التأمين على الساجا

[marroo]

كل سنة أونتوا طيبين يا جماعة أحنا دخلنا فى نص رمضان اهوه أتمنى اللى مكنش بيصلى التراويح يبتدى يدخل فى المود بتاعها علشان خلاص الشهر الكريم قرب يخلص
أنا سؤالى أنى عاوز أعمل تأمين على العربية ضد الحوادث فى حتة كويسة بس ميكونوش بتاخدوا كتير وفى نفس الوقت يكون عرضهم كويس ياريت لو حد عنده فكرة يقولى على العروض اللى عنده
وشكرا

[hatem_hkf]

التأمين تبع التوكيل احسن حاجة

[marroo]

التأمين تبع التوكيل احسن حاجة

طيب عندك فكرة هوا فى التوكيل بكام وطريقة الدفع أزاى

[spiderloking]

انا االتأمين بتاعي تبع مصر التأمين اصل انا شاري العربيه من المصرية بس مش عارف والله ان كان كويس ولا لأ بس في ناس كتير بتقولي كويس جدا انا بدفع تقريبا التأمين سنوي و كل سنه بيقل

[Dr.Islam]

قناة السويس ممتازة,,, 3.8% بدون نسبة تحمل و في تجديد التأمين لو مصلحتش العربية - ان شاء الله - هيخفضلك النسبة.

[marroo]

قناة السويس ممتازة,,, 3.8% بدون نسبة تحمل و في تجديد التأمين لو مصلحتش العربية - ان شاء الله - هيخفضلك النسبة.

يعنى أيه من غير نسبة تحمل أنا أصلى جديد فى موضوع التأمين ده وياترى هما بيردوا الفلوس بسرعة ولا بيناموا فى الخط وشكرا للأفادة يا دكتور

[Dr.Islam]

يعنى أيه من غير نسبة تحمل أنا أصلى جديد فى موضوع التأمين ده وياترى هما بيردوا الفلوس بسرعة ولا بيناموا فى الخط وشكرا للأفادة يا دكتور

يعني لا قدر الله لو حصل حاجة شركة التأمين هتصلح على حسابها كلياً, لأن فيه نظام تأمين لما يحصل حاجة بتدفع نسبة من الأصلاحات.,,, الشكر لله و تحت امرك في اى استفسار.

[amohsen]

هو التأمين عليه إجماع انه حرام لأنه يعتبر ميسر ..
أنا رأيي تعيد تفكير في الموضوع ده وبلاش تأمّن وتوكل على الله


يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ [المائدة : 90]

تقبل مروري ....

[Mohtofy]

هو التأمين عليه إجماع انه حرام لأنه يعتبر ميسر ..
أنا رأيي تعيد تفكير في الموضوع ده وبلاش تأمّن وتوكل على الله


يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ [المائدة : 90]

تقبل مروري ....

+ 1000000000000000000000000000

[mo7hamedemad]

هو التأمين عليه إجماع انه حرام لأنه يعتبر ميسر ..
أنا رأيي تعيد تفكير في الموضوع ده وبلاش تأمّن وتوكل على الله


يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ [المائدة : 90]

تقبل مروري ....

+11111111111
انا مع الراى دة عشان كدة مامنتش على عربيتى وسيبها ع الله فهو خير حافظ وهو ارحم الراحمين

انت بس كفاية تقول سيبتها فى حفظك وامنك ورعايتك يارب

[A.Saad]

فيه تامين تكافلى بيكون مطابق لاحكام الشريعة
لكن مشكلته انه لسه مطبق جديد فى مصر
يعنى شركاته لسه قليلة