الحمد لله اخيرا استلمت الساجا

[sleepyhammer]

الحمد لله استلمت الساجا مانيول فضى امبارح اول ايام رمضان المباركة و كل عام وانتم بخير وصحة

بعد معاناه مع البنك طوال اول امبارح اخيرا ربنا اراد واستلمت العربية من فرع عز العرب الى على الطريق الزراعى بالاسكندرية

العربية ما شاءا لله جميلة وسحبها جميل وناعم والاحلى انى راكب عربية مميزة مش منتشرة ودى ميزة حلوة

ربنا يباركلى فيها ويبارك لكل واحد معاه العربية الرائعة دى

انا ماشي بنمر تجارية دلوقتى لحد يوم السبت حروح ارخص ان شاء الله فى مرور محرم بك علشان ورقها لسه واصل النهاردة الخميس وادعولى اخلص بسرعه اليوم ده وانا معايا مندوب من التوكيل حييجى معايا ..


وطبعا بتوجه بالشكر لكل اعضاء المنتدى وخصوصا قسم البروتون والاصدقاء الرائعين والناس الحلوة على تشجعيهم ومساعدتهم لانى اجيب العربية الرائعة وبقتناع والحمد لله.

وانا قصرت مع ناس كتير هنا بس والله ظروف العمل والحياة كانت مخليانى زى الى فى ساقيه بس الحمد لله على كل شيء وان شاء الله نتقابل فى اللقاءات الى بتنظموها

وربنا يبارك لكل من يملك العربية ولكل من يملك اي عربية ويكفينا شر المستخبي ويحرسنا من كل سوء


واي جديد سوف اطلعكم به فى النشرة القادمة :))

وشكرا ليكم جميعااااااااااااااااا

[amr_haggag]

lمبروك وربنا يديك خيرها ويكفيك شرها.
أنا استلمت النهاردة بس لون ابيض من فرع مدينة نصر، العربية بسم الله ما شاء الله جميلة جدا وتحس انها تستاهل اكتر من تمنها.
انا دفعت 64 الف، انت اشتريتها بكام؟؟
وشكرا لكل اعضاء المنتدى الجميل ده لأني استفدت منهم كتير لحد ما وصلت للقرار ده و لأنهم بجد بيحبو يساعدو بعض من غير مقابل وأنا يشرفني ان انا اكون عضو معاكو في المنتدى وان شاء الله اقدر اساعد اي حد يكون محتاج مساعدتي في أي حاجة.
معلش طولت عليك، رمضان كريم وكل سنة وانت طيبين.

[jisso82]

1000 مبروك عليكم انتوا الاتنين و ربنا يحفظهالكم و يباركلكم فيها

[wsamir]

1000مبروك وربنا يديكوا خيرها ويكفيكوا شرها

[Nistelrooy]

الف مبروك لكم انتم الاثنين وربنا يبارك لكم فيها .. ويكفيكوا شرها ..

[mido_soliman]

مبرووووووووووووووووووووووووووووووووووووووووووووووو وووك عليكم واهلا بيكم معانا في العيلة

[Dr.Islam]

مبروك عليكو

[uubaby2000]

الف مبروك .. عقبالى

[A.Saad]

مبرووووووووك
ربنا يبارك لك فيها

[allo]

ألف مبروك , ربنا يرزقك خيرها ويكفيك شرها

[sleepyhammer]

الله يبارك فيكم جميعاااااااااااااااا
ورمضاااااااااااااان كرييييييييييييييييم

[amr_haggag]

ربنا يبارك فيكم جمبعا ويحققلتا كل اللي نتنمناه .
كان عندي سؤال انا مش عارف اعمل الlock بتاع الدركسيون علما بأني اتبعت كل اللي متقال في المانيوال؟؟؟؟

[mo7hamedemad]

والله هى بتيجى معايا بالصدفة
بس هشفهولك وقولك
فكرتنى بموقف اول لما جبت العربية تانى يوم نازل بيها فحطيت المفتاح واجى والفى عشان ادور العربية مش عايز يتلف اعدت احاول مش عايز طلعت البيت جبت المفتاح التانى (ومجاش فى بالى خالص انة ممكن يكون اللوك) وبرضة نفس الموضوع اتصلت بزميل واخ كبير لينا هنا فى المنتدى (استاذ عمرو) وقالى دة اللوك بس كان موقف تييييييييييييييييييييييييييييييت وخصوصا انة كان الساعة 9 الصبح وكنت مكسوف اتصل بحد فى الوقت دة وكنت متاخر على الشغل ولازم اروح بالعربية

[mixd99999]

الف مبروك
ربنا يديكو خيرها ويبعد عنكم شرها

[ymthmy]

ألف مبروك عليك الساجا وعقبالي يااااااااااااااااااااااااااااارب
بس ياريت تقولنا انت جبتها بكام ومنين ؟
وهل أوتوماتيك ولا مانيوال والاتنين عاملين كام ؟
وايه ملاحظاتك عليها ؟
ربنا يديك خيرها ويكفيك شرها .... أمين يارب