عايز أشتري ساجا وخايف ... أرجوكم أفيدوني

[yahya2981]

السلام عليكم
أنا كنت عايز أشتري ساجا أوتوماتيك وعاجباني جدا جدا لكن لما دخلت نايل موتورز لقيت ناس كتير قوي بتشتكي من عز العرب فأرجوكم يا جماعة عايز نصيحة لوجه الله أشتري ولا أشوف حاجة تانية ؟ أنا بجد محتار جدا .. العربية عاجباني قوي لكن الناس قلقوني من التوكيل ومن قطع الغيار

[ykdl]

توكل على الله والحقها قبل ما تغلى تانى بعد رمضان
انا جبتها من 20 يوم مانيول عربية جميلة جدا ومش شايف فيها عيوب واحسن من عربيات كتير فى سعرها واغلى منها كمان
وصلى استخارة وربنا يوفقك للى فيه الخير
وربنا يديك خيرها ويكفيك شرها

[midosalah]

اولا دى وجهة نظرى الشخصية
من قرايتى فى المنتدى لاقيت ان اغلب التوكيلات فى مصر سيئة وكل توكيل فى تجارب كويسة وتجارب وحشة من رأى لو العربية عجباك توكل على الله وصلى استخارة وان جبتها ان شاء الله مش هتندم ابدا
والله الموفق أخوك محمد صلاح

[sayed911]

انا ها اقول لحضرتك على حاجة عشان النصيحة لوجه الله شوف يا اخي مهما كان عز العرب سئ إلا انو بيحل الوضع في الآخر يعني عيوبه في سعره لكن عمرك ما ها تاخذ عربية معيوبة من عنده وده عن ثقة في اسم التوكيل لأنو معاه توكيلين تانين من اكبر الشركات في مصر !! كامان الساجا بصراحة انا لسة مستلمتش ولكن انا واثق وان شاء الله العربية دي ها تكون الحصان الأسود في الفئة السعرية دي ان شاء الله وركز وخذ بالك العربية كاملة والكمال لله وحده يعني مش ها تعمل فيها اي حاجة ان شاء الله +افتكر انك بتشترى من عربية ماليزية مش صيني ولا هندي في الآخر !!!!!!!!!! وركز على ابسط حاجة العربية نازلة من اواخر 2009 واول ما ظهر فيها عيوب في علبة الدركسيون اظن شايف الإخوة في المنتدى كلهم وضحولك انو العربية كل اللي راح اتغيرتلوا العلبة بالنوع الجديد ولكن كانت المشكلة في انو مفيش سيولة في العلبة في الصيانة ولكن كانت فكرة الإقرار بأهمية التغيير هيا الفكرة الأهم في الموضوع وفي النهاية الله الموفق لكل شئ واستخير ربنا لأنو لو انتا حابب العربية ها تبقى مقتنع انها في نظرك احلى من المرسيدس كمان هههه

[afr80]

السلام عليكم ورحمة الله وبركاته، طبعا اول حاجة صلي استخاره و بعد كدا توكل على الله، العربية دي ممتازه بمعنى الكلمة، و أكتر صفقة ناجحة عملتها فى حياتي، هي معيا من من شهر 3، مش هكلمك عن كمليتها علشان انت اكيد عرفها، بس العربية دي احسن واحده فى الفئة السعرية دي، و عمرك ما هتحس انك راكب عربية 1300، و هتحس انك عاوز تفضل سايق العربية على طول و انك عاوز تخترع اي سفرية علشان تطلع بيها، مش عاوز اقولك سواقتها ممتعة قد ايه، والعربية ثابتة على السرعات العالية و جراية، وبالنسبة للمشاكل، مش كل الناس طلعلها مشاكل فى العربية، يعني كام واحد اشكى من مشكلة علبة الدركسيو مثلا بالنسبة للناس اللي اشترتها، و بالنسبة للتوكيل هو مش وحش و مش واو، و معتقدش ان باقى التوكيلات هتفرك كتير كلهم بيطلعو منك فلوس، و الفرق الاعلانات طبعا زي اللي منصور عملها.

و قطع الغيار مش مشكلة لأن الجن 2 قطع غيارها مغرق الدنيا دلوقت، و بالنسبة للساجا انت مش حتحتاج تغير حاجة فيها دلوقت، انا واحد صحبي معاه الجن 2 2006 اشتراها ايام مكان محدش يعرف عنها حاجة، و كنا بنقله انت اكيد مجنون،و قطع غيلرها مكتش موجوده و التوكيل كان مستواه اقل من كدا بكتير، و شوف دلوقتي الجن موجوده فى الشوارع زيها زي اي عربية تانية.

الساجا واحده واحدة هاتنتشر و هتغرق الدنيا، هي برده احسن عربية فى الفئة السعرية حتى بعد الغلو الاخير فى الاسعار.
و قطع الغيار هتتوفر مع انشار العربية، وهي مش صيني و لا هندي، و فيها وسائل امان بجد، و اللي هتدفعو فيها هتلاقى و اكتر شويتين.

الحمد لله اللي هداني للعربية دي، وبالتوفق اشاء الله، وربنا يقدم لك اللي فيه الخير

[bmwosama]

السلام عليكم ورحمة الله وبركاته، طبعا اول حاجة صلي استخاره و بعد كدا توكل على الله، العربية دي ممتازه بمعنى الكلمة، و أكتر صفقة ناجحة عملتها فى حياتي، هي معيا من من شهر 3، مش هكلمك عن كمليتها علشان انت اكيد عرفها، بس العربية دي احسن واحده فى الفئة السعرية دي، و عمرك ما هتحس انك راكب عربية 1300، و هتحس انك عاوز تفضل سايق العربية على طول و انك عاوز تخترع اي سفرية علشان تطلع بيها، مش عاوز اقولك سواقتها ممتعة قد ايه، والعربية ثابتة على السرعات العالية و جراية، وبالنسبة للمشاكل، مش كل الناس طلعلها مشاكل فى العربية، يعني كام واحد اشكى من مشكلة علبة الدركسيو مثلا بالنسبة للناس اللي اشترتها، و بالنسبة للتوكيل هو مش وحش و مش واو، و معتقدش ان باقى التوكيلات هتفرك كتير كلهم بيطلعو منك فلوس، و الفرق الاعلانات طبعا زي اللي منصور عملها.

و قطع الغيار مش مشكلة لأن الجن 2 قطع غيارها مغرق الدنيا دلوقت، و بالنسبة للساجا انت مش حتحتاج تغير حاجة فيها دلوقت، انا واحد صحبي معاه الجن 2 2006 اشتراها ايام مكان محدش يعرف عنها حاجة، و كنا بنقله انت اكيد مجنون،و قطع غيلرها مكتش موجوده و التوكيل كان مستواه اقل من كدا بكتير، و شوف دلوقتي الجن موجوده فى الشوارع زيها زي اي عربية تانية.

الساجا واحده واحدة هاتنتشر و هتغرق الدنيا، هي برده احسن عربية فى الفئة السعرية حتى بعد الغلو الاخير فى الاسعار.
و قطع الغيار هتتوفر مع انشار العربية، وهي مش صيني و لا هندي، و فيها وسائل امان بجد، و اللي هتدفعو فيها هتلاقى و اكتر شويتين.

الحمد لله اللي هداني للعربية دي، وبالتوفق اشاء الله، وربنا يقدم لك اللي فيه الخير

+11111

الف مبروك وربنا يعطيك خيرها ويكفيك شرها
وعقبالي ان شاء الله

[yahya2981]

أنا متشكر يا جماعة على ردودكم.. أنا عارف ان العربية جميلة جدا وتستاهل أكتر من سعرها وأنا مش بقارنها بالفئة السعرية بتاعتها لأن منافسيها في الأسعار عربيات تعبانة قويذ أنا بقارنها بالفئة السعرية الأعلى زي الأكسنت والأفيو .. أنا عارف ان معظم التوكيلات سيئة لكن الفكرة في انتشار قطع الغيار .. على العموم أنا حتوكل على الله وحشتريها

[mo7hamedemad]

الف مبروووووووووك

[yasserayad]

مبروك مقدما.....ربنا يسعدك بيها ويعطيك خيرها ويبعد شرها عنك.....وانا ان شاء الله حاحصلك قبل ماتغلى...ادعيلى

[ditotti]

انا بردو عندي نفس المشكلة ... بس من كتر ما شفت ناس بتشكر فيها ولما رحت شفت العربية ما شاء اللة حلوة ,و ربنا يسهل و احجزها ان شاء الله .. ربنا يكرمك فيها ان شاء الله

[amr1973]

خير ما اخترت و ربنا و فقك للخير ان شاء الله و اهلا بيكوا اعضاء جدد فى العائلة و نشوفكم كلكم فى المقابلة الجاية و بجد هاتستفيدوا جدا

[ehabbibo]

ربنا يكرم بها إشاء الله و كمان بفكر اشترها فارجو منك تقولنا اخر سعر لها اليومين دؤل

[Mohtofy]

صلى إستخارة وتوكل على الله ولو هتشتريها عمرك ماهتندم عليها لأنها حقا" سيارة محترمة

[sleepyhammer]

مبروك مقدما
وانا معايا العربية فى اول شهر اهو والعربة الحمد لله ماشاء الله جميلة ومريحانى اوى ومش خسارة فيها فلوسها
توكل على الله وصلى استخارة وان شاء الله ربنا يوفقك للخير

[newnewegypt]

واله انا كمان نفسى اشترى العربيه دى وبردة محتار
ربنا يقدرالخير لك ولى
بس هى العربيه معروضه فين أو المعارض البتعرض البروتون فين ؟؟؟ وياريت تكون قريبه من المعادى