إن شاء الله مقبل علي حجز بيرسونا "في حد ينصحني بحاجه"

[ams_5000]

أن شاء الله استقريت وقررت أحجز بيرسونا 2011 ميد لين بس لسه مش عارف الموديل ده هينزل امتي، أنا لسه ماقررتش هحجزها في رمضان ولا أستني بعد رمضان، كمانلسه مش عارف البيرسونا اليجانس هتنزل ولا اللي هينزل البيرسونا العاديه.
المهم إيه رأيكوا يا جماعه في العربيه دي؟

[kamalsalem]

انا مركبتهاش بس شايفها شكلها حلو وشبابيه وبصراحه بتحري

ابن خال مراتي باعها قال بتاكل بنزين بس انا مش عارف

[jisso82]

أن شاء الله استقريت وقررت أحجز بيرسونا 2011 ميد لين بس لسه مش عارف الموديل ده هينزل امتي، أنا لسه ماقررتش هحجزها في رمضان ولا أستني بعد رمضان، كمانلسه مش عارف البيرسونا اليجانس هتنزل ولا اللي هينزل البيرسونا العاديه.
المهم إيه رأيكوا يا جماعه في العربيه دي؟

العربية معايا بقالها حوالى سنة ما شاء الله عليها تحفة و بالنسبة لاستهلاك البنزين فهى استهلاكها عادى جدا بالنسبة ل1600

و أنا سامع من التوكيل إن موديل 2011 اللى هينزل الإليجانس بس أنصحك بالهاى لاين لأن فيها حاجات تستاهل أكتر بكتير من فرق الفلوس.

و دى لينكات عن برسونتى أول ما جبتها و بعد سنة استعمال و صيانة ال20000 يمكن يفيدوك:

http://www.nilemotors.net/Nile/88694-1500-1000-a.html

http://www.nilemotors.net/Nile/165441-20000.html

[ams_5000]

العربية معايا بقالها حوالى سنة ما شاء الله عليها تحفة و بالنسبة لاستهلاك البنزين فهى استهلاكها عادى جدا بالنسبة ل1600

و أنا سامع من التوكيل إن موديل 2011 اللى هينزل الإليجانس بس أنصحك بالهاى لاين لأن فيها حاجات تستاهل أكتر بكتير من فرق الفلوس.

و دى لينكات عن برسونتى أول ما جبتها و بعد سنة استعمال و صيانة ال20000 يمكن يفيدوك:

http://www.nilemotors.net/Nile/88694-1500-1000-a.html

http://www.nilemotors.net/Nile/165441-20000.html

ماشاء الله أنا قرأت الموضوعين، وشكلك ما شاء الله مرتاح في العربيه، وشجعتني أكتر، أنا زيك بالظبط عاجبني السيدان ومستغرب من اللي بيقولوا إن شكل البيرسونا من ورا مستفز، بالعكس أنا شايف إن شكل الجين 2 من ورا هو بالنسبه ليا المستفز "مع إحترامي لكل ملاك الجين 2 أنا بس قصدي علي الشكل" ودي أزواق طبعا، بس أنا أول مره أعرف إن البيرسونا بينزل منها مانيوال فيه سينسور ركنه و abs، بجد دي تبقي ممتازه أوي أنا كنت مفكرها في الأوتوماتيك بس.

أنا حاسس إن الإليجانس هاي لاين هتبقي غاليه أوي وقرأت برضو إن الميد لاين مافيهوش ABS لو عندك فكره عن سعرها يا ريت تفيدني.
وشكرا يا جميل علي إهتمامك

[ramyar]

ياريت تستني الاليجانس ونصيحه هات الهاي لاين لان فرق الفلوس بي المقارنه بي الكماليات لا يذكر

[ams_5000]

أنا معاك يا أ.رامي في إن الإليجانس فيها كماليات كتيره بس لما تبقي البيرسونا ب92 ألف وبعدين تنزل الإليجانس بتمن يعدي 100 ألف هيبقي الفرق كبير أوي عليا، يا ريت تنزل في حدود 95 ألف مثلا بس أعتقد إنها هتبقي أغلي من كده.

[ramyar]

أنا معاك يا أ.رامي في إن الإليجانس فيها كماليات كتيره بس لما تبقي البيرسونا ب92 ألف وبعدين تنزل الإليجانس بتمن يعدي 100 ألف هيبقي الفرق كبير أوي عليا، يا ريت تنزل في حدود 95 ألف مثلا بس أعتقد إنها هتبقي أغلي من كده.

حاول تكلم الاستاذ\محسن صالح وهوا يفيدك اكتر عن ميعاد نزول الاليجانس والاسعار التقريبيه بس الي انا سمعته انها هتكون اغلي 7000 كمان هتكون بموتور cps وecu معدل يعني انتا الكسبان
طيب نعالي اشتري عربيتي وانا استني الاليجانس

[ams_5000]

حاول تكلم الاستاذ\محسن صالح وهوا يفيدك اكتر عن ميعاد نزول الاليجانس والاسعار التقريبيه بس الي انا سمعته انها هتكون اغلي 7000 كمان هتكون بموتور cps وecu معدل يعني انتا الكسبان
طيب نعالي اشتري عربيتي وانا استني الاليجانس

ههههههههههههههه
عيب عليك يا باشا دا أنا أشتري الإليجانس وأديهالك هديه :)
أنا مش معايا رقم أ.محسن صالح ممكن تقولهولي لو عندك

[chap]

امتى حتنزل البيرسونا اليجانس هى حكاية بصراحة نصيحة استنى
ومش هتندم صدقنى بس شوف حتنزل امتى وبكام
لانها عجبانى بجد

[ams_5000]

امتى حتنزل البيرسونا اليجانس هى حكاية بصراحة نصيحة استنى
ومش هتندم صدقنى بس شوف حتنزل امتى وبكام
لانها عجبانى بجد

هو إيه الجديد في الإليجانس عن البيرسونا؟؟؟ هما نفس الشكل ونفس الحجم

[jisso82]

معلش إنى اتأخرت عليك فى الرد
أولا فيه مانيوال هاى لاين و أوتو هاى لاين و الفرق الوحيد اللى بينهم إن الأوتو فيها فوجات ورا و المانيوال لأ و باقى الكماليات زى ما هى و بعدين الميديوم لاين لحد اللحظة دى ما نزلش مصر أساسا لا فى الجين ولا البرسونا
أما بالنسبة للإليجانس فما تقلقش إن شاء الله مش هتعدى ال100 لأنها هتنزل مكان البرسونا الحالية أصلا و محسن صالح قال إن لحد دلوقتى متفقين إنهم ينزلوها بنفس السعر خاصة إن الفروق مش ضخمة أوى على الرغم من وضوحها بس هى أصلا غليت 4000 عشان زيادة الجمارك فتمنها الرسمى حاليا بعيد عن الخصم بتاع رمضان 96000 و نفترض كمان لأنها موديل جديد و فيه شوية كماليات زيادة زى المرايات اللى بإشارة و الاسبويلر و الكراسى الجلد و مثبت السرعة فهتزيد مثلا بتاع 2000 هتبقى إن شاء الله 98000 و ده كلام محسن صالح من غير ما تتعب نفسك و تكلمه
و ده لينك عن الإليجانس برده:

http://www.nilemotors.net/Nile/149020-a.html

و دى صورها:

http://www.nilemotors.net/Nile/141569-persona-elegance.html

[alarabiya11]

ههههههههههههههه
عيب عليك يا باشا دا أنا أشتري الإليجانس وأديهالك هديه :)
أنا مش معايا رقم أ.محسن صالح ممكن تقولهولي لو عندك

الكلمه ده متطلعش الا من شخص عايركب بروتون كلك ذوق

[Ayman_52]

البيرسونــا الاليجانس نازله خلال الفتـره القادمــه , هى مسأله وقت فقط , حاجـه تنظيميه من التوكيل ...

انما اظن انها بدات تنزل على كشوف الحجوزات فى التوكيــل

والف الف مبـــروك مقدمــا , وتستلـم على الف خير يــارب

[mido_soliman]

البيرسونــا الاليجانس نازله خلال الفتـره القادمــه , هى مسأله وقت فقط , حاجـه تنظيميه من التوكيل ...

انما اظن انها بدات تنزل على كشوف الحجوزات فى التوكيــل

والف الف مبـــروك مقدمــا , وتستلـم على الف خير يــارب

مبروووك مقدما يا احمد بية وتستلم على الف خير ان شاء الله ولو احتجت اى حاجة كلمنى يباشا
ايموووووو صحيح ؟؟؟ الاليجانس نازلة بموتور ال cps
حتبقى جامدة جدا جدا على فكرة لو نزلت بالموتور دة ويبقى غالبا جينا الجديدة حتنزل بنفس الموتور :))))

[midosalah]

البيرسونــا الاليجانس نازله خلال الفتـره القادمــه , هى مسأله وقت فقط , حاجـه تنظيميه من التوكيل ...

انما اظن انها بدات تنزل على كشوف الحجوزات فى التوكيــل

والف الف مبـــروك مقدمــا , وتستلـم على الف خير يــارب

الاسعاااار يا ايمون ؟؟؟؟