حل لجميع مشاكل سيارات بروتون مع التوكييييييييييييييل

[wera]

السلام عليكم ورحمة الله وبركاته
انا كنت ماشى فى مره لقيت واحد معاه ويرا فى الشارع فسألته على بعض الحاجات فى العربيه من ضمنها لوحة المفاتيح الكهرباء للزجاج قالى انها باظت منه اثناء فترة الضمان وراح لعز العرب وسوحه كالعاده بكره بعده الاسبوع الى جاى الشهر الجاى وهكذااا......................إلخ ما انتوا عارفين
المهم الراجل اخر ما زهق راح رايح للسفاره الماليزيه عندنا هنا فى مصر واشتكلهم وبالفعل الناس مشكورين قاموا بحل المشكله فى خلال اسبوعين
احنا عايزين نجمع بعض وبدل ما نروح حماية المستهلك نروح السفاره الماليزيه ونشتكلهم من مشاكل التوكيل وعدم استجابته لشكاوينا وعدم توافر قطع الغيار ونحكى ونبعبع بقى ونقول كل الى جوانا
ونشوف هيعملوا ايه ؟؟؟؟؟؟؟؟؟؟ واهى تجربه مش هنخسر حاجه

مين معااااااااااااااااااااااااايااااااااااااااااااا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نخليها بعد العيد علشان نعرف نتخانق براحتنا ؟؟؟؟؟؟؟؟
بس لازم نكون عدد كبيييييييييييييييير يا حماعه ونروحلهم بعربياتنا كلنا ونقفلهم الشارع علشان يعرفوا ان الشكاوى دى من كل مالكى بروتون مش من عشره عشرين واحد !!!!!!!!!!
علشان يعرفوا ان ده تهديد لسوق وسمعة بروتون فى مصر

[mohamedtahaab]

وعليكم السلام ورحمة الله وبركاته .......... رأى سديد ولكن محتاج بعض التعديل .... حيث من الناحية العملية صعب تجميع كافة اصحاب السيارات فى يوم واحد ..كما ان الامن لن يسمح بهذا التجمهر امام السفارة ... ورأى ان الى عنده مشكلة مع التوكيل يرسل اميل اوشكوي مكتوبة للسفارة موضح بها بيانات السيارة والاعطال مع توضيح تقاعس واهمال التوكيل ...واكيد السفارة هتتحرك مع تزايد الشكاوي ..مماسيحقق احراجا كبيرا للتوكيل امام شركة بروتون والسفارة الماليزية .... وياريت الى يعرف اميل السفارة يكتبه بالمنتدى ...تحياتى

[wera]

وعليكم السلام ورحمة الله وبركاته .......... رأى سديد ولكن محتاج بعض التعديل .... حيث من الناحية العملية صعب تجميع كافة اصحاب السيارات فى يوم واحد ..كما ان الامن لن يسمح بهذا التجمهر امام السفارة ... ورأى ان الى عنده مشكلة مع التوكيل يرسل اميل اوشكوي مكتوبة للسفارة موضح بها بيانات السيارة والاعطال مع توضيح تقاعس واهمال التوكيل ...واكيد السفارة هتتحرك مع تزايد الشكاوي ..مماسيحقق احراجا كبيرا للتوكيل امام شركة بروتون والسفارة الماليزية .... وياريت الى يعرف اميل السفارة يكتبه بالمنتدى ...تحياتى

لا اعتقد ان الخطابات سوف تؤدى الى نتيجه بل تجمع الناس والتحدث مع اى مسؤل سوف يؤدى الى اهتمام كبير من المسؤلين انفسهم وسوف يسعوا الى حل فى اسرع وقت ممكن ولكن الخطابات فلا يستجيبون لها الا بعد فتره طويله
وليس من الشرط ان نذهب جميعا بسيارتنا ممكن نتجمع فى عدة سيارات ونذهب وكل منها يروى مشاكله مع التوكيل
وكمان عايزين نقولهم على مشاكل قطع الغيار الى مش لائينها ولما بنلائيها بتكون بأضعاف تمنها

انا سألت على لوحة المفاتيح بتاعت الزجاج الرباعى فى عز العرب قالولى 650 ولما سألت امير وجوزيف قالولى 1040 انا مش عارف ايه الفرق الرهيب ده ؟؟؟؟؟؟؟؟؟؟
وياريتنا بنلائى كل حاجه
لازم واقفه بجد يا جماعه
كل الى عايز يجى يكتب اسمه ورقم موبايله

[Dr.Islam]

فكرة حلوة .

[Tayer]

أنا معاكم يا رجاله
هوه عنوان السفاره الماليزيه فين فى مصر ؟

[eng.m7md.ali]

اعتقد السفارة ملهاش اي دخل في الكلام ده وبجد لو عايز تعملهم مشكلة يبقى تبعت تشتكي للشركة الام او حماية المستهلك

[wera]

اعتقد السفارة ملهاش اي دخل في الكلام ده وبجد لو عايز تعملهم مشكلة يبقى تبعت تشتكي للشركة الام او حماية المستهلك

انا معاك فعلا ان احنا لازم نحلها مع الشركه الام بس هى فين الشركه الام هنا فى مصر ؟؟؟؟؟؟؟؟؟؟
وهنوصلها ازااااااااااااى ؟؟؟؟؟؟؟؟
وحماية المستهلك مقتصر على مصر بس مالوش علاقه خالص بخارج مصر
هى السفاره بالفعل غير مسؤله ولكنها هتوصل صوتنا للشركه الام وهتهتم فعلا بحل المشكله وهتكبر الموضوع مع مصنع بروتون فى ماليزيا مش هتكبر دماغها يعنى وصوتها هيكون مسموع هناك مش اى حد هيكبر الموضوع علشان يستفيد وخلاص

[eslamkasem]

حماية المستهلك هيا الحل لكن السفارة ايه دخلها في صناعة العربية او مشكلها الا لو اعتبرنا بروتون انسان ماليزي اصيل

[momopersona]

طبعا السفاره الماليزيه ليها علاقه وتأثير فى بروتون
بالذات لان بروتون شركه وطنيه وتمثل الصناعه الماليزيه وملزمه بالتزامات ومعايير جوده لرفع اسم وسمعة الصناعه الماليزيه
واكيد السفاره هايبئا ليها تأثير وضغط على شركة بروتون ولكن ليس بقوة حماية المستهلك

حماية المستهلك بتقوم بالظغط على التوكيل وتهديده بدفع تعويض او او او ..الخ فى حالة عدم حل المشكله (سواء جماعيه او فرديه)
التوكيل فى مصر لو غلطان وعنده الحل بيعمله
ولو مش غلطان والعيب فى الشركه الام بيقوم بالضغط عليها وتهديدها هو الاخر والاصرار على ايجاد حل للمشكله عشان مايتئذيش
وبكده الدائره تكمل والمشكله تتحل ان شاء الله

[A.Saad]

السفارة بيكون ليها مكتب تجارى او ملحق تجارى
عمله انه بيحاول يفتح اسواق جديدة للمنتجات بتاعة بلاده
بالشكوى ليهم انت كدة بتوصل رسالة ان سوقكم هنا مهدد
طبعا هما المفروض بيوصلوا الشكوى للمنتج فى البلد الام

[eng.m7md.ali]

طيب مش نجرب حماية المستهلك الاول بعدين نفكر في الحل التاني؟

[momopersona]

ان شاء الله هانجرب حماية المستهلك وهانوصل لحل

وانا متأكد ان بمجرد ماهانعمل يا فيلكس احنا الاربعه الشكوى وننقل اللى حصل معانا بالكامل عالمنتدى
هانشجع ناس كتيييييييير لخوض نفس التجربه
وان شاء الله انا متأكد من نجاح المحاوله بنسبة 99% ان شاء الله.

وشكرا لصاحب الموضوع على اقتراح الفكره الجيده دى بردو وان شاء الله هانخليها الحل رقم 2
وممكن بعد مانعمل الشكوى نبعت صوره منها او اخطار للسفاره بردو

[bmwosama]

يا جماعه انا عندي سؤال !!!
هل المشاكل اللي بتحصل في العربيه ومش بتلاقولها حل بتكون في حاجه اساسيه في العربيه ؟ يعني في الميكانيكا بتاعتها ( سواء موتور او شاسيه او نظام تعليق او جير بوكس مثلا ) ولا بتكون في الفرعيات او الكماليات وساعتها ممكن نصبر عليها ؟؟
يا ريت حد يجاوبني علشان انا ناوي اشتري العربيه وده حيفرق معايا كتير في القرار ده
واس علي الاطاله |:)

[harizy]

يا برنس فكرة عظيمة، أنا مش من ملاك بروتون لكنى تمنيت ذلك لفترة ثم عدلت عن الشراء لعدة أسباب كان أهمها التوكيل ومعاملته وكلام الأعضاء عن السيارة وعيوبها؛ أنا بأقول أهمها مش كلها، والحمد لله اشتريت سيارة أخرى ربنا يبارك فيها، وكل مادخل منتدى بروتون وأشوف شكاوى الأعضاء لسه مستمرة؛ بيتأكد لى أن الحمد لله اختيارى كان فى محله، وربنا وفقنى فى الشراء؛ المهم أن الحل ده عجبنى جداً وأنا شايف بحكم عملى فى القانون إن السفارة أشد تأثير من جهاز حماية المستهلك لأن السفارة بتدافع عن سمعة بلد، والبروتون هى صناعة ماليزيا الوحيدة فى السيارات فهى هتكون ـ إن شاء الله ـ أحرص على الحل من الجهاز الذى عمله قاصر داخل نطاق الدولة وممكن يجامل التوكيل. دى حاجة.

الحاجة الثانية أن ياريت الملاك أو الشكاوى تتجمع بأى طريقة إما إيميلات أو خطابات أو حتى طلب مقابلة ومش شرط يكون مجموعة فى وقت واحد إنما ممكن تكون متكررة فى وقت وجيز يعنى لو فى خلال أسبوع يطلبوا مقابلة السفير الماليزى تلاثين أو عشرين مالك دى تبقى هزة جامدة أوى وفى التمانيات فى الجون يعنى، يعنى لو كل مالك بروتون معدى من أمام السفارة يقدم طلب مقابلة دى برضه حاجة مش وحشة بالعكس تبقى هايلة جداً.

الحاجة الثالثة ياريت تتأكدوا أن ماليزيا لها قنصلية فى مصر ولا لأ، ولو فيه قنصلية يبقى تتم مقابلة القنصل الماليزى مش السفير لأن الأول طبيعة عمله تنظيم المعاملات التجارية مع الدول الأخرى وتقديم التسهيلات وإزالة العوائق التجارية لو موجودة ......إلخ؛ بينما السفير عمله بيقتصر على النواحى المدنية الخاصة بمواطنى دولته يعنى حمايتهم لو فيه اعتداء عليهم، استخراج جوازات سفر شهادات ميلاد، شهادات امتحانات ............ إلخ فلو تقدروا توصلوا للقنصل يبقى أحسن وأقوى من السفير واعتقد أن الحل هيبقى فى إيده أسرع، وبالتوفيق يا رجالة بروتون لأن مصر والمصريين مش مفروض يتعمل معاهم كده

[mido_soliman]

انا عندى حل حلو اوى وحيريحنا كلنا
احنا نجمع 100 عربية بروتون مختلفة ونقسمهم قسمين
50 على عز اللى فى ابو رواش و50 قدام السفارة الماليزية
ونتصل بمدام منى الشاذلى والاستاذ معتز الدمرداش والاستاذ احمد المسلمانى والاستاذ وائل الابراشى وابراهيم عيسى والكابتن مدحت شلبى مساء الانوار ونروح محددين ساعة الصفر ساعة الافطار دة انسب واروق وقت وهووووب ال 50 عربية اللى فى عز وال 50 اللى عند السفارة يدخلوا فى التوكيل وفى السفارة وش فى وش كدة لحد ما نجيب التوكيل الارض والسفارة نساويها بالاسفلت ونرتاح من بروتون مدام احنا تعبانين منها اوى كدة
وطبعا كلنا عارفين مين اللى حيتراس المجموعة المكونة من ال 100 عربية دول ورمضااااااااااااان كااااااااريــــــــم
وعايز اقول جملة اخيرة للاخ العزيز harizy
ربنا يباركلك فى النيسان صنى على الاقل معمولة بسواعد مصرية اصيلة بس انا عايز اقول لحضرتك ان مش كل اللى بيتكتب عن بروتون صحيح من الملاك ولا كل اللى بيتكلم عن التوكيل صحيح وكل عربية فيها الميزة والعيب وكل توكيل فى مصر فية الميزة والعيب وفى النهاية لولا اختلاف الازواق لبارت السلع ودمتم بود