الحمد لله التوكيل ظبطلى العربية من كل المشاكل اللى فيها

[pedro732000]

ازيك ياباسمهندس /امر
يارب تفتكرنى انا كنت قابلت حضرتك وانا بشترى عربيتى البيرسونا السودا وكنت بلغت حضرتك ان فيه صوت طأطأه واضح جدا من عند العفشة الامامية اليمين فقط عند "النزول من المطب او مثلا مطب هوا برده"
المشكلة ديه بلغتهم عليها وانا فى صيانة الالف بس متعملتش
والمشكلة الاكبر ان الصوت دلوقتى بيزيد ومع ابسط المطبات حتى لو كانت طوبة تحت الكاوتش مع انى بكون مهدى جدا
كم"

شكرا باشمهندس امر
انا الحمدلله بعد ما انت اتصلت بيا خدمة العملاء اتصلو بيا وحجزة ميعاد يوم 18/8 وروحت عملت صيانة 5000كم وعملولى الصوت وكمان بلغتهم ان عندى مشكلة فى عومة البنزين غيرولى الطورمبة وكل حاجة قولتلهم عليها عملوها تمام الحمد لله
اشكرك
وكل سنة وانت طيب وافراد التوكيل المحترم بتاعك بخير

[jisso82]

1000 مبروك صيانة ال5000 و مبروك أكتر اختفاء الصوت اللى كان قالقك و ميرسى للتوكيل و المهندس آمر على المجهود الملموس اللى بيتبذل

[ramyar]

الف مبروك يا فندم اخير حد مبسوط من التوكيل واخير حد بيدي الناس حقها وبيقول كلمه شكر
الف مبروك علي صيانه ال 5000 ويارب تكون دايما مبسوط بي العربيه وربنا يحفظهالك

[pedro732000]

والله ياجماعه انتو شجعتونى انى احكيلكو عن العربية بعد ماالواحد نفسيته ارتاحت بقى عامل ايه بالعربية
انا من السويس مبدئيا فلما كنت على طريق مصر السويس كنت شادد بالعربية 160 فكان فيه مرسيدس عيون بعديها ومش واخد فى بالى
المهم لقيت بتاع المرسيدس سخن وطار ورايا فكنا داخلين فى ملف لقيته بيهدى مع انه سرعته زى وانا محستش انى محتاج اهدى العربية والحمد لله كويسة فى ايدي بسسسسسس
بدات الاحظ انه بيفرمل مع دخوله الملفات وحنا جنب بعض
المهم خليته قدامى عشان ارقبه وبقيت احس ان التسارع عندى افضل
بس اكيد ده من السواق التانى لان برده ده مرسيدس
بس كانت تجربة ممتعه لان حسيت بجد بالعربية اوى واندمجت معاها واستمتعت بيها اوى

[أبومعاذ]

ألف مبروك وفعلا التوكيل كويس وبتحسن باستمرار

[XXXMEMOXXX]

الف مبروك على الصيانه ,, والحمد لله ان حضرتك مبسوط ,, وشكرا للتوكيل ومنتظرين الافضل ...

[Osama.shihata]

1000 مبروك الصيانة الموفقة
ويارب تفضل سعيد بعربيتك علطول

[mido_soliman]

10000000000000مبروك وتفضل مبسوط منهم دايما وربنا يبعد عنك العين