مشكلة فى تقسيط سيارة مع البنك -جين2

[ahmedmokhtar]

بسم الله الرحمن الرحيم

# دلوقتى انا حجزت جين 2 سبورت باكدج 2007 بــ 84000 الف المهم اتصل بيا مندوب البنك اللى هقسط معاه المبلغ الباقى وهو 24 الف بعد مادفع 61700 مقدم (تم دفع 2000 مقدم منه كحجز
وبيقولى الفايدة 9 % معئنى كنت متفق على فايدة 8.5% فى السنة مع المعرض والمهم بيقولى كمان 1 % مصاريف ادارية واللى مخلينى شاكك ان اللى اتصل بيأكد البيانات مش اكتر لان البنك هيتصل الصبح يأخد البيانات دى رسمى وبعدها اروح اوقع

انا مشكلتى دلوقتى

-هل الفايدة فعلا زادت وبقت 9% مع بنك عودة او باقى البنوك والكلام ده بتاريخ 4-3-2008
- هل فى فعلا 1% مصاريف ادارية
- هل فى فعلا مندوب من البنك بيتصل بيك بيأكد على البيانات اللى هتقولها فى اتصال البنك الرسمى
- هل اوافق على الصفقة وامشى امورى معئنى كنت متفق على 8 ونص وقسط 1160 شهريا لمدة سنتين اصبحت على الان 1180 + المصاريف الادارية
- هل الفايدة دى مش بتبقى تناقصية اول سنة كبيرة والتانية المفروض تقل ولا هى المفروض تبقى ثابتة فى السنتين

ارجووووو الافادة والرد لمن قسط خصوصا الفترة دى

[tutankhamoun]

أستاذ أحمد مختار
تحية طيبة
بس لي عتاب عند حضرتك
عنوان الموضوع غير متوافق نهائيا مع محتوى الموضوع
يعني أنا دخلت و كنت فاكر هلاقي عضو شارح مشكلة في الجين 2
عندي مشكلة مع البنك في شراء الجين 2 ... و ليس عندي مشكلة في الجين 2
أرجوا أن تتقبل كلامي لأن أنا فعلا دخلت على أساس أني أقرأ مشكلة عن السيارة ذاتها

بالنسبة لموضوع حضرتك و المشكلة مع البنك
خاي باللك أنت بتقول أنك أتفقت مع بتوع المعرض
و بتوع المعارض ساعات بيقولوا أي كلام علشان يدبسوا الزبون في أنه يشتري و السلام و للآسف هي دي الطريقة في مصر .
ممكن حضرتك تأجل الشراء و تدور على بنك تاني و تتأكد
لأن البنوك مش كلها زي بعض
و بعدين المصاريف الإدارية دي مع أي بنك
بس هما تلاقي بتوع المعرض لم يذكروا الموضوع لجر رجلك
و تلاقيهم يحسسوك إن الحياة وردية
و أنا في رأيي كبر دماغك بما إن الفرق مش كبير قوي و زي ما قلت لحضرتك إن المصاريف الإدارية دي هاتكون مع أي بنك أخر
و شكرا

[amir_ezzat]

احمد باشا مختار
اولا الف مبروك على العربية وان شاء الله تكون خير عليك
احمد الفرق فى الفايدة مش كبير قوى بس لو عايز راى فى بنك ابو ظبى بياخذ 7% كمان سريع قوى فى الاستعلام مش هياخذ وقت تانى يوم بالكتير
اما موضوع المصاريف الادارية فهى بتحسب على اساس 1% من الباقى بعد دفع المقدم
ومعلش كان ليا سؤال انا بقالى شهر بدور على جين 2 ومش لاقى ممكن تقولى انتفين لاقيت السعر ده عند انهو معرض انا عايز اشتريها كاش

[cpt_shawky]

بسم الله الرحمن الرحيم

# دلوقتى انا حجزت جين 2 سبورت باكدج 2007 بــ 84000 الف المهم اتصل بيا مندوب البنك اللى هقسط معاه المبلغ الباقى وهو 24 الف بعد مادفع 61700 مقدم (تم دفع 2000 مقدم منه كحجز
وبيقولى الفايدة 9 % معئنى كنت متفق على فايدة 8.5% فى السنة مع المعرض والمهم بيقولى كمان 1 % مصاريف ادارية واللى مخلينى شاكك ان اللى اتصل بيأكد البيانات مش اكتر لان البنك هيتصل الصبح يأخد البيانات دى رسمى وبعدها اروح اوقع

انا مشكلتى دلوقتى

-هل الفايدة فعلا زادت وبقت 9% مع بنك عودة او باقى البنوك والكلام ده بتاريخ 4-3-2008
- هل فى فعلا 1% مصاريف ادارية
- هل فى فعلا مندوب من البنك بيتصل بيك بيأكد على البيانات اللى هتقولها فى اتصال البنك الرسمى
- هل اوافق على الصفقة وامشى امورى معئنى كنت متفق على 8 ونص وقسط 1160 شهريا لمدة سنتين اصبحت على الان 1180 + المصاريف الادارية
- هل الفايدة دى مش بتبقى تناقصية اول سنة كبيرة والتانية المفروض تقل ولا هى المفروض تبقى ثابتة فى السنتين

ارجووووو الافادة والرد لمن قسط خصوصا الفترة دى

كلام غير سليم بالمرة ولا توجد مصاريف ادارية وفعلا الفائدة 9% ولكن عليك مكالمة بنك عودة مباشرة على رقم 16555 وتحدث معاهم لتعرف كل شئ بالتفصيل

[Ghamrawy]

طارق اسماعيل فى الاسكندرية بيتعامل مع بنك باركليز ب 7% سنويا و طبعا فى مصاريف ادارية