3000 الى زيت تخليقى بالكامل (اية رائيكو الاول) واريد نصائح من كل البروتوناوية عن الزيت الذى يستخدمونة هل استخدم فيسكو 5000 ولا شيل هيلكس الترا ولا موبيل 1 علما بان فيسكو 3000 لم يحقق لى النتائج المرجوة وكان الغرض منة فقط انى قد قرات فى بعض المواضيع ان فى اول 5000 كيلو يفضل ان يكون الزيت معدنى ليس الا

3-هل هناك اجراءات يجب ان اتبعها عند تغيير نوع الزيت من نوع الى اخر اقصد هل هناك تنظيف للمحرك مثلا ام فى التوكيل بيتم التكفل بهذا (مع الشرح ارجوكم ان كان هناك اى اجراءات )

4-افكر فى تغيير البوجيهات حيث انى عندى شك مجرد شك فى ان استهلاك البنزين ذائد نتيجة لخلل فى البوجيهات كما انة احيانا قليلة جدا عند التوقف بالسيارة لفترة قصيرة وتدويرها مرة اخرى للتحرك يحدث وكان السيارة (شرقانة ) اى ان هناك جزء من الوقود لم يتم احتراقة بالكامل مازال فى غرفة الوقود وبالتالى قد وليس اكيدا انى اغير البوجيهات هل اشترى ال ngk laser iridium ? وماهو الرقم الخاص بالجين2 ارجو الافادة ومكان الاسلاك بالمرة السبليت فاير حتى اكون انتهيت من قصة ال البوجيهات واراها بعد 60000 كيلو على الاقل ان لم يكن 90000 كما سمعت

5-هل هناك اى معلومات عن تكلفة الصيانة علما بانى سوف اشترى الزيت من الخارج وماهى مصنعية التى سوف ياخذوها فى تغيير المبات والبوجيهات او التوتال كام تقريبا حتى احسب الميزانية لانها غالبا ممكن تخرم ومقدرش اجيب البوجيهات بالسلوك ممكن اكتفى بالبوجيهات بس :)

اسف جدا للاطالة وشاكر جدا لكل واحد قرا موضوعى او شاركنى بالرد على استفساراتى وتحياتى للجميع وكل عام وانتم بالف خير

[Ayman_52]

أرد انـا :)

اولا :

الف الف مبرووووووووووك على اول 5000 كــم , وعقبـال يارب الـ 100,000 فى الخير -ان شاء الله-


ثانيـــا :

1- بخصوص نوع اللمبات دى , مش هى دى اللى عند ا/احمد ابراهيم -لو هى- فعلا دى احسن لمبات شوفتها واقواهم بسم الله ماشاء الله ... انا كمان هاجبهم قريب واغير الفيلبيس اللى عندى , بخصوص الفوجات ما انصحك لمباتنا قويه ومافى لمبات هتلاقيها اقوى من اللى عندنا (انا جربت قبل كده ومالقيت احسن من الزينون اللى راح يرضيك)


...
....
...
.


2- بخصوص الزيت انا سمعت ان فيسكو كويس , بس بلاش تحط زيت 10,000 دلوقتى , لان كده هتخلى صياناتك هتبقى الـ 15 و 25 ... وصيانات الـ 10 هى اللى مهمه

يعنى , لو عايز تحط زيت 10 ... خليك فى صيانه الـ 10 -ان شاء الله-


...
....
...
.


3- لا ما اظن , بس اللى اعرفه ان لو غيرت لتخليقى يبقى تفضل عليه على طول ... يعنى مش كل شويا حبه معدنى وحبه تخليقى , بس اول مره مافيها اى شىء يتعمل


...
....
...
.


4- شوف هالموضوع --


...
....
...
.


5- مصنعيه صيانه الـ 5,000 على اخر حاجه اعرفها انها حوالى 160 جنيـه , مصنعيات تركيب اشياء اخرى يمكنك الاتصال بهم لمزيد من التاكد -0117872000-



مبروك مقدمــا عالصيانه , تحيـــــــــــــاتــى

[mido_soliman]

يباشا ربنا يخليك ويبارك فيك يا ايمو بس انت مدى على خليجى لية كدة النهاردة :)
حبيبى يا ايمو

[eng.m7md.ali]

مبروك يا معلم وعقبال ال مليون
ياريت يا باشا تدينا فكرة عن الاسعار ولو هتجيب من برة ولا جوة التوكيل

[mido_soliman]

مبروك يا معلم وعقبال ال مليون
ياريت يا باشا تدينا فكرة عن الاسعار ولو هتجيب من برة ولا جوة التوكيل

الله يبارك فيك يباشا وان شاء الله لما انزل اشترى الحجات حبلغكم بالاسعار وكل حاجة
بس انا عايز اعرف من الناس موضوع الزيت دة نحط اية يا جدعان عايز كل واحد يقول هوة بيستخدم زيت اية لان انا عايز اقرر لو سمحتوا

[eng.m7md.ali]

انا بستعمل فيسكو 3000 وبغيرو كل 5000 بس انا مش حاسس بفرق جامد عن التوتال بتاع التوكيل

[Raul_7]

أنا محتار زيك عشان موضوع الزيت ده, كنت بفكر أحط فيسكو 5000 واستعمله 15 ألف لحد صيانة ال 20, بس مش عارف حاسس إن 15 ألف بنفس الزيت كتير, مع إنه بيعد لحد 25,000 على حسب مابيقولوا.

[mido_soliman]

أنا محتار زيك عشان موضوع الزيت ده, كنت بفكر أحط فيسكو 5000 واستعمله 15 ألف لحد صيانة ال 20, بس مش عارف حاسس إن 15 ألف بنفس الزيت كتير, مع إنه بيعد لحد 25,000 على حسب مابيقولوا.

بص اللى انا متاكد منة انة مش كتير خالص انا بفكر انى اجيبة بردة وانزلة فى صيانة ال 20 بردة واعمل صيانة ال 10 عادى بردة من غير مانزل الزيت ان كان ينفع (بردة ياريت اللى يعرف النقطة دى يفيد) مش دى المشكلة المشكلة انى محبتش فيسكو 3000 مش عارف لية وخايف ليطلع ال 5000 نفس الحكاية انة مبيهديش العربية فمش عارف اغير هيلكس الترا اللى ناس كتير شكرت فية وخصوصا ان فرق السعر بينهم تقريبا 35 جنية مش المبلغ الرهيب قولى اية رايك يا حودة انت قربت ولا لسة على صيانة ال 5000 صحيح ؟؟ انا عامل تقريبا لحد دلوقتى 4100 وعمال احضر للصيانة علشان الفلوس وكدة من دلوقتى :) بعيد عنك اخوك متجوز ورمضان جانا وكدة :)

[Raul_7]

بص اللى انا متاكد منة انة مش كتير خالص انا بفكر انى اجيبة بردة وانزلة فى صيانة ال 20 بردة واعمل صيانة ال 10 عادى بردة من غير مانزل الزيت ان كان ينفع (بردة ياريت اللى يعرف النقطة دى يفيد) مش دى المشكلة المشكلة انى محبتش فيسكو 3000 مش عارف لية وخايف ليطلع ال 5000 نفس الحكاية انة مبيهديش العربية فمش عارف اغير هيلكس الترا اللى ناس كتير شكرت فية وخصوصا ان فرق السعر بينهم تقريبا 35 جنية مش المبلغ الرهيب قولى اية رايك يا حودة انت قربت ولا لسة على صيانة ال 5000 صحيح ؟؟ انا عامل تقريبا لحد دلوقتى 4100 وعمال احضر للصيانة علشان الفلوس وكدة من دلوقتى :) بعيد عنك اخوك متجوز ورمضان جانا وكدة :)

ههههههه..تمام يا أحمد باشا, أنا عامل 3500 كم يعني لسة إن شاء الله عالشهر الجاي كده إن شاء الله.

من ناحية الزيت لو الناس شايفة إنه يقعد لل 20 يبقى أحسن اختيار هو الفسكو 5000 لإن فيه ناس استعملته بعد الهيليكس ألترا وبيقولوا أحسن منه بكتير.

وأعتقد صيانة ال 5000 بالزيت هتقف ببتاع 400 جنيه ولا حاجة.

وربنا معاك يا معلم. :)

[Nistelrooy]

السلام عليكم ,,

طب هو لية ما تستعملوش الزيت الي في التوكيل .. ممكن الاسباب ؟ انا رايح اهو الاسبوع الي جي ان شاء الله ع صيانة الالف عايز اعرف بيحطوا زيت اية .. وفي صيانة الخمسة بيحطوا زيت اية ؟

[eng.m7md.ali]

السلام عليكم ,,

طب هو لية ما تستعملوش الزيت الي في التوكيل .. ممكن الاسباب ؟ انا رايح اهو الاسبوع الي جي ان شاء الله ع صيانة الالف عايز اعرف بيحطوا زيت اية .. وفي صيانة الخمسة بيحطوا زيت اية ؟

توتال 5000 او 10000 زي ما تحب

[M.almaghraby]

خليك فالتوتال 5000 اول 3 صيانات افضل

و في صيانة ال 20 الف دوس فالفسيكو 5000 " 15-20 الف كيلو "

انا عملت كدا و ماشي عالفيسكو 13 الف و جامد جدا لحد دلوقتي

[Nistelrooy]

توتال 5000 او 10000 زي ما تحب

يعني لو حطيت توتال 5000 هاجي في صيانة 5000
ولو حطيت 10000 مش زلام اجي في 5000 صح او مش هايغيرو زيت في 5000 لو رحت ؟

اية فرقق الاسعار بينهم ؟

[M.almaghraby]

فرق السعر الضعف تقريبا

بس نصيحة لو بتفكر فال 10 الاف يبقي فيسكو افضل كتير جدا

[Raul_7]

طب ليه يا محب أفضل أول 20,000 بزيت توتال ؟ أنا حاسه مش قد كده يعني.

ويا ريت تقولنا ايه الفرق بعد مغيرت لفيسكو 5000