الاشارة الشمال شغالة دايما

[koheya]

السلام عليكم ورحمة الله وبركاته
انا ركبت زينون لعربيتى الجين2 واشتغل تمام وبعد فترة غسلت العربية من برة بس فى الجراج لقيت الاتى بعدها:
1-الاشارة الشمال شغالة على طول
2- الاشارة اليمين مش بتشتغل
3- النور العالى والرعاش شغالين طبيعى بس اللمبة الزرقاء فى التابلوة والى بتبين ان العالى شغال مش شغالة

الموضوع دة بقاله اربع ايام يعنى لو كان فى مية دخلت من اطراف الكبوت للموتور فاكيد نشفت.مش عارف المشكلة فين.

[ams_5000]

ده ممكن يكون أسلاك ملامسه، روح لكهربائي

[koheya]

السلام عليكم ورحمة الله وبركاته
انا ركبت زينون لعربيتى الجين2 واشتغل تمام وبعد فترة غسلت العربية من برة بس فى الجراج لقيت الاتى بعدها:
1-الاشارة الشمال شغالة على طول
2- الاشارة اليمين مش بتشتغل
3- النور العالى والرعاش شغالين طبيعى بس اللمبة الزرقاء فى التابلوة والى بتبين ان العالى شغال مش شغالة

الموضوع دة بقاله اربع ايام يعنى لو كان فى مية دخلت من اطراف الكبوت للموتور فاكيد نشفت.مش عارف المشكلة فين.

عايز اضيف مشكلة كمان ملهاش علاقة بمشكلة الاشارة ان صوت التكييف بقى عالى وبسمعة من جوة العربية بوضوح شديد والسحب اقل عن الاول مع تشغييل التكييف

[ramyar]

بي النسبه للاشارات
الشمال منوره علطول ولا بتنور وتطفي زي ماتكون مشغل الاشاره وبعدين طبيعي جدا ان الاشاره الشمال لما تعلق اليمين ماتشتغلش
جرب تشغل الانتظار وشوف ايه الي هيحصل
للعلم الاشاره اليمين والشمال والانتظار علي فلاشر واحد بي النسبه للانوار ممكن يكون في كتاوت معلق او مدي ارضي للمبه ياريت تحجز صيانه وتشوف هناك ايه الاخبار لان نظام الكهرباء في بروتون مش سهل ومش صعب لاكن متقن جدا ومش اي جد يشتغل فيه