الطنابير اللى حيلتى باااااااااااااااظت

[toreador]

رمضان كريم ةكل سنة وحضراتكو طيبيين
اسف لو هاطول عليكو بس خبرتى الضعيفة قدام خبرتكم هى اللى بتخلينى اعمل موضوع استشيركم فية
هو الحكاية انة عربيتى من سنة كانت بتحدف يمين وظبط زواياها وبقيت بتحدف شمال بس قالولى فى بريدج ستون انها محتاجة زرجينة بس مش مهمة ومش هاتعمل حاجة فى الكاوتش واتكل على الله....
من شهر العربية ابتدت تحدف شمال اوى فروحت تانى بريدج ستون وقالو نفس الحوار وقالولى كمان انة تيل العربية والطنابير مش تمامزز
روحت التوكيل امبارح وقوتلهم اكشفولى على الحاجت دى وكان الرد
الطنابير اللى قدام عايزة تتغير ومش هاينفع تتخرط لان سمكها من هاينفع وسعر الطنبورة الواحدة 750 من غير الضرايب والمصنعيات
التيل عايز يتغير مع انة من 20 يوم كنت عندهم وقالولى سليم
العربية عايزة طقم جنوط لانة الاتنين اللى قدام ضايعيين مع انى مغيرهم من 18 الف كيلو بس
اعمل اية
اغير الطنابير ولا امشى بيها كدة واغير الجنوط طب وهى لية باظت بسرعة

---------------
برجاء الحذر عند كتابه لفظ الجلاله , تم تعديل الخطأ
مشرف القسم ب8
04:32am 30/8/2010

[ahmad alshaaer]

اللي بيبوظ الطنابير انك بتكون ماشي بالعربيه وسخنه جدا وتنزل مثلا في مياه على الطريق
او نوع التيل اللي راكب كان وحش
او اللعب الكتير بالعربيه - الخمسات او الامريكاني -
او البلاعات والنقر والحفر الجامده دي كمان لها دخل في خراب الطنابير والجنوط تحديدا


انا بنصحك ان الطنابير لو مش عامله معاك قلق سيبها

ولكن لو مبهدله العلربيه غيرها والجنوط كمان والتيل خليك في النوع اللي في التوكيل ابو 250 جنيه كويس مش وحش

ولكن هات الطنابير اصلي نصيحه مني

[toreador]

طيب مبدئيا الف شكر على الرد
الطنابير مش عاملة معايا اى فرق فعلا انا مشتكتش من حاجة ولا غربلة مع الفرامل ولا اى حاجة
وانا لا بعمل خمسات ولا امريكانى ولا اى كلام من دة انا من اول ما جبتها وحكاية المية السخنة مفتكرش حصلت يعنى
اما النقر والمطبات فهى دى ممكن بس زى زى اى عربية فى مصر المطبات بتاعتنا دى مش حاجات جامدة يعنى
والتيل اللى راكب دة الاصلى غيرتة فى التوكيل من زمان ومعملش معايا كتير اوى يعنى حوالى 20 الف او اقل شوية وانا كنت هاشترى الاف بى كى بس لما عرفت حوار الطنابير دة قلت استنى

[أبومعاذ]

عربية حضرتك موديل كام وماشية قد ايه؟

[toreador]

موديل 2007 وعاملة 68 الف وانا كنت مغير طقم الكاوتشات عند 50 الف

[م.محمد مختار]

ماهو لازم يكون ي سبب لبوظان الطنابير...!!

مش ممكن كدة مرة واحدة بدون سبب !!

-

[toreador]

انا عربيتى دى لشغلى وخروجاتى البسيطة بس ..صحيح بمشى بيها كتير اوى بس لا خمسات ولا امريكانى ولا سرعة يعنى السواقة العادية ...وفى التوكيل المهندس قاللى انك بتمشى بسرعة وتمسك فرامل فجأة وهو دة اللى بوظ الطنابير ..وكل لما اقولة صدقنى انا سواقتى هادية خالص والفرامل اللى مرة واحدة بتحصل بس لما يبقى فى داعى زى واحد فرمل قدامى فجأة او كدة ...بردو يبصلى ويقولى انة السبب هو انك بتفرمل فجأة طب يعنى انا حتى لو غيرتها ماهى سواقتى هى هى مش اهتتغير يبقى بردو الطنابير الجديدة بالسلامة بعد شوية

[kareem_aljamal]

انا عربيتى دى لشغلى وخروجاتى البسيطة بس ..صحيح بمشى بيها كتير اوى بس لا خمسات ولا امريكانى ولا سرعة يعنى السواقة العادية ...وفى التوكيل المهندس قاللى انك بتمشى بسرعة وتمسك فرامل فجأة وهو دة اللى بوظ الطنابير ..وكل لما اقولة صدقنى انا سواقتى هادية خالص والفرامل اللى مرة واحدة بتحصل بس لما يبقى فى داعى زى واحد فرمل قدامى فجأة او كدة ...بردو يبصلى ويقولى انة السبب هو انك بتفرمل فجأة طب يعنى انا حتى لو غيرتها ماهى سواقتى هى هى مش اهتتغير يبقى بردو الطنابير الجديدة بالسلامة بعد شوية

كلام فارغ مهو كل العربيات بيحصل فيها كده فرامل مفاجئة لظروف الطريق ايه الاستخفاف ده
على اعتبار ان الناس متخلفة و اول مرة تركب عربيات ؟؟؟

[toreador]

كلام فارغ مهو كل العربيات بيحصل فيها كده فرامل مفاجئة لظروف الطريق ايه الاستخفاف ده
على اعتبار ان الناس متخلفة و اول مرة تركب عربيات ؟؟؟

ماهو دة اللى كنت عايز اقولهولو بس قلت يبنى اسكت وكبر دماغك
انا بقالى 4 ايام راكن العربية والله قرفان ادخلها ومش طايق ابص عليها وكل لما اسمع اسم بروتون احس ان قلبى انقبض مش عشان بروتون بالذات بس من كتر اللى بيحصل فى العربية دى وادينى مقضيها مواصلات لغاية ما يتفتح نفسى ليها تانى



---------------
برجاء الحذر عند كتابه لفظ الجلاله -الله- , تم تعديل الخطأ
مشرف القسم ب8
04:32am 30/8/2010

[mohamed2002]

ماهو دة اللى كنت عايز اقولهولو بس قلت يبنى اسكت وكبر دماغك
انا بقالى 4 ايام راكن العربية واللة قرفان ادخلها ومش طايق ابص عليها وكل لما اسمع اسم بروتون احس ان قلبى انقبض مش عشان بروتون بالذات بس من كتر اللى بيحصل فى العربية دى وادينى مقضيها مواصلات لغاية ما يتفتح نفسى ليها تانى

باشا عربية قريبي جين تو برضه وكان فيها مشكلة انها بتسخن والمؤشر بيوصل للنص راح التوكيل والمهندس عمل قصة كبيرة وحتحاج تخرط وش وتغير ريداتير وطرمبة مياه وفي الاخر ميكانيكي عادي ظبطها له فشوف حد برة

[toreador]

باشا عربية قريبي جين تو برضه وكان فيها مشكلة انها بتسخن والمؤشر بيوصل للنص راح التوكيل والمهندس عمل قصة كبيرة وحتحاج تخرط وش وتغير ريداتير وطرمبة مياه وفي الاخر ميكانيكي عادي ظبطها له فشوف حد برة

ماهو انا قبل ما اروح التوكيل كنت بظبط زوايا فى بريدج ستون وهما اللى قالولى حوار الكاوتشات اللى عاوزة تتغير وقالولى الطنابير محتاجة تتخرط فانا قلت اكيد هما غلطانين والتوكيل هايقول كلام تانى ...وهناك قالولى الطنابير سمكها ميسمحش يتخرط ولازم تتغير وكمان طقم الجنوط الاربعة يتغير وكل لما اقولهمو ازاى الطنابير دى حصل فيها كدة والتيل سليم وكلة زى الفل يتحجج بانى بسوق بسرعة وبمسك فرامل فجأة وكمان بقولة طب غير التيل قاللى لا الطنابير مع التيل لانة لما تغير التيل هايطبع على الطنابير اللى موجودة وانت كدة كدة هاتغيرها فهتحتاج تيل تانى لما تغيرها ..قلتلة قفل الاوردر بتاعك يا بشمهندش وادينى المخروبة بتاعتى

[ahmad alshaaer]

طيب انت ليه بأه عاوز تغير طنابير طالما مش عامله معاك اي ريجه وانت ماشي

لو بتحدف مع الفرامل ممكن يكون حاجه تانيه زي بستم الفرامل الامامي او الخلفي مثلا

تحياتي

[alarabiya11]

ياسيدى السيارة الان بره الضمان بص تغير الطنابير مش محتاج يتعمل فى التوكيل ومش المهم باظت ليه 68الف كيلو مش قليل

كل شىء ليه عمر كا عمرنا

ثانيا : اعتقد من تجربتى ان الطنابير بتسبب رعشة جمده فى الدريكسيون على السرعات الواطيه وبعد متعمل ترصيص برده
والميكانيكى بيمشى بيده عليها

انزل شارع دمشق وشوف المعروض طنابير الجين بكام خير ان شاء الله

[toreador]

واللة هى مش عاملة معايا اى حاجة وهو دة اللى ضايقنى لية المهندس مصم انها تتغير وانة حتى كمان متتخرطش لانها نازلة او ضعيفة اوى وانا قلتلة انها مش عاملالى حاجة بس هو قاللى انها ممكن تكسر منى مع اى فرملة جامدة

عموما انا لسة راجع من عند واحد دلوقتى وبص عليهم وقاللى انها سليمة خالص ومش محتاجة تتغير اصلا وانة كلام التوكيل كلام فاضى ومفيش اى خوف منها وقاللى الحدفة اللى مش بتروح دى هاتتعالج لو جبت كاوتشين بس ركبتهم قدام والزرجينة مش هاتخليهم يتاكلو بسرعة وانا هاعمل كدة ان شاء اللة

[alarabiya11]

[QUOTE=toreador;3872987133]واللة هى مش عاملة معايا اى حاجة وهو دة اللى ضايقنى لية المهندس مصم انها تتغير وانة حتى كمان متتخرطش لانها نازلة او ضعيفة اوى وانا قلتلة انها مش عاملالى حاجة بس هو قاللى انها ممكن تكسر منى مع اى فرملة جامدة

عموما انا لسة راجع من عند واحد دلوقتى وبص عليهم وقاللى انها سليمة خالص ومش محتاجة تتغير اصلا وانة كلام التوكيل كلام فاضى ومفيش اى خوف منها وقاللى الحدفة اللى مش بتروح دى هاتتعالج لو جبت كاوتشين بس ركبتهم قدام والزرجينة مش هاتخليهم يتاكلو بسرعة وانا هاعمل كدة ان شاء اللة[/QUOTE

طيب غير القرد الكوتش الشمال مكان اليمين

وقولى الحدفه راحت فين