شوية أسئلة عاوزة إجابة ..

[Eng. Rafy Samy]

مساء الخير على شباب بروتون .. كل عام وانتم بخير جميعاً
كان عندي شوية اسألة عاوز رأيكم فيها
1- ايه اكتر طريقة فعالة لتنظيف البرابريز من الداخل ...؟
2- المساحات عاوزة تتغير – ايه افضل البدائل والسعرهم كام...؟
3- احتما اغير 4 فرد كاوتش " ايه المقاسات المناسبة لـ 205/ / بدل من 195/15/60 "...؟
4- عاوز اعمل الارضية والشنطة جلد .. التكلفة...؟
5- كنت بفكر اعمل السقف كمان جلد.. ايه رأيكم ...؟
6- عاوز ارش الجزء الي تحت كله (4 ابواب – 4 رفارف – 2 اكصدام ) يحتاجوا قد ايه بوية وايه افضل الماركات اللي في السوق وتقريباً سعرها كام ...؟
7- عاوز ارش الجنوط والمعهم – ايه افضل طريقة و التكلفة ممكن تكون كام ...؟
8- عاوز احط الستار ة الخلفية اللي في كارفور – حد جربها .. هل هي مخالفة لقانون لمرور.. في حاجة احسن ...؟
9- عاوز طريقة فك الابواب من الداخل علشان انظف مكن رفع الزجاج
بس كده... لو حد عنده اسئلة تانية يتفضل يزود..
معلش طولت عليكم ..
تقبلوا تحياتي

[ramyar]

مساء الخير على شباب بروتون .. كل عام وانتم بخير جميعاً

كان عندي شوية اسألة عاوز رأيكم فيها
1- ايه اكتر طريقة فعالة لتنظيف البرابريز من الداخل ...؟ الجلانس
2- المساحات عاوزة تتغير – ايه افضل البدائل والسعرهم كام...؟ الكاوتش الاسبور الاتنين 50 جنيه
3- احتما اغير 4 فرد كاوتش " ايه المقاسات المناسبة لـ 205/ / بدل من 195/15/60 "...؟ لو حضرتك كنت في القاهره كنت هعمل معاك واجب تمام في الكاوتش
واحد صحبي خاله المستورد كنت هجبلك الكاوتش بسعر الجمله كمان انتاج السنه
4- عاوز اعمل الارضية والشنطة جلد .. التكلفة...؟ لو حضرتك في مصر ما فيش غير جينز كار
5- كنت بفكر اعمل السقف كمان جلد.. ايه رأيكم ...؟ لا انصح لان الجلد هيتلزق لزق ومش مضمون
6- عاوز ارش الجزء الي تحت كله (4 ابواب – 4 رفارف – 2 اكصدام ) يحتاجوا قد ايه بوية وايه افضل الماركات اللي في السوق وتقريباً سعرها كام ...؟ نص كيلو اسكنز ولو اني مجري الكابسي وممتازه فعلا الكابسي الكيلو منها بي 180 بي المجموعه
7- عاوز ارش الجنوط والمعهم – ايه افضل طريقة و التكلفة ممكن تكون كام ...؟ مش عارف اعتقد طالما هتغير كاوتش هات جنوط بي المره
8- عاوز احط الستار ة الخلفية اللي في كارفور – حد جربها .. هل هي مخالفة لقانون لمرور.. في حاجة احسن ...؟ انا مركبها وبسم الله ما شاء الله جميله لاكن في كارفور غاليه شويه محدش بيتكلم عليها في اي لجنه ربنا يستر
9- عاوز طريقة فك الابواب من الداخل علشان انظف مكن رفع الزجاج روح احسن لحد بتاع مكن زجاج عشان الكلبسات ماتتكسرش منك
بس كده... لو حد عنده اسئلة تانية يتفضل يزود..
معلش طولت عليكم ..

تقبلوا تحياتي

[أبومعاذ]

مساء الخير على شباب بروتون .. كل عام وانتم بخير جميعاً
كان عندي شوية اسألة عاوز رأيكم فيها
1- ايه اكتر طريقة فعالة لتنظيف البرابريز من الداخل ...؟
جلانس + ورق جرايد
2- المساحات عاوزة تتغير – ايه افضل البدائل والسعرهم كام...؟
المساحات الرابر rubber وسعرها الاتنين في حدود 20-25 وممكن برضو تشوف المساحات اللي قال عليها أ/رامي عشان انا مش عارفها
3- احتما اغير 4 فرد كاوتش " ايه المقاسات المناسبة لـ 205/ / بدل من 195/15/60 "...؟
205/55 والافضل 215/55 هيدي لحضرتك نفس الارتفاع القديم مع عرض زيادة يعني تحسن في الثبات واقترح على حضرتك كاوتش كومهو اكستا بس ميكونش نقشة الشجرة النقشة التانية

7- عاوز ارش الجنوط والمعهم – ايه افضل طريقة و التكلفة ممكن تكون كام ...؟
حضرتك ممكن تراجع موضوعي عن رش الجنوط إن شاء الله يفيدك وكمان حضرتك بص على الموضوع ده:
http://www.nilemotors.net/Nile/165562-a.html
8- عاوز احط الستار ة الخلفية اللي في كارفور – حد جربها .. هل هي مخالفة لقانون لمرور.. في حاجة احسن ...؟
9- عاوز طريقة فك الابواب من الداخل علشان انظف مكن رفع الزجاج
بس كده... لو حد عنده اسئلة تانية يتفضل يزود..
معلش طولت عليكم ..
تقبلوا تحياتي

[eng.m7md.ali]

معلش يا جماعة انا عندي سؤال ؟؟
هيا الستارة الخلفية دي المقصود بيها اللي هيا بتتلم وتتفتح ولا كبس ولا حاجة جديدة؟؟

[alarabiya11]

مشكورين ياساده منكم نستفيد

[Eng. Rafy Samy]

ستاذ رامي
الف شكر على ردك واهتمامك
2- بالنسبة للمساحات هي اسمها ايه...؟ وموجودة فين...؟ وهل هي اطوال مختلفة ولا مقاس واحد
3- بالنسبة للكاوتش لو الموضوع يستاهل انا ممكن اجي لحد عندك ( واتشرف بمعرفتك ) بس هو مستورد لكاوتش ايه ..؟
6- يعني نصف كيلو مناسب للجزء السفلي والاكصدامات.. يس سؤال هو في انواع للرش .. انا بسمع عن الفرن بس بصراحة الفرن اللي انا اعرفة هو كابينة بتدخل فيها العربية وتترش آلي .. بس ده مشفتهوش عند اي حد..
8- طيب حضرتك جبتها بكام..
تقبل تحياتي واحترامي

[Eng. Rafy Samy]

أستاذ أبو مريم
شكراُ لردك واهتمامك
3- موضوع الكاوتش ده انا بفكر فيه كتير بس طبعاُ محتاج مساعدة " يعني حضرتك شايف ان 215/55 افضل من 205/55 طيب هل ده حيكون ليه تأثير سلبي على العفشة – وهل ده حيزود الاحساس بالمطبات – وهل التغيير ده يعتبر للافضل ولا الافضل نمشي ورا الخواجة ونحط نفس الكاوتش اللي موجود وخلاص.. هل الموضوع يستاهل..؟ - تقريباً سعر الكاوتش ال215 كام ..؟

تقبل تحياتي واحترامي

[Eng. Rafy Samy]

معلش يا جماعة انا عندي سؤال ؟؟
هيا الستارة الخلفية دي المقصود بيها اللي هيا بتتلم وتتفتح ولا كبس ولا حاجة جديدة؟؟

استاذ felix
احنا بنتكلم على الستائر الخلفية اللي بتتطلع وتنزل وليها قائمتين ... وهي تقريباً عاملة 50 جنية في كارفور وفي منها مقاسين ..
تقبل تحياتي

[أبومعاذ]

أستاذ أبو مريم
شكراُ لردك واهتمامك
3- موضوع الكاوتش ده انا بفكر فيه كتير بس طبعاُ محتاج مساعدة " يعني حضرتك شايف ان 215/55 افضل من 205/55 طيب هل ده حيكون ليه تأثير سلبي على العفشة – وهل ده حيزود الاحساس بالمطبات – وهل التغيير ده يعتبر للافضل ولا الافضل نمشي ورا الخواجة ونحط نفس الكاوتش اللي موجود وخلاص.. هل الموضوع يستاهل..؟ - تقريباً سعر الكاوتش ال215 كام ..؟

تقبل تحياتي واحترامي

بص يا باشمهندس... الكاوتش الـ 195/60/15 بتاعنا سمك الكاوتش فيه 11.7سم والعرض 19.5سم
الكاوتش الـ 205/55/15 سمك الكاوتش فيه 11.2سم والعرض 20.5سم
الكاوتش الـ215/55/15 سمك الكاوتش فيه 11.8سم والعرض 21.5سم
أنا شايف إن الأخير دا أكتر واحد مناسب لأن العرض هيزيد 2سم والارتفاع زي ما هو ودا هيخلي العفشة تفضل زي ما هي ولا اطرى ولا أنشف بس الثبات هيتحسن سنة بسيطة ولو عايز تعرض الكاوتش كمان ممكن 225/50 بس بلاش أحسن
سعر الكاوتش هيبقى في حدود 300 يزيد او يقل

[ramyar]

ستاذ رامي

الف شكر على ردك واهتمامك
2- بالنسبة للمساحات هي اسمها ايه...؟ وموجودة فين...؟ وهل هي اطوال مختلفة ولا مقاس واحد بامانه مش فاكر اسمها بس هحاول اجيبلك صورتها وطبعا في منها مقاسات وبتكون بي البوصه يعني وانتا عند الراجل وريله مساحات عربيتك وهوا هيشوف لان فبي واحده 18 بوصه والتانيه 20 او 22 بوصه
3- بالنسبة للكاوتش لو الموضوع يستاهل انا ممكن اجي لحد عندك ( واتشرف بمعرفتك ) بس هو مستورد لكاوتش ايه ..؟ انا هبعتلك رقمه علي الخاص وانتا تظبط معاه وشوف ايه الاخبار 6- يعني نصف كيلو مناسب للجزء السفلي والاكصدامات.. يس سؤال هو في انواع للرش .. انا بسمع عن الفرن بس بصراحة الفرن اللي انا اعرفة هو كابينة بتدخل فيها العربية وتترش آلي .. بس ده مشفتهوش عند اي حد.. الكابينه موجوده ومنتشره جدا في مصر كمان دي كابينه حراريه سخانات وشفاطات ودرجات حراره بيتم ظبطها بي وحدات الكترونيه لاكن الرش بيكون يدوي مش آلي
8- طيب حضرتك جبتها بكام.. كانت عامله 30 جنيه من التوفيقيه وكانت في كارفور 72 جنيه

تقبل تحياتي واحترامي

[Eng. Rafy Samy]

أستاذ رامي
شكراُ مرة تانية
طيب انت تعرف حد بيرش فرن في اسكندرية..؟
وتكلفة الرش بتكون في حدود كام (من غير البوية )

حاجة كمان ... في حد بيعمل كار كير شامل في اسكندرية ولا لأ..

تقبلوا تحياتي جميعاً

[ramyar]

أستاذ رامي
شكراُ مرة تانية
طيب انت تعرف حد بيرش فرن في اسكندرية..؟
وتكلفة الرش بتكون في حدود كام (من غير البوية )

حاجة كمان ... في حد بيعمل كار كير شامل في اسكندرية ولا لأ..

تقبلوا تحياتي جميعاً

تقريبا كده لو الاربع ابواب الجزء الي تحت والكصدامين في حدود 500الي 700 ومنهم طبعا ايجار الكابينه الي بيتراوح مابين 80 الي 150 جنيه علي حسب الكابينه
بس بامانه معرفش في الاسكندريه انا كل تعاملاتي كانت في الزقازيق
انا رشيت عربيتي القديمه هناك واتكلفت 1100 جنيه بوهيه ومصنعيه

[bmwosama]

طيب انت تعرف حد بيرش فرن في اسكندرية..؟

حاجة كمان ... في حد بيعمل كار كير شامل في اسكندرية ولا لأ..

تقبلوا تحياتي جميعاً

انا اعرف واحد ممتاز علي الصحراوي
بعد كوبري مرغم عند بنزينه اويليبيا
اسم المركز : القاسم

[أبومعاذ]

دي المساحة الرابر اللي قصدي عليها
معلش الصورة كبيرة شوية

[ramyar]

الله ينور عليك يا ابو مريم ربنا يبارك فيك