Tweet
السلام عليكم ورحمة الله وبركاته
كل عام وانتم إلى الله أقرب ورمضان كريم
انا رحت يوم 5 أغسطس أعمل صيانة الألف للواجا
حجزت قبلها بيوم بالتليفون لقيت الحجز خلص...بس انا إستأذنت م/داليا ان فرح أختي في نفس اليوم وهسافر بعدها
وصعب إني استنى لحد أما أرجع من السفر لإن هكون عديت الأف بكتير...وهي وافقت وقالتلي معادك الساعة 11:45
انا كنت قريت موضوع ان الدخول بأسبقية الوصول وليس الحجز فقولت أروح بدري واشوف
المهم اتجهت إلى دائري المعادي ومنه إلى وصلة المريوطية ثم نزلة الصحراوي وهوب الطريق وقف
قعدنا ساعة ... ليه ... فيه ايه....يقولك حادثة....المهم بعد ما اتحركنا الاقيلك الحادثة الناحية التانية من الطريق ناحية سيتي فيو
وطبعا الكل ماشي الهويني عشان يتفرج ..
وصلت توكيل عز باشا العرب الساعة 10 ... السيكيوريتي سألني فيه حجز؟؟؟ آه ...الاٍسم : ...... تمام اتفضل تحت المظلة واستنى المهندس
كان قدامي بتاع 3 أو 4 عربيات غير اللي في الورشة ... المهم 5 دقايق ولقيت مهندس الاستقبال جي عليا...قاللي معاك م/محمد عبدالهادي
قولت أوبا هو انت....اما نشوف بقى هيكلمني ازاي...والله الراجل محترم جدا شرحلي اللي هيتعمل في الصيانة وسألني ليك ملاحظات...قولتله آه شوية حاجات صغيرة كده وهي:
1- صوت تزييق من ناحية التابلوه أمام الراكب الأيمن (قاللي هتتظبط في تربيط العفشة)
2- حدفة يمين
3- الشنطة مش بتفتح من الريموت (قاللي مش في الواجا !!!!)
4- معايا زيت شل (هو كتب في الجوب اوردر ان الزيت على العميل)
5- الهواية اليمين بتطلع هوا ضعيف
المهم قاللي هتستلم الساعة 2 قولتله كتير انا فرح أختي وكده قاللي هكتبها الساعة 1 وربنا يسهل
المهم دخلت الإستراحة وكان معايا زوجتي وبنتي عائشة (هي 11 شهر بس مش طفلة)
كان فيه اتنين موجودين منهم العضو mohtofy بس مكنتش أعرف انه عضو هنا....شكرا على البسكويت يا باشا
فتحت اللابتوب وللأسف مكنش فيه نت
قعدت اتفرج على فيلم How to train your dragon
على الساعة 12 قولت أشوف ايه الأخبار....لقيت العربية لسه هتدخل الورشة ..؟؟؟؟!!!!!!
سألت واحد هناك قاللي عربيتك اتعملها ظبط زوايا عند سيتروين وهتدخل هنا عشان الزيت والميكانيكا قولت كويس ..هانت
على الساعة 12:30 رحت تاني....لقيت العربية طالعة...قولت تمام هستلم
الفني اللي راكب العربية قاللي خلصنا الزيت والميكانيكا وفاضل ظبط الزوايا.gif "Majd(4)")
نعااااااااااااااام ...اومال هي كانت بتتشمس ساعتين؟؟؟؟؟
قولت مفيش مشاكل نستنى شوية...وروحت وراها لسيتروين وقولت للراجل هناك انا مستعجل قاللي 1:30 ... قولتله لييييييه
قاللي مش هظبط واجرب وكده ده غير ان في بروتون فيه break من 1 لــ 1:30 وهناك استلمها ...المهم على الساعة 1 كانت خلصت ووقفت قدام الورشة مستنيه التجربة....اضطريت استنى لحد البريك ما يخلص وبعدها جه واحد اسمه طارق
يتأكل من حل المشاكل وطلعت معاه بس هو اللي كان سايق
بالنسبة للحدفة مكنتش موجودة....صوت التزييق مش موجود...الهواية شغالة تمام
رجعت للمهندس محمد وهو شرحلي ان
1- الحدفة كانت من ترحيل في العجلة اليمين
2- التزييق ....رشوا اسبراي (مش عارف ايه ده الصراحة)
3- الهواية سلكوها
المهم حاسبت وكان الحساب 62 جنيه وركبت الواجا وتوكلت على الله ومشيت...الآتي حصل:
1- الحدفة مش عارف ساعات بتروح وساعات بتيجي...أظن من الطريق...بس الدريكسيون مبقاش متسنتر
2- التزييق رجع بعد 3 ساعات ... مش عارف ليه ...بس هقولهم عليه في الصيانة الجاية ان شاء الله
العربية ما شاء الله ...سافرت بيها مطروح طول الطريق من 140 ل 160 (معرفش صح ولا لأ اني اشد عليها بعد صيانة الالف ) ثبات رائع عند المنحنيات تكييف شغال زي الفل طول الطريق مش قادر أعلي عن 2 والبروده أقل من النص ولو ان استهلاك البنزين عالي...
اللهم لك الحمد
في النهاية انا مش زعلان من التوكيل .... الصراحة حسن الاستقبال غطا إن لسه فيه مشاكل والواحد لسه فب الاول نستنا لصيانة ال5000 وربنا ييسر ويحلوا المشاكل (الصغيرة دي)
كان نفسي أشوف أيمن بس حاولت استنتج هل هو كان موجود بس أظن لأ....فرصة جاية ان شاء الله
كل عام وانتم إلى الله أقرب ورمضان كريم
انا رحت يوم 5 أغسطس أعمل صيانة الألف للواجا
حجزت قبلها بيوم بالتليفون لقيت الحجز خلص...بس انا إستأذنت م/داليا ان فرح أختي في نفس اليوم وهسافر بعدها
وصعب إني استنى لحد أما أرجع من السفر لإن هكون عديت الأف بكتير...وهي وافقت وقالتلي معادك الساعة 11:45
انا كنت قريت موضوع ان الدخول بأسبقية الوصول وليس الحجز فقولت أروح بدري واشوف
المهم اتجهت إلى دائري المعادي ومنه إلى وصلة المريوطية ثم نزلة الصحراوي وهوب الطريق وقف
قعدنا ساعة ... ليه ... فيه ايه....يقولك حادثة....المهم بعد ما اتحركنا الاقيلك الحادثة الناحية التانية من الطريق ناحية سيتي فيو
وطبعا الكل ماشي الهويني عشان يتفرج ..
وصلت توكيل عز باشا العرب الساعة 10 ... السيكيوريتي سألني فيه حجز؟؟؟ آه ...الاٍسم : ...... تمام اتفضل تحت المظلة واستنى المهندس
كان قدامي بتاع 3 أو 4 عربيات غير اللي في الورشة ... المهم 5 دقايق ولقيت مهندس الاستقبال جي عليا...قاللي معاك م/محمد عبدالهادي
قولت أوبا هو انت....اما نشوف بقى هيكلمني ازاي...والله الراجل محترم جدا شرحلي اللي هيتعمل في الصيانة وسألني ليك ملاحظات...قولتله آه شوية حاجات صغيرة كده وهي:
1- صوت تزييق من ناحية التابلوه أمام الراكب الأيمن (قاللي هتتظبط في تربيط العفشة)
2- حدفة يمين
3- الشنطة مش بتفتح من الريموت (قاللي مش في الواجا !!!!)
4- معايا زيت شل (هو كتب في الجوب اوردر ان الزيت على العميل)
5- الهواية اليمين بتطلع هوا ضعيف
المهم قاللي هتستلم الساعة 2 قولتله كتير انا فرح أختي وكده قاللي هكتبها الساعة 1 وربنا يسهل
المهم دخلت الإستراحة وكان معايا زوجتي وبنتي عائشة (هي 11 شهر بس مش طفلة)
كان فيه اتنين موجودين منهم العضو mohtofy بس مكنتش أعرف انه عضو هنا....شكرا على البسكويت يا باشا
فتحت اللابتوب وللأسف مكنش فيه نت
قعدت اتفرج على فيلم How to train your dragon على الساعة 12 قولت أشوف ايه الأخبار....لقيت العربية لسه هتدخل الورشة ..؟؟؟؟!!!!!!
سألت واحد هناك قاللي عربيتك اتعملها ظبط زوايا عند سيتروين وهتدخل هنا عشان الزيت والميكانيكا قولت كويس ..هانت
على الساعة 12:30 رحت تاني....لقيت العربية طالعة...قولت تمام هستلم
الفني اللي راكب العربية قاللي خلصنا الزيت والميكانيكا وفاضل ظبط الزوايا
نعااااااااااااااام ...اومال هي كانت بتتشمس ساعتين؟؟؟؟؟
قولت مفيش مشاكل نستنى شوية...وروحت وراها لسيتروين وقولت للراجل هناك انا مستعجل قاللي 1:30 ... قولتله لييييييه
قاللي مش هظبط واجرب وكده ده غير ان في بروتون فيه break من 1 لــ 1:30 وهناك استلمها ...المهم على الساعة 1 كانت خلصت ووقفت قدام الورشة مستنيه التجربة....اضطريت استنى لحد البريك ما يخلص وبعدها جه واحد اسمه طارق
يتأكل من حل المشاكل وطلعت معاه بس هو اللي كان سايق
بالنسبة للحدفة مكنتش موجودة....صوت التزييق مش موجود...الهواية شغالة تمام
رجعت للمهندس محمد وهو شرحلي ان
1- الحدفة كانت من ترحيل في العجلة اليمين
2- التزييق ....رشوا اسبراي (مش عارف ايه ده الصراحة)
3- الهواية سلكوها
المهم حاسبت وكان الحساب 62 جنيه وركبت الواجا وتوكلت على الله ومشيت...الآتي حصل:
1- الحدفة مش عارف ساعات بتروح وساعات بتيجي...أظن من الطريق...بس الدريكسيون مبقاش متسنتر
2- التزييق رجع بعد 3 ساعات ... مش عارف ليه ...بس هقولهم عليه في الصيانة الجاية ان شاء الله
العربية ما شاء الله ...سافرت بيها مطروح طول الطريق من 140 ل 160 (معرفش صح ولا لأ اني اشد عليها بعد صيانة الالف ) ثبات رائع عند المنحنيات تكييف شغال زي الفل طول الطريق مش قادر أعلي عن 2 والبروده أقل من النص ولو ان استهلاك البنزين عالي...
اللهم لك الحمد
في النهاية انا مش زعلان من التوكيل .... الصراحة حسن الاستقبال غطا إن لسه فيه مشاكل والواحد لسه فب الاول نستنا لصيانة ال5000 وربنا ييسر ويحلوا المشاكل (الصغيرة دي)
كان نفسي أشوف أيمن بس حاولت استنتج هل هو كان موجود بس أظن لأ....فرصة جاية ان شاء الله
Comment