محتاج بوجيهات لعربيتيك ... محتار؟ مش عارف تعمل ايه الحل هنا

[ramyar]

من فتره وانا ماليش نفس اعمل مواضيع جديده بسبب بعض الاسباب لاكن اليومين دول حاسس ان القسم بتاعنا اتظبط شويه يعني التوبك هياخد حقه والناس هتستفيد فقلت انزل التوبك ده وهوا بخصوص البوجيهات





مين فينا ما يعرفش البوجيهات
يمكن في مننا ناس محترفه في الموضوع ده لاكن في ناس تاني يادوبك يعرفوا الاسم فقط
البوجيهات بتكون راكبه في وش السلندر في منتصف غرفه الحريق وفي اشكال وانواع ومقاسات منها النهارده هنتكلم عن النوع الي مستخدم في بروتون وهوا NGK وده من اجود الانواع الموجوده
طيب ايه وظيفه البوجيهات
البوجيهات وظيفتها تفريغ شحنه من الكهرباء الضغط العالي بين قطبين الشمعه الي الجسم الارضي وده بيحصل في غرفه الحريق الي بكون فيها البنزين والهواء مضغوطيب وبكده بيكتمل مثلث الحريق وبينتج عنه حراره وضغط جامد جدا وعشان كده من اهم مواصفات البوجيهات تحمل درجه الحراره الي بتوصل الي 2000 درجه والضغط الرهيب كمان مقاومه الاكسده نتيجه نواتج الاحتراق
طيب ايه النوع المستخدم في بروتون وهل نوع معين ولا ايه
-----------------------------------------------------------------------البوجيهات المستخدمه في بروتون ngk bpr6ef-11


طيب ايه الكود ده
الموضوع بتاع الكود ده موضوع يطول شرحه لاكن هنقول الحروف دي والارقام دي اختصار لايه

عشان كده هسيبكم مع جدولين لتعريف الاكواد الموجوده علي البوجيهات وعن طريق الجداول دي ممكن نعرف لو عايزين نغير من ماركه لماركه تانيه






الجدول الاخير



اخير ياريت الموضوع يكون عجبكم

[midosalah]

تسلم يا استاذ رامى توبك هايل

[eng.m7md.ali]

شكرا يا باشا وياريت تفدنا بالاسعار ان امكن

[XXXMEMOXXX]

شكرا م/ رامي على الموضوع الممتاز ,, بس محتاجين من حضرتك ترشيح لكذا نوع انت شايفهم انواع جيده ,, بحيث انه يكون موضوع متكامل..
تحياتي

[Osama.shihata]

شكرا يارامى على الموضوع ده بس هل التوكيل بيركب ال ngk فعلا فى الصيانة الدورية ولا الواحد يشتريه من بره وهما يركبوه
ياريت توضيح النقطة دى للاهمية

[mido_soliman]

شكرا يا رامى باشا على الموضوع الهايل بس ياريت نوع يكون من الانواع اللى بتعد فى العربية 60000 كيلو مش زى بتاع الوكيل يتغير كل 20000 لانى عايز اجيب ومش عارف بصراحة ياريت الانواع ال ngk اللى بتعد اكتر من كدة وتكون متناسبة مع الجين2 تحديدا بعكس الlaser iridium اللى مش معمول للجين 2
تحياتى يباشا

[eslam_wega]

والله يوم عن يوم بتعمل توبيكات اجمل واشد ربنا يباركلك يا م / رامى
بص يا سيدى انا لسة جايب البوجيهات من اسبوع من توكيل التوفيق ngk فى المعادى والسعر 180 ج
الحمدلله فى تحسن ملحوط فى السحب بس استهلاك البنزين اكتر من الاول خصوصا لانى بجرى كتير
السوال هل الكود دة صحيح لان دة الى راكب عندى وراكب بردوا فى الجين بتاعت احمد على
BKR6EIX 6418 NGK
هل دة الكود دة صح او لا

[Eng. Rafy Samy]

الف شكر على المعلومات الهايلة دي...توبيك رائع احييك عليه ...

ممكن تقولنا ايه الفرق بين البوجيهات دي والبوجيهات الليزر والاسبليت فاير وشفت بوجيهات ليها 3 رجلين معلش اعذر جهلي بس العلم نور :) ... وكمان موضوع الكابلات الخاصة بالبوجيهات الرياضية .. وهل هي تحسن الاداء فعلاُ ولا مش قوي... وهل البوجيهات ممكن تفرق في اداء العربية فرق جوهري وهل هي ليها تأثير مباشر على العمر الافتراضي للموتور ...

اسف للإطالة وتقبل تحياتي

[afr80]

الله ينور على المواضيع الجمده، بتزود والله قاعده بياناتي

[misho502]

تسلم ايدك يا باشمهندس / رامى
و كل عام و حضرتك بخير
رمضان كريم

[مصطفى_صديق]

تسلم ايدك......

[ramyar]

شكرا يا باشا وياريت تفدنا بالاسعار ان امكن

البوجيهات ال ngk بتبتدي من 40 جنيه لغايه 220 جنيه علي حسب العمر والماه المصنوعه منها اقطاب البوجيه

شكرا م/ رامي على الموضوع الممتاز ,, بس محتاجين من حضرتك ترشيح لكذا نوع انت شايفهم انواع جيده ,, بحيث انه يكون موضوع متكامل.. الهدف من الموضوع ان الناس تتعرف علي عربياتها اكتر والفايده تعم بي النسبه للانواع في دنسو و بوش وشامبيون واوتولايت...... انواع كتير من افضلهم ngk
تحياتي

شكرا يارامى على الموضوع ده بس هل التوكيل بيركب ال ngk فعلا فى الصيانة الدورية ولا الواحد يشتريه من بره وهما يركبوه
ياريت توضيح النقطة دى للاهمية

ايوه يا اسامه التوكيل بيركب نفس البوجيهات الي بتيجي في العربيه وانا لما بقول التوكيل قصدي عز العرب لان قريت مره ان واحد عمل صيانه لعربيته في مركز صيانه معتمد وغيرولوا نوع بوجيهات غير ngk

شكرا يا رامى باشا على الموضوع الهايل بس ياريت نوع يكون من الانواع اللى بتعد فى العربية 60000 كيلو مش زى بتاع الوكيل يتغير كل 20000 لانى عايز اجيب ومش عارف بصراحة ياريت الانواع ال ngk اللى بتعد اكتر من كدة وتكون متناسبة مع الجين2 تحديدا بعكس الlaser iridium اللى مش معمول للجين 2
تحياتى يباشا

البوجيهات الlaser iridium مين قال انها ماتناسبش الجين2
مش معني ان في الجدول مش مكتوب عليه بروتون او جين 2 انها ماتناسبش
لا تركب وانتا متطمن ماتخافش

الlaser iridium المجال الحراري بتاعها واسع وعالي جدا وده بيتاناسب مع محركات بروتون كمان بيخلي المحول الحفاز بيشتغل في درجات حراره مثاليه

والله يوم عن يوم بتعمل توبيكات اجمل واشد ربنا يباركلك يا م / رامى
بص يا سيدى انا لسة جايب البوجيهات من اسبوع من توكيل التوفيق ngk فى المعادى والسعر 180 ج
الحمدلله فى تحسن ملحوط فى السحب بس استهلاك البنزين اكتر من الاول خصوصا لانى بجرى كتير
السوال هل الكود دة صحيح لان دة الى راكب عندى وراكب بردوا فى الجين بتاعت احمد على
BKR6EIX 6418 NGK
هل دة الكود دة صح او لا

صح يا فندم انا كشفت عليه الكود وطلع صح ولو عايزني اعرفلك الكود يعني ايه حرف حرف انتا بس قولي

تسلم ايدك يا باشمهندس / رامى
و كل عام و حضرتك بخير
رمضان كريم

الله اكرم ويارب نكون جميعا بخير

[ramyar]

تسلم ايدك......

شكرا يا مصطفي باشا رمضان كريم

[Eng. Rafy Samy]

ا/ رامي .. انا مستني ردك

ممكن تقولنا ايه الفرق بين البوجيهات دي والبوجيهات الليزر والاسبليت فاير وشفت بوجيهات ليها 3 رجلين معلش اعذر جهلي بس العلم نور :) ... وكمان موضوع الكابلات الخاصة بالبوجيهات الرياضية .. وهل هي تحسن الاداء فعلاُ ولا مش قوي... وهل البوجيهات ممكن تفرق في اداء العربية فرق جوهري وهل هي ليها تأثير مباشر على العمر الافتراضي للموتور ...

[Eng. Rafy Samy]

ايه يا ا/ رامي انت مش عاوز ترد عليا ولا إيه .. لو مشركتي مش عجباك ممكن امسحها
انا بصراحة مش فاهم..!!!!!