حادثة

[msafa]

الف حمد الله على السلامة، انا فعلا لسة شايف الموضوع دلوقتي

حاجات الويرا ممكن تجيبها من الشرقاوي جسر السويس انا جبت من عندي حاجة اسمها جلب عفشة خلفي مش عارف هل هي جلب المقصات ولا لأ
الراجل أروبة بص على العربية عرف قطع غيارها

وان شاء الله ترجع احسن من الاول

[msafa]

كان في موضوع كتبته عن اصلاحات في الويرا و فيها جزء عن العفشة مممكن تبص عليه في الللينك ده

http://www.nilemotors.net/Nile/153219-a.html

[mrwho1982]

هو انت كنت بتجري وكابس؟؟

لا وحياتك اللي ورايا هو اللي كان كابس

[mrwho1982]

الف حمد الله على السلامة، انا فعلا لسة شايف الموضوع دلوقتي

حاجات الويرا ممكن تجيبها من الشرقاوي جسر السويس انا جبت من عندي حاجة اسمها جلب عفشة خلفي مش عارف هل هي جلب المقصات ولا لأ
الراجل أروبة بص على العربية عرف قطع غيارها

وان شاء الله ترجع احسن من الاول

شكرا لذوقك بس ممكن تجيب لي عنوان الراجل بالضبط علشان انا نازل جسر السويس يوم اليبت

وشكراا مرة اخري

[msafa]

مكانة بالضبط مش عارف هو في جسر السويس امام فندق السلام او نادي الشمس

انا هديك شرح تقريبي
انت تفضل ماشي لغاية آخر لفة قبل محطة الجراج و ترجع تاني هتلاقيه على ايديك اليمين في الحارة البطيئة


في عضو معانا اسمه ابو صلاح هتلاقي في موضوع (عاوز عفشجي محترم) بجد انسان محترم جدا ولما روحت هناك مسبنيش خالص ممكن يديك وصف احسن خصوصا انه ساكن هناك

[mrwho1982]

مكانة بالضبط مش عارف هو في جسر السويس امام فندق السلام او نادي الشمس

انا هديك شرح تقريبي
انت تفضل ماشي لغاية آخر لفة قبل محطة الجراج و ترجع تاني هتلاقيه على ايديك اليمين في الحارة البطيئة


في عضو معانا اسمه ابو صلاح هتلاقي في موضوع (عاوز عفشجي محترم) بجد انسان محترم جدا ولما روحت هناك مسبنيش خالص ممكن يديك وصف احسن خصوصا انه ساكن هناك

تسلم ايدك وشكرا للك

[ahmed_h_g]

ياريت تبلغنا الأخبار أول بأول .

[mrwho1982]

روحت صلحت الاكصدام عند حواجب واخد 130جنية

وسمكرة ورد الخبطة وعمل لحام للشرخ بدون رش لانهو قاللي مش محتاجة رش اخد 400

روحت امبارح كشفت عالزوايا عند عمرو بدوي اللي في السابع قاللي لا مافيش حاجة اتاثرت والعفشة عندك كويسة بس غير المقص الامامي يمين

وقاللي ماتغيرش جلب هات مقص كامل احسن

وقاللي غير الكاوتش اللي قدام

كنت محتاج اعرف لو حد عمل مشمع في ارضية العربية يعمل كام وفين
لان ابني موعود ان هو يبهدلي العربية

[venomixus]

مبروك على التصليح يا باشا. أنا معرفش المشمع منين بس يمكن تلاقي في التوفيقية. هو عمرو بدوي فين في السابع؟ أنا لسه مربط عفشه امبارح في محطة التعاون اللي في الدقيجنب ميدان الجلاء .. شغلهم أوي

[K3A]

قدر الله و ماشاء فعل ....

ولا تشيل هم انا برضه اتخبيط كده ورحت اعمل محضر عشان التأمين وكده ووكيل النيابة كان زوق جدا وقالي 3 حاجات احب اقولها لكل واحد عنده حادثة

1- الحمد لله انك طلعت منها سليم معافى.

2- الحمد لله انك مخبطش حد سواء بني آدم او عربية.

3- الحمد لله ان الطرف الاخر هوه كمان سليم و الا كان الموضوع يكبر عن كده.

بعد كده أى حاجة تهون و الله العظيم

ربنا يحفظك في طريقك و يحفظ الجميع

رمضان كريم

[mrwho1982]

قدر الله و ماشاء فعل ....

ولا تشيل هم انا برضه اتخبيط كده ورحت اعمل محضر عشان التأمين وكده ووكيل النيابة كان زوق جدا وقالي 3 حاجات احب اقولها لكل واحد عنده حادثة

1- الحمد لله انك طلعت منها سليم معافى.

2- الحمد لله انك مخبطش حد سواء بني آدم او عربية.

3- الحمد لله ان الطرف الاخر هوه كمان سليم و الا كان الموضوع يكبر عن كده.

بعد كده أى حاجة تهون و الله العظيم

ربنا يحفظك في طريقك و يحفظ الجميع

رمضان كريم

شكرا لك

[mrwho1982]

مبروك على التصليح يا باشا. أنا معرفش المشمع منين بس يمكن تلاقي في التوفيقية. هو عمرو بدوي فين في السابع؟ أنا لسه مربط عفشه امبارح في محطة التعاون اللي في الدقيجنب ميدان الجلاء .. شغلهم أوي

هاتخش يمين من جنب ابو رامي اللي في السابع هتاخد اول مطب ثاني مطب هتلاقي علي يمينك جامع كبير

هاتمسك اليمين وتلاقي الشارع بدأ ينزل معاك وهاتمسك اليمين واسال اي حد هايقوللك اهو

وبالسلامة ياجنتل

[mrwho1982]

روحت النهاردة غيرت التيل الخلفي عند واحد اسمو البليسي في الحي العاشر

قاللي مش هاينفع املي التيل لاني مشيت عليه كتير وهو خلصان

وجبت تيل جديد من عندو ب 85 جنية

واخدت القديم مارضتش اسيبهولو هو انا كده صح ولا اضحك عليه

[wisambasha]

روحت صلحت الاكصدام عند حواجب واخد 130جنية

وسمكرة ورد الخبطة وعمل لحام للشرخ بدون رش لانهو قاللي مش محتاجة رش اخد 400

روحت امبارح كشفت عالزوايا عند عمرو بدوي اللي في السابع قاللي لا مافيش حاجة اتاثرت والعفشة عندك كويسة بس غير المقص الامامي يمين

وقاللي ماتغيرش جلب هات مقص كامل احسن

وقاللي غير الكاوتش اللي قدام

كنت محتاج اعرف لو حد عمل مشمع في ارضية العربية يعمل كام وفين
لان ابني موعود ان هو يبهدلي العربية

مبروك على الاصلاح والحمد لله
بالنسبة للمشمع انا عامله عتد واحد سروجي اصلييييييييييي ب 250 جنيه للعربية كلها شاملة الشنطة وخد بالك ان فية منه خامة تقيلة وخامة خفيفة
انا مركب التقيلة

وهو مكانه في ش منصور في لاظوغلي عند وزارة الداخلية وبالقرب من (سبير كار) لو تسمع عنه

اي استفسار انا في الخدمة

[ahmed_h_g]

وبيتعمل عند سبير كار
فيه واحد فى عين شمس شغله ممتاذ عملت عنده مازدا 3 وفيات أونو شغله ممتاذ