اصدق مين

[mrwho1982]

السلام عليكم اولا

ثانيا انا كنت النهارده اخدت حفرة بلاعة وكانت جامدة لدرجة اني قلت اكيد هالاقي الكاوتشة خرجت من مكانها

المهم روحت لبتاع زوايا اسمو عمرو بدوي في مدينة نصر قاللي العربية عايزة زرجينة من ناحية الخبطة

انا مش عايز اعمل زرجينة لاني عملت في نفس الجزء ده زرجينة قبل كدة

واخر مرة كنت عند العفشجي قاللي العربية دي عايز ة جوز مساعدين


لما سالت تعا الزوايا النهارده قاللي مش عايزين مساعدين

وبالمناسبة هو بيض المقص ده بيعمل ايه وبيعمل كام

والاصح انو يتكبس عند الخراط ولا اجيب واحد جديد


معلش هاتعبكم معايا

العربية بروتون ويرا 1999

[mido_soliman]

بص البيض بتاع المقص دة عامل زى المفصلة اللى فى الدولاب او فى جسم الانسان حتى
دى بتبقى ماسكة المقص بجزء تانى فى العفشة يباشا مساعد او بار او ايا كان جزء فى العفشة انا معرفش بالظبط بس انا قلت اوضحلك عن قريب
وبصراحة موضوع كبسة دة اى كلام فى اى كلام متحاولش حيكبسة ممكن يفرط منة ويقولك هات جديد بردة
من الاخر اى حاجة فى العفشة هاتها جديد متستخسرش لان الاستيراد منها كمان بيبقى بايظ ومهلوك
بص موضوع المساعدين دول انت بردة لازم تكون بتحس بيهم يعنى المساعدين فى جنب اعلى من التانى مثلا فى خبط فى الجناب على المطبات او النقر
لما بتتضغط بايدك على المساعد بتسمع خبط او تزييقة
المساعد شكلة من برة علية زيت ؟
حاسس ان العربية فاطسة فى الارض ومحملة
كل الحجات دى بردة انت ممكن تبقى حاسس بيها ولو مقلق من كلام العفشجى وبتاع الزوايا روح لعفشجى تانى خالص واسالة على المساعدين
تحياتى

[mrwho1982]

بص البيض بتاع المقص دة عامل زى المفصلة اللى فى الدولاب او فى جسم الانسان حتى
دى بتبقى ماسكة المقص بجزء تانى فى العفشة يباشا مساعد او بار او ايا كان جزء فى العفشة انا معرفش بالظبط بس انا قلت اوضحلك عن قريب
وبصراحة موضوع كبسة دة اى كلام فى اى كلام متحاولش حيكبسة ممكن يفرط منة ويقولك هات جديد بردة
من الاخر اى حاجة فى العفشة هاتها جديد متستخسرش لان الاستيراد منها كمان بيبقى بايظ ومهلوك
بص موضوع المساعدين دول انت بردة لازم تكون بتحس بيهم يعنى المساعدين فى جنب اعلى من التانى مثلا فى خبط فى الجناب على المطبات او النقر
لما بتتضغط بايدك على المساعد بتسمع خبط او تزييقة
المساعد شكلة من برة علية زيت ؟
حاسس ان العربية فاطسة فى الارض ومحملة
كل الحجات دى بردة انت ممكن تبقى حاسس بيها ولو مقلق من كلام العفشجى وبتاع الزوايا روح لعفشجى تانى خالص واسالة على المساعدين
تحياتى

شكرا لمرورك الكريم وبكرة ان شاء الله هاروح لعفشجي تاني

[mrwho1982]

اعمل ايه دلوقتي افيدوني افادكم الله

العفشجي والميكانيكي بيقولو المساعد مافيهوش حاجة

وبتاع الزوايا ببيقولي المساعد مافيهوش حاجة

بس انا حاسس ان المساعد مش ولا بد

اروح لمين

[mrwho1982]

مش معقول يعني 120 مشاهدة ورد واحد

طيب خلاص مش عايز حاجة

[alarabiya11]

على 120 السيارة عامله ايه

[mrwho1982]

ماشيه تمام مافيش غير رجة بسيطة من 90 ال 100 ود حوار ترصيص لكن لسة امبارح جايب ال130