ماء ردياتير جين 2

[abdoumahros]

السلام عليكم
ممكن اعرف من الزملاء معلومات عن ماء ردياتير جين 2
1- هل هناك فرق بين اللون الاخضر او الازرق او الاحمر وايه انسبهم ل جينا
2- ايه التركيز المناسب ل جين 2 هل هوا 5% ولا 10% ؟
3- سعه الردياتير كام لتر
4- معدل تغيير ماء الردياتير كل اد ايه؟

والف شكر مقدما

[husseinodeba]

متابع باهتمام

[Tayer]

ممكن ترجع لكتالوج العربيه

[dr.hazem]

بشكل عام انا معنديش جين ولا حاجه
لكن عموما الميه الخضرا والحمرا مفيهاش فرق
التركيز ال5% كويس وال10% ممتاز
لكن متجيبش اعلى من كده لان التركيز العالي بياكل في مواسير الميه

اما عن معدل التزويد فانتا بتشيكك عليها كل فتره وتزودها في القربه لو لقيتها ناقصه

وبتتغير كل سنتين بكاملها

ولمعلومات اكتر راجع كتالوج العربيه


تحياتي

[eslam_wega]

السلام عليكم
ممكن اعرف من الزملاء معلومات عن ماء ردياتير جين 2
1- هل هناك فرق بين اللون الاخضر او الازرق او الاحمر وايه انسبهم ل جينا
الانسب لجينا اللون الاخضر لانها نزلة بالون دة من المصنع
2- ايه التركيز المناسب ل جين 2 هل هوا 5% ولا 10% ؟
عادى متقلقش من الموضوع دة ممكن 10 % او 20 %
3- سعه الردياتير كام لتر
اربعة لتر بالتمام والكمال وسعر المياة 15 ج المصرى و25 المياة السعودى والاتنين كويسين بس هاتهم من كارفور او اى بنزينة محترمة عشان تضمن انهم مش مغشوشين
4- معدل تغيير ماء الردياتير كل اد ايه؟
من 20 االى 25 الف كليو وخالى بالك لو ناوى تغير المياة بارة التوكيل
لان لو غيرتها بطريقة غلط هتلقى الحرارة وصلت للمرحلة القصوى بمجرد بس ما تدور العربية بعد التغير
والف شكر مقدما

[sniperfox]

هى الميه ليها طريقه فى تغيرها

[eslam_wega]

هى الميه ليها طريقه فى تغيرها

طبعا والافضل تغيرها فى التوكيل

[romioramy]

مايه خضرا حمرا صفرا ::: متهايئلي مافيهاش فرق خالص المهم تكون اصلي مش مخشوشة و حطين عليها لون زي المخلل :)

و بصراحة التوكيل مهم في الموضوع ده و مش هياخد منك كتير انا عاملتها في صيانة 25000 كم و كانت المايه ب 50 جنيه و خده فوقيها طبعا المصنعية بس انا مش عارفها لانها كانت داخلي معا باقي الصيانة .

و علي فكرة مياه الرادياتير فعلا ليها طريقة خاصة مش في كل العربيات و انا لسه عارف الكلام ده قريب جدا فمثلا معايا واحد زميلي في الشغل معاه بي ام 1996 و راح غايرلها المياه بتاعتها في البنزينة ففتحو الاربة و فكو الطبه من تحت و غاسلوها و قفالوها و حتو المياه اللي كان جايبها و فوجئ انه العربية عمالة تقطع و سخنت جامد جدااااا بعديها مع ان مفروض العكس تماما ده انت بتنضف ... المهم ايه اللي حصل ،،،

خدها و انا وديته مركز صيانة بي ام معتمد و كشف علي العربية و اول حاجة قالهالو : هو حضرتك غيرة المياه عند البنزينة و لا حاجة ... فكان الرد طبعا اه و هيا ايه المشكلة و قالنا ايه اللي حصل ...

البي ام بالزات لازم ليها طريقة خاصة لأن الباشا لما نزل المايه كلها دخل مكانها هوا و لما قفل كان المفروض انه بيسحب الهوا ده و بيدخل مكانه المايه بجهاز خاص بحيث انه ما كنش في هوا خالص في الرادياتير ...

معلش طولت عليك بس ده كانت تجربة حقيقية فبصراحة اي عربية جديدة اكيد لازم تروح التوكيل و بعدين انت مش هتعمل كده كل يوم - ده فين و فين فالمبلغ مش هتحس بيه .

و شكرا لكم و كل سنة و انتو كووووووووووووولكو طيبين

[eslam_wega]

مايه خضرا حمرا صفرا ::: متهايئلي مافيهاش فرق خالص المهم تكون اصلي مش مخشوشة و حطين عليها لون زي المخلل :)

و بصراحة التوكيل مهم في الموضوع ده و مش هياخد منك كتير انا عاملتها في صيانة 25000 كم و كانت المايه ب 50 جنيه و خده فوقيها طبعا المصنعية بس انا مش عارفها لانها كانت داخلي معا باقي الصيانة .

و علي فكرة مياه الرادياتير فعلا ليها طريقة خاصة مش في كل العربيات و انا لسه عارف الكلام ده قريب جدا فمثلا معايا واحد زميلي في الشغل معاه بي ام 1996 و راح غايرلها المياه بتاعتها في البنزينة ففتحو الاربة و فكو الطبه من تحت و غاسلوها و قفالوها و حتو المياه اللي كان جايبها و فوجئ انه العربية عمالة تقطع و سخنت جامد جدااااا بعديها مع ان مفروض العكس تماما ده انت بتنضف ... المهم ايه اللي حصل ،،،

خدها و انا وديته مركز صيانة بي ام معتمد و كشف علي العربية و اول حاجة قالهالو : هو حضرتك غيرة المياه عند البنزينة و لا حاجة ... فكان الرد طبعا اه و هيا ايه المشكلة و قالنا ايه اللي حصل ...

البي ام بالزات لازم ليها طريقة خاصة لأن الباشا لما نزل المايه كلها دخل مكانها هوا و لما قفل كان المفروض انه بيسحب الهوا ده و بيدخل مكانه المايه بجهاز خاص بحيث انه ما كنش في هوا خالص في الرادياتير ...

معلش طولت عليك بس ده كانت تجربة حقيقية فبصراحة اي عربية جديدة اكيد لازم تروح التوكيل و بعدين انت مش هتعمل كده كل يوم - ده فين و فين فالمبلغ مش هتحس بيه .

و شكرا لكم و كل سنة و انتو كووووووووووووولكو طيبين

بالظبط هى دى الطريقة الى كنت بقول عليها

[powerofhelll]

لازم تفرغ الهواء من القربه