انهارده حطيت نيتروجين لسوسو

[spiderloking]

سمعت كتير عن النيتروجين انه كويس جدا و رغم اختلافي مع الناس كتير حول هذا الموضوع و كنت علي طول اقول لأ نتيروجين ايه و بتاع ايه خليك في المضمون و خليك في الهواء العادي حبيت اجرب النيتروجين انهارده نزلت الصبح عندنا في الهرم بالتحديد شارع فاطمه رشدي في واحد في نص الشارع كدا بتاع جنوط و كاوتش و كدا ده روحتلوا و خليتوا ينفخلي الكاوتش نيتروجين طبعا بعد ما فضي الهواء كلوا اللي في العجل الاول خلصت و اديت للراجل فلوسوا اخد 20 جنيه في الاربع فرد انا شايف انو سعر كويس سألتو املاه كل قد ايه قالي اعمل تشيك عليه كل 5 الاف كيلوا او لو حسيت ان في عجله ناقصه ولا حاجه قولت اطلع بقي اجرب العربيه بعد النيتروجين بجد حسيت بفرق رهيب و عرفت اني كنت غلطان و ندمت اني مكنتش بحط من اول ما جبت العربيه فعلا يا جماعه العربيه مبقتش احس بالمطبات خالص و حسيت العفشه مستريحه اكتر و العربيه بقت ناعمه اكتر معايا و في فرق كبير بجد و احسن حاجه انو مش كل شويه هروح اعمل تشيك يعني كل فين و فين لما اروح مره ولا حاجه هيه المشكله بقي لو اني في مكان مفيهوش نيتروجين و العجله ريحت ولا حاجه

[mo7hamedemad]

انا معاك انا حاطط نيتروجين من شهرين والصراحة مريحنى اوى

[haroun707]

سمعت كتير عن النيتروجين انه كويس جدا و رغم اختلافي مع الناس كتير حول هذا الموضوع و كنت علي طول اقول لأ نتيروجين ايه و بتاع ايه خليك في المضمون و خليك في الهواء العادي حبيت اجرب النيتروجين انهارده نزلت الصبح عندنا في الهرم بالتحديد شارع فاطمه رشدي في واحد في نص الشارع كدا بتاع جنوط و كاوتش و كدا ده روحتلوا و خليتوا ينفخلي الكاوتش نيتروجين طبعا بعد ما فضي الهواء كلوا اللي في العجل الاول خلصت و اديت للراجل فلوسوا اخد 20 جنيه في الاربع فرد انا شايف انو سعر كويس سألتو املاه كل قد ايه قالي اعمل تشيك عليه كل 5 الاف كيلوا او لو حسيت ان في عجله ناقصه ولا حاجه قولت اطلع بقي اجرب العربيه بعد النيتروجين بجد حسيت بفرق رهيب و عرفت اني كنت غلطان و ندمت اني مكنتش بحط من اول ما جبت العربيه فعلا يا جماعه العربيه مبقتش احس بالمطبات خالص و حسيت العفشه مستريحه اكتر و العربيه بقت ناعمه اكتر معايا و في فرق كبير بجد و احسن حاجه انو مش كل شويه هروح اعمل تشيك يعني كل فين و فين لما اروح مره ولا حاجه هيه المشكله بقي لو اني في مكان مفيهوش نيتروجين و العجله ريحت ولا حاجه

اولا مبروك ياباشا وفعلاً هى خطوة حلوة ومهمه
وحتلاحظ كمان تحسن فى استهلاك البنزين وسحب العربية وثباتها

الهواء بيخلى العربية زى الكورة الكفر بتتنطط على طول

[spiderloking]

اولا مبروك ياباشا وفعلاً هى خطوة حلوة ومهمه
وحتلاحظ كمان تحسن فى استهلاك البنزين وسحب العربية وثباتها

الهواء بيخلى العربية زى الكورة الكفر بتتنطط على طول

عندك حق والله انا قولت الكلام ده لواحد صاحبي اتريق عليا قالي ملوش دعوه بسحب العربيه هوه ممكن الثبات و المطبات و كدا بس فعلا والله حسيت السحب اتغير و بقي احسن كتير و كلامك بيأكدلي كدا فعلا

[sayed911]

لو النيتروجين قل ممكن تزودوا هوى عادي جدا لكن في اقرب فرصة ترجع تعملها تفريغ وتملاها نيتروجين بالكامل عشان الهواء مع النيتروجين الهواء خفيف بالنسبالة ودي بقى مسألة غازات مش عارف فيها حاجة بصراحة ولكن انا عارف انه بيعمل احتكاك داخلي سئ لكن ممكن تملاه عادي جدا هواء والف مبروك اخي وربنا يبارلكلك فيه ويسترها معاك

[Raul_7]

لو الكوتش ريح زودوا هوا مش هيحصل حاجة, النيتروجين أصلا 80% من تكوينه هوا.

[Youssef.Awad]

مبروووووووووووك يا باشا
نفس احساسى بالزبط اول ما مليت بيه كاوتش الصنى الجديدة بعد اما استلمتها ورخصتها بيوم
راحة بال وامان خاصة على الطرق السريعة

[alarabiya11]

تعمل اتشك كل شهر مش كل 5 الف زى مقال

وكمان بقلل من تاكل االكاوتش وعقبال كل شىء جديد تستاهله الساجا

[spiderloking]

لو النيتروجين قل ممكن تزودوا هوى عادي جدا لكن في اقرب فرصة ترجع تعملها تفريغ وتملاها نيتروجين بالكامل عشان الهواء مع النيتروجين الهواء خفيف بالنسبالة ودي بقى مسألة غازات مش عارف فيها حاجة بصراحة ولكن انا عارف انه بيعمل احتكاك داخلي سئ لكن ممكن تملاه عادي جدا هواء والف مبروك اخي وربنا يبارلكلك فيه ويسترها معاك

الله ارك فيك اخي الكريم و تسلم علي مرورك الجميل

[spiderloking]

لو الكوتش ريح زودوا هوا مش هيحصل حاجة, النيتروجين أصلا 80% من تكوينه هوا.

حضرتك تقصد ان الهواء 80% من تكوينه النيتروجين و شكرا علي مرورك

[haroun707]

عندك حق والله انا قولت الكلام ده لواحد صاحبي اتريق عليا قالي ملوش دعوه بسحب العربيه هوه ممكن الثبات و المطبات و كدا بس فعلا والله حسيت السحب اتغير و بقي احسن كتير و كلامك بيأكدلي كدا فعلا

طبعاً لانه بيخلى الكاوتش طرى مش ناشف وده لانه غاز خامل يعنى مش بيتأثر بالعوامل الجويه لا ارتفاع ولا انخفاض

[Raul_7]

حضرتك تقصد ان الهواء 80% من تكوينه النيتروجين و شكرا علي مرورك

أيوه بالضبط كده, أسف عالخطأ.

[eng.m7md.ali]

بس يا باشا نيتروجين مع هوا ملوش اي لزوم
المشكلة ان الواحد يثق في اللي بيملالو النيتروجين لان انا بصراحة مش ضامن ان اللي بيتحط ده نيتورجين 100%

[spiderloking]

اللي انا بروحلوا ده ناس كتير بتروحلوا و بيقولوا عليه كويس جدا علشان كدا روحتلوا و مروحتش اي مكان تاني

[RimonWagdy]

فعلا فيه ناس كتيرررررر أوى بتشكر فى النيتروجين و يفضل تملا فى مراكز بريدجستون .