سؤال للكل بخصوص النيتروجين -- وخصوصا لمالكي الساجا

[wera]

هو النيتروجين جميل فعلا بكل المقاييس وبيريج عفشة العربيه ومش بيحسسك بالمطبات فعلا وبيحافظ على مرونة الكاوتش وكل حاجه بس مشكلته الوحيده معايا ان العجل بيريح كل اسبوعين مثلا او كل شهر مش عارف ليه والراجل بتاع النيتروجين بعيد عنى فبكسل اروحله قزهقت بقيت بملاها هوا ومش بيريح ولا اى حاجه

[amr.elsayed]

الكلام دة صج الصح وانا معاة مليون فى المية
الصراحة انا بيعجبنى جدا روحك واسلوبك انت انسان زوق اوى

الله يخليك يا محمد وشكرا يا باشا على كلامك الجميل والقلوب عند بعضها يا باشا وربنا يديم المحبة

الله ينور عليكم وشكرا بجد
انا ان شاء الله هروح احط نيتروجين زى ما كنت حاطه فى ال127

بس فى سؤال هوه المفروض الصح يفك العجلة بره ويملا ولا ايه ( انا كان بملا العجل والعربية على الارض عادى ده كان فى ال 127 الفيورا )
وكان فى ناس بتقولى لازم فى جهاز بيشفط الهوا الى جوا العجل كله ؟؟؟ مش عارف الصراحة فلو حد عنده معرفة يقولى

فعلا فى جهاز لشفط الهواء قبل ملى النيتروجين ووجوده مهم .. و كل مكان بيكون ليه طريقته فى تفريغ الهواء يعنى مثلا فى اماكن
بيترك العجلة على الارض بحيث وزن العربية يضغط على الكاوتش ويفرغ الهواء .... وفى اماكن بترفع العربية ويشفط الهواء ويبدأ يضغط على الكاوتش علشان يفرغ اى هواء موجود بالداخل

المشكلة انى معرفش غير بريدجستون الى فى لوران على البحر الى بملى عنده ايام الفيورا مكانت معايا ومكنش بيعمل كده كان بيفتح البلف لما يفضى الهوا لوحده وبيملى وخلاص
انا عاوز اعرف حد يكوم مضمون فى اسكندرية بيعمل الى قولت عليه دا يا محمد باشا ؟؟؟؟

فى واحد فى شارع محمد نجيب .... وانت جاى من شارع خالد ابن الوليد من سيدى بشر الترام حتدخل شارع محمد نجيب وتمشى بالعربية حوالى 30 متر حتلاقيه على ايدك اليمين محل كبير وعامل بترينة كبيرة كلها جنوط وهو عنده نيتروجين وجهاز شفط وناس كويسة بس خلى بالك وانت داخل محمد نجيب فى حفرة غلسة كدة ابقى خلى بالك منها

[sleepyhammer]

تسلم يا غالى بجد على الشرح الوافى ده
وانا حبقى اروح للمحل ده وربنا يسهل ويكون كويس
وشكرا مرة تانية يا عمرو باشا وفعلا على راي محمد عماد انت كلامك كله زوق واسلوبك كمان ربنا يكرمك ويباركلك

[mangere90]

السلام عليكم ورحمة الله وبركاته

انا لما كنت بظبظ هواء كان كلا ثلاث ايام تقريبا , انا مليت نيتروجين من قريب وحسيت ان العفشه
ارتاحت شويه فعلا , وغير انك بتظب كل شهر الميزه الأهم ان غاز النيتروجين مابيتأثرش بحراره
ولا ببروده زي ماقال اخونا وده هيأدي ان عمر ماعجله هاتفرقع علي سرعه لسبب زيادة ضغط
الهواء داخلها بسبب الجو الحار .

[marroo]

هوا النيتروجين مش موجود فى البنزينات ولا فيه بنزينات فيها؟؟؟؟؟؟؟؟؟؟
وكمان فيه سؤال تانى هوا لو الواحد مالى الكاوتش هوا عادى والكاوتش فرقع أو داس فى زجاج ولا مسمار الكاوتش بيفرقع بس أو بيريح
لكن أنا سمعت فى الحالتة النيتروجين الكاوتش بيولع مش عارف المعلومة ديه صحيحة ولا لأ