بعد موضوع التوكيل كدة برسونتى جاهزة للتظبيط

[pedro732000]

ان شاء الله هابداء اظبط برسونتى من حيث تركيب نور تلجى وكمان فرش جلد للكنب والارضيه وكمان المفجاءة تركيب وحدات رفع( ظبط مع اخويا tarek gen2)
الراجل ده ياجماعه وجعتلوة دماغه رسايل على الخاص استفسارات منه على الوحدات اخبارها ايه معاه فا الراجل من زوقه كتبلى نمرته عشان لو حبيت استفسر عن حاجة تانى
فروحت انا مزودها وقلت اكلمه يوصفه ليا حيث انى من السويس ففوجئت بالاستاذ طارق برده من كرم اخلاقه وذوقه هايظبطلى الموضوع ده ومش كده وبس لا ده كمان هايشرفنى ويجى معايا
اخى العزيز طارق "شرف ليا" ربنا يجعله فى ميزان حسانتك ويجزيك خير
ان شاء الله بعد ما خلص الموضوع ده هاطلع اعمل فرش العربية فى جينز كار ادعولى
على فكرة فتحة النفس ده لما التوكيل والحمد لله ظبطلى العربية
اللهم يدمها علينا نعمة
ويعطينا خيرها ويكفينا شرها
واخيرا شكرا ليك ياطارق مجددا على ذوقك

[Raul_7]

تمام قوي, يا رب تفضل مبسوط من العربية ومن التوكيل.

و tarek gen2 راجل تمام مش محتاجة كلام.

[Tayer]

محمود صباح الفل عامل أيه يا معلم هنفرش عربيتنا أمتا مع بعض

[M.almaghraby]

مبروك يا باشا و يارب مبسوط بيها علي طول كدا

هيا كان فيها ايه؟

[spiderloking]

الف مبروك يا صاحبي و يا رب دايما تبقي مبسوط و نفسي الناس كلها تنبسط من التوكيل لأنو اهم شيء في العربيه كلها موضوع التوكيل فعلا يا جماعه لما الواحد يكون عربيتوا تمام و مفيهاش اي مشاكل بتفتح نفسوا انوا يعمل حاجات كويسه في العربيه و يظبطها و يهتم بيها ربنا يكرمك بيها

[jisso82]

مبروك يا باشا و يارب مبسوط بيها علي طول كدا

هيا كان فيها ايه؟

+10000000000000000

صحيح ما قلتلناش التوكيل ظبطهالك فى إيه بالظبط؟؟؟

[afr80]

الف مبروك ويا رب تفضل مبسوط

[ramyar]

[pedro732000]

هو انا كنت بسمع صوت طقطقه من الجنب اليمين قدام
+لما التنك بيفضى العلامة مابتظهرش بتاعة التنك
فغيرو الطرمبة البنزين + وكان المقص اليمين محتاج يتربط و عملو ظبط زوايا
الباب ورا السواق مبيقفلش من الريموت والسنتر

وطبعا العربية محتاجة التعديل بتاع الباور

[mido_soliman]

ياريت لما تظبط موضوع وحدات الرفع دة تقولى عملت اية او حتعملوا ازاى يباشا لانى بفكر فية جدا جدا بس مش عارف يركب على الجين عندى من غير ما ياثر فى حاجة ولا اية النظام
تحياتى ومبروك عليك الصيانة وتظبيط العربية

[Tarek Gen 2]

ياريت لما تظبط موضوع وحدات الرفع دة تقولى عملت اية او حتعملوا ازاى يباشا لانى بفكر فية جدا جدا بس مش عارف يركب على الجين عندى من غير ما ياثر فى حاجة ولا اية النظام
تحياتى ومبروك عليك الصيانة وتظبيط العربية

لا لا انا كدة لازم يطلعلى مصلحة بقى
اطمن يا معلم بيركب بسهولة انا مركبها عندى من شهور و تمام اهه و على فكرة مريحة اخر مليون حاجة بصراحة تحية لمخترع وحدة الرفع ده

[mido_soliman]

لا لا انا كدة لازم يطلعلى مصلحة بقى
اطمن يا معلم بيركب بسهولة انا مركبها عندى من شهور و تمام اهه و على فكرة مريحة اخر مليون حاجة بصراحة تحية لمخترع وحدة الرفع ده

يباشا اللى انت عايزة عنيا ليك ياعم طارق
بس قولى التفاصيل لو سمحت جبتهم منين وبكام ومين ركبهملك والضمان عامل معاك اية فى التوكيل متكلموش كدة يعنى لحسن فعلا هما دول اللى ناقصنى ان شاء الله هما والزينون علشان العربية مش محتاجة اى حاجة تانى بصراحة
تحياتى ومستنى ردك يباشا

[Tarek Gen 2]

يباشا اللى انت عايزة عنيا ليك ياعم طارق
بس قولى التفاصيل لو سمحت جبتهم منين وبكام ومين ركبهملك والضمان عامل معاك اية فى التوكيل متكلموش كدة يعنى لحسن فعلا هما دول اللى ناقصنى ان شاء الله هما والزينون علشان العربية مش محتاجة اى حاجة تانى بصراحة
تحياتى ومستنى ردك يباشا

بص يا حبيبى انا مركب زينون عالى واطى + فوجات و وحدة الرفع
التفاصيل المملة
انا التوكيل قاللى لا مبنركبش و بتاع مع انى كنت سامع انه بيركب و بعدين قاللوى زينون ممكن انما وحدة رفح حسك عينك ودنك رجلك و كلام كدة المهم ان دى تالت عربية ليه و انا متعود على موضوع الزينون و وحدة الرفع دى من تلت سنين و فعلا مكنتش قادر قعد بالعربية من غيرها خالص

فقررت انى اعملهم برة و خلاص قبل ما اكمل 200 كيلو حتى
الوحدة بتخرجلك تحكم الازاز - مكن الازاز من الضمان

الزينون = ماتور الفوانيس - ضفيرة الكهربا ( مع انه مالوش دعوة بيهم خالص) - و دراع النور - البطارية

و مع ذلك مركب هنا و فى السيراتو و فى الللى قبلهم و كله تمام ولا حصل حاجة و الحمد لله طبعا طالما انت بتستخدمهم صح يبقى كله هيبقى تمام ان شاء الله

الزينون انا جبته كله ب 675 شبورة بعالى و واطى و 50 تركيب بضمان سنة و الكلام ده من شهر 3 و الى الان تمام بس الراجل اللى جبت منه قفل و سافر برة و كدة هو كان صحبى يعنى و ناو معرفش بقى الاسعار و النظام ايه بس اعتقد رخص
عن كدة كمان
و انا بالمناسبة جربت كل الانواع قبل ما الزينون ينزل هنا حتى كنت بجيبه معايا من السعودية و الاصلى على الصينى و كله شغال مش فارقة كتير بس الالمانى حاجة تانية طبعا بس مش مستاهلة تدفع فيه كتير كله بيقضى الغرض

وحدة الرفع دى قصة بقى

انا جبت واحدة و رحت كلاريون قاللى لا مينفعش تركب زى التوكيل و انا كنت فاكر التوكيل بيصيع علية

المهم رحت لكهربائى ركبها بس كانت بتخرف بقى تنزل تطلع متقفلش تعلق كدة رحت جبت واحدة تانية و عملتها برضه باظت رحت عند واحد معروف كدة و قالى ماشى و ليها طريقة و قلتله قشطة و حسيته فاهم كدة خد بتاع ساعتين و اشتغلت عادى لحد ناو تمام و عملهالى غير الناس كلها بصراحة و من ساعتها تمام
نوعها spy بترفع ازاز ازاز مش كله مع بعض لازم دى و تمنها 65 و تركيبها 35 يعنى كله 100 و بتجيبها من عند الراجل اللى بيركبها او من برة براحتك

بس كدة و معلش طولت عليك بقى و كل سنة وانت طيب يا معلم

[mido_soliman]

بص يا حبيبى انا مركب زينون عالى واطى + فوجات و وحدة الرفع
التفاصيل المملة
انا التوكيل قاللى لا مبنركبش و بتاع مع انى كنت سامع انه بيركب و بعدين قاللوى زينون ممكن انما وحدة رفح حسك عينك ودنك رجلك و كلام كدة المهم ان دى تالت عربية ليه و انا متعود على موضوع الزينون و وحدة الرفع دى من تلت سنين و فعلا مكنتش قادر قعد بالعربية من غيرها خالص

فقررت انى اعملهم برة و خلاص قبل ما اكمل 200 كيلو حتى
الوحدة بتخرجلك تحكم الازاز - مكن الازاز من الضمان

الزينون = ماتور الفوانيس - ضفيرة الكهربا ( مع انه مالوش دعوة بيهم خالص) - و دراع النور - البطارية

و مع ذلك مركب هنا و فى السيراتو و فى الللى قبلهم و كله تمام ولا حصل حاجة و الحمد لله طبعا طالما انت بتستخدمهم صح يبقى كله هيبقى تمام ان شاء الله

الزينون انا جبته كله ب 675 شبورة بعالى و واطى و 50 تركيب بضمان سنة و الكلام ده من شهر 3 و الى الان تمام بس الراجل اللى جبت منه قفل و سافر برة و كدة هو كان صحبى يعنى و ناو معرفش بقى الاسعار و النظام ايه بس اعتقد رخص
عن كدة كمان
و انا بالمناسبة جربت كل الانواع قبل ما الزينون ينزل هنا حتى كنت بجيبه معايا من السعودية و الاصلى على الصينى و كله شغال مش فارقة كتير بس الالمانى حاجة تانية طبعا بس مش مستاهلة تدفع فيه كتير كله بيقضى الغرض

وحدة الرفع دى قصة بقى

انا جبت واحدة و رحت كلاريون قاللى لا مينفعش تركب زى التوكيل و انا كنت فاكر التوكيل بيصيع علية

المهم رحت لكهربائى ركبها بس كانت بتخرف بقى تنزل تطلع متقفلش تعلق كدة رحت جبت واحدة تانية و عملتها برضه باظت رحت عند واحد معروف كدة و قالى ماشى و ليها طريقة و قلتله قشطة و حسيته فاهم كدة خد بتاع ساعتين و اشتغلت عادى لحد ناو تمام و عملهالى غير الناس كلها بصراحة و من ساعتها تمام
نوعها spy بترفع ازاز ازاز مش كله مع بعض لازم دى و تمنها 65 و تركيبها 35 يعنى كله 100 و بتجيبها من عند الراجل اللى بيركبها او من برة براحتك

بس كدة و معلش طولت عليك بقى و كل سنة وانت طيب يا معلم :oc_sun1[1]:

متشكرين يباشا وربنا يخليك لينا يا معلم انا غالبا حنزل ادور على وحدة الرفع دى فى التوفيقية اشوف الكلام على اية طب الكهربائى بتاعك دة فين يا باشا علشان لو احتجتلة معلش مدام واحد نضيف وبيفهم خلاص

[Tarek Gen 2]

متشكرين يباشا وربنا يخليك لينا يا معلم انا غالبا حنزل ادور على وحدة الرفع دى فى التوفيقية اشوف الكلام على اية طب الكهربائى بتاعك دة فين يا باشا علشان لو احتجتلة معلش مدام واحد نضيف وبيفهم خلاص

تمام يا معلم هتلاقيها علبتها ابيض فى لبنى كدة و بحوالى 65 المفروض ارخص بقى

و الكهربائى فى امبابة بس معرفش اوصف المكان
0143101112 ده رقمى انا لو اوك او احترت كلمنى وانا اوديك ان شاء الله