اخواني ارجو المساعده

[kouriem]

السلام عليكم اولا و كل سنه و انتم بخير و رمضان كريم , انا عندي بروتون واجا اتوماتيك 2009 بس عندي مشكله مش جامده يعني بس رخمه جدا من يوم ما استلمت العربيه و مسطره الفوجات و الانتظار بايظيه و سبتوهالي في الورق علشان لما اروح صيانه 1000 يغيروهالي و طبعا روحت و قالولي مش موجوده و روحت تاني و قالولي مش موجوده و روحت تالت صيانه ال5000 و برده مش موجوده المشكله اني مسافر طول الوقت و برجع مصر كل 4 شهور 10 ايام لظروف شغلي و انا ديلوقتي في الجزائر هل لما ارجع ان شاء الله اروح بئه و اتخانق و هل لازم اتخانق و هل لو اتخانقت هايجيب فايده.
بس يعني لما اشتري عربيه ب94000 الف و حاجه رخمه زي ديه بايظه يبقي حرام

انا المفروض راجع ان شاء الله يوم 25 اغسطس

ارجو الافاده و المساعده و شكرا ليكم جميعا.
علي عبدالعظيم

[Nistelrooy]

لو ليك حد هنا خلية يتابع معاهم ويروح يركبها هو لو جت ؟

[mostafashokry]

السلام عليكم ,,, نعم اتخانق معاهم علشان يستعجلوا إستيرادها لأن أى توكيل لم يستجيب بسرعة ألا فى الشكاوى العامة عشان ما تطلعش سمعة على العربية وأظن شكوت حضرتك ليس عامة . وإيضاً للأمانة أنا لم أتعامل مع هذا التوكيلمن قبل مع أن معايا بروتون وييرا .

[ramyar]

السلام عليكم ,,, نعم اتخانق معاهم علشان يستعجلوا إستيرادها لأن أى توكيل لم يستجيب بسرعة ألا فى الشكاوى العامة عشان ما تطلعش سمعة على العربية وأظن شكوت حضرتك ليس عامة . وإيضاً للأمانة أنا لم أتعامل مع هذا التوكيلمن قبل مع أن معايا بروتون وييرا .

طيب لما حضرتك ما اتعاملتش مع التوكيل قبل كده عرفت ازاي وقلت للراجل انه لازم يروح ويتخانق
علي اي اساس حضرتك حليت الموضوع بي الخناق
بي النسبه للاخ صاحب الشكوي ياريت تخلي اي حد من اخلك في مصر يتابع مع التوكيل وبمجرد ما المسطره تيجي حد يروح ويركبها سيادتك ممكن تكلم المهندس امر الكوافي علي الموبايل وان شاء الله هيحللك الموضوع كعاده المهندس امر

[mostafashokry]

طيب لما حضرتك ما اتعاملتش مع التوكيل قبل كده عرفت ازاي وقلت للراجل انه لازم يروح ويتخانق
علي اي اساس حضرتك حليت الموضوع بي الخناق
بي النسبه للاخ صاحب الشكوي ياريت تخلي اي حد من اخلك في مصر يتابع مع التوكيل وبمجرد ما المسطره تيجي حد يروح ويركبها سيادتك ممكن تكلم المهندس امر الكوافي علي الموبايل وان شاء الله هيحللك الموضوع كعاده المهندس امر

يا / أستاذ ده رأيي ما تحجرش على رأيي أنا قلت بكل صراحةو أمانه ,,,,,,, المفروض حضرتك تقول له على نصيحتك المجربة من غير ما تحجر أو تتعرض لرأى الآخريين حتى لو كان غلط فى غلط

[jisso82]

يا / أستاذ ده رأيي ما تحجرش على رأيي أنا قلت بكل صراحةو أمانه ,,,,,,, المفروض حضرتك تقول له على نصيحتك المجربة من غير ما تحجر أو تتعرض لرأى الآخريين حتى لو كان غلط فى غلط

على فكرة هو ما حجرش على رأى حضرتك هو سألك ببسباطة حضرتك بنيت رأيك على أى أساس و حضرتك بتعترف بنفسك إنك ما تعاملتش مع التوكيل أعتقد إن ده مجرد سؤال محتاج إجابة و توضيح منك مش حجر على رأيك زى ما حضرتك بتتهمه

[XXXMEMOXXX]

يا / أستاذ ده رأيي ما تحجرش على رأيي أنا قلت بكل صراحةو أمانه ,,,,,,, المفروض حضرتك تقول له على نصيحتك المجربة من غير ما تحجر أو تتعرض لرأى الآخريين حتى لو كان غلط فى غلط

فين الحجر ده ؟؟ حضرتك بتقوله روح اتخانق ,, وبتقول ده راي بكل امانه ,, وحضرتك بتقول انا ماتعملتش مع التوكيل ,, وحضرتك بتقول ل م/رامي المفروض تقوله على نصيحه مجربه ,, وهو ده اللي حصل فعلا ان صاحب الموضوع يبلغ التوكيل ويفضل المهندس امر ,, ويخلي حد يتابع معاهم بالتليفون ,, ده فعلا نصيحه مجربه وان شاء الله المشكله هتتحل ,,,

[mostafashokry]

فين الحجر ده ؟؟ حضرتك بتقوله روح اتخانق ,, وبتقول ده راي بكل امانه ,, وحضرتك بتقول انا ماتعملتش مع التوكيل ,, وحضرتك بتقول ل م/رامي المفروض تقوله على نصيحه مجربه ,, وهو ده اللي حصل فعلا ان صاحب الموضوع يبلغ التوكيل ويفضل المهندس امر ,, ويخلي حد يتابع معاهم بالتليفون ,, ده فعلا نصيحه مجربه وان شاء الله المشكله هتتحل ,,,

السلام عليكم ممكن حضرتك ترجع لأصل السؤال و أصل ردى و سؤال حضرتك هيجاوب نفسه

[mostafashokry]

طيب لما حضرتك ما اتعاملتش مع التوكيل قبل كده عرفت ازاي وقلت للراجل انه لازم يروح ويتخانق
علي اي اساس حضرتك حليت الموضوع بي الخناق
بي النسبه للاخ صاحب الشكوي ياريت تخلي اي حد من اخلك في مصر يتابع مع التوكيل وبمجرد ما المسطره تيجي حد يروح ويركبها سيادتك ممكن تكلم المهندس امر الكوافي علي الموبايل وان شاء الله هيحللك الموضوع كعاده المهندس امر

http://www.nilemotors.net/Nile/174059-gen-2-a-3.html

[XXXMEMOXXX]

السلام عليكم ممكن حضرتك ترجع لأصل السؤال و أصل ردى و سؤال حضرتك هيجاوب نفسه

وعليكم السلام ورحمة الله وبركاته

رجعت هنا وهناك وفي كل حته ومافيش رد برضو ,,, اللي عايز اوصله لحضرتك ,, انك ماتعملتش مع التوكيل ,, وبتنصحه يروح يتخانق ,, مين اللي قال لحضرتك ان الخناق هو اللي هيجيب حقه ( مافيش اي تجربه عمليه لحضرتك مع التوكيل ده كدليل على ان الخناق هو الحل )
بس اللي احنا مجربينه ,, ان احنا بنتعامل بهدوء الاول ,, والحمد لله أ/ايمن معانا هنا في القسم وبيساعدنا دائما في الموضوع ده ,, وعرفنا على المهندس امر ,, وهو راجل محترم جدا ,, ومابيتاخرش في حل اي مشكله ,,
وفي الاول والاخر ده منتدى يعني مافيش اي مشكله اني اقول راي وغيري يناقشني فيه ,,مادام بطريقه محترمه ,, وده اللي انا شفته من م/رامي ,, بس حضرتك بتقوله حجر على راي ,,

وعموما صاحب الموضوع ,,بقى قدامه الخيارين بغض النظر عن نقشنا ,, يتخانق او مايتخانقش
وكل سنه وحضرتك طيب

[mido_soliman]

لازم يبقى فى متابعة باستمرار ومفيش خناق الا لو الزن مجابش نتيجة وهوة بيجيب نتيجة لان انت فى مصر ومفيش حاجة بتاخدها من خدمة ما بعد البيع غير بالزن والمتابعة المستمرة ودة فى مصر كلها مش فى التوكيل دة بس
تحياتى

[kouriem]

صلوا علي النبي يا جماعه انا هاروح تاني ان شاء الله الخميس لاني راجع من الجزائر الاربعاء و ربنا ما يجيب خناق ان شاء الله و يسهل الحال

[mostafashokry]

صلوا علي النبي يا جماعه انا هاروح تاني ان شاء الله الخميس لاني راجع من الجزائر الاربعاء و ربنا ما يجيب خناق ان شاء الله و يسهل الحال

تقصد ها تروووح رابع مش تانى!!!!!! إن شاء الله تكون آخر مرة تروح فيها بخصوص مشكلتكو ترجعلنا بأخبار حلوة

[XXXMEMOXXX]

صلوا علي النبي يا جماعه انا هاروح تاني ان شاء الله الخميس لاني راجع من الجزائر الاربعاء و ربنا ما يجيب خناق ان شاء الله و يسهل الحال

صلى الله عليه وسلم
توصل بالسلامه ان شاء الله ,, والمشكله تتحل