استفسار عن التأمين على الساجا

[sayed911]

طيب فلنفترض حضرتك اني مثلا اشتريت سيارة بـ 100 الف جنيه وامنت عليها بـ 100 الف فعلا السهر الحقيقي لها فعلا وجه بكرة الصبح ولاسوق حصل فيه كارثة مصيبة وبقت السيارة ثمنها اكثر من 150 الف مرة واحدة طيب ماهو لو حسب القيمة السوقية للسيارة ساعتها ها اصبح انا المتربح 100% من الشركة دي بثمن السيارة الجديد ولا التعامل الجديد بيبقى عامل ازاي ؟؟؟؟ + انا حتى الآن لم امضي على البوليصة لكن هيا جاهزة بأسمي لصالح البنك اللي انا مأمن عليه بالضبط بالمبلغ اللي حضرتك عارفوا هل اطلب اني اشكك في المبلغ ده ولا يبقى الوضع ازاي ؟؟ لأني اصريت اني افهم لكن قريبي اصر على انو عمروا ما ها يضرني وانوا لما تكون الفئة الخاصة بالتأمين على السيارة عالية ها يكون سعر الصرف لقطع الغيار في السيارة اسهل وده ها يخلي انه من السهل لما آجي اطالب شركة التأمين بأي قطعة غيار مش ها يتحججوا اني آخد كاش او يجيبوا جديد لكن بالسعر العالي انا في فئة الـ 75 الف !!! لكن انا حتى هذه اللحظة مش فاهم حاجة ولكن لو على كلام حضرتك يبقى ها اخلع من الموضوع في الحال واتحجج انه وجدت شركة أخرى شروطها وعروضها تناسبني بشكل اكبر

[A.Saad]

لأني اصريت اني افهم لكن قريبي اصر على انو عمروا ما ها يضرني وانوا لما تكون الفئة الخاصة بالتأمين على السيارة عالية ها يكون سعر الصرف لقطع الغيار في السيارة اسهل وده ها يخلي انه من السهل لما آجي اطالب شركة التأمين بأي قطعة غيار مش ها يتحججوا اني آخد كاش او يجيبوا جديد

باشا اى حاجة بتتعمل فى العربية هتتعمل لو برة التوكيل او فى التوكيل بفاتورة مكتوب فيها تمن اللى اتعمل من قطع غيار ومصنعية
يبقى تعرف من قريبك ايه وجهة نظر بناء على كلامى لان جايز هو ادرى منى وفيه حاجة انا مش عارفها مع انى مستغرب
تانى حاجة
تسئل عن ايه علاقة ده بسعر قطع الغيار
وممكن اعرف
السعر الرسمى للعربية بتاعتك كام وانت شاريها بكام

[sayed911]

السعر الرسمي ليها حاليا بيصل لـ 72 الف انا جايبها بـ 70 ومكتوب في عقد التأمين انها 75 مع اني الجواب التأميني مخاطب بيه البنك بأنو سعر السيارة 75 الف وهوة نفس البنك اللي انا بقسط معاه السيارة بسعر 72 !!!!! فاهم حاجة ههه انا نفسي والله ها اتجنن

[A.Saad]

مش فاهم حاجة
السعر الرسمى 72
انت شارى ب 70
عقد التامين 75
مقسطها للبنك ب 72
طب ليه مقسط بتمن اعلى من تمن الشرا وال 2000 جنيه الفرق دول هيروحوا فين هتدفعهم للبنك ولا دول المقدم اللى انت دفعته فى الاول
بقولك ايه
كلمنى على التليفون
0143481717

[sayed911]

حاضر يا استاذ سعد لكن مفيش فرق انا بس اخطأت في الكتابة انا شاريها بـ 70 والبنك ها اقساطهالوا على انو سعر العربية 70 لكن السعر الرسمي ليها في التوكيل 72 والتأمين معاه خطاب غدا ان شاء الله ها تلاقيني بعتوا ليك لما ارجع من شركة التأمين ها ابعتهولك على الخاص برضوا ها تفهم انا اقصد ايه لأنو انا مأمن على انو السيارة اللي معايا ثمنها 75 الف بس كده ولكن ان شاء الله غدا ها ارسلك صك الوثيقة وها ابعت لحضرتك نسخة من الوثيقة...