بيرسونا ولا جين 2

[ams_5000]

أنا يا جماعه محتار بين الجين 2 والبيرسونا، أنا ركبت الجين 2 مع أحمد نبيل (mido-soliman) وبسم الله ما شاء الله العربيه جميله أوي ربنا يبارك له فيها يا رب والعربيه عجبتني جدا وعلي فكره أحمد شخص محترم أوي ومتعاون جدا ربنا يكرمه يا رب ويبارك له فيها"

المهم أنا لاحظت فيها حاجه متناسبنيش وهي إن سقفها من ورا واطي وده مش هينفع معايا لأن العربيه هتكون عائليه لغاية لما والدي يرجع ويستقر في مصر ويجيب عربيه ليه، المهم أنا سألت عن البيرسونا وأيمن قالي إن سقفها عالي من ورا

بس كنت عايز أعرف إيه الفرق بين الجين 2 والبيرسونا من حيث الإمكانيات والأداء والكماليات وقطع الغيار( أسعارها وهل متوافره خارج التوكيل زي الجين 2 بأسعار كويسه ولا أغلي) وتنصحوني بإيه.
أنا لاحظت إن معظم الناس اللي اشتروا بيرسونا بيحتاجوا للصيانه كتير بالمقارنه مع الجين 2 وده موضوع مقلقني

أنا كمان شوفت علي الفيس بوك نيو بيرسونا نازله مصر لو حد عنده معلومات عنها يا ريت يفيدني.

آســـــــــــــــــــف عــــــــــــــــلي الإطـــــــــــــــــــــــاله

[tamermagdi]

متابع

ياريت لو حد من الأعضاء يقدر يفيدنى ويفيدك بمقارنة شاملة

[amrseba]

يا باشا على ما اعتقد الجين 2 الهاتش باك و البريسونا سيدان ياعنى الاتنين واحد وزى ما حضرتك بتقول ان والد حضرتك قيرب هيستقر فى مصر و انت اكيد شاب هتلاقى مش بتستخدم الشنطه فى حاجه و هتقول ياريتنى جبت الجين بس انت تجيب العائله معاك تقعدهم كلهم فى العربيه وشوف ايه النظام

[M.almaghraby]

العربيتين واحد في كل حاجة تقريبا

ما عدا الشنطة فالبرسونا اكبر ....

انا رأيي لو حضرتك عايز عربية شبابية خليك فالجين :)