مش عارف اخود قرار جين ولا بروسنا

[AhmedElwakeal]

يا جماعة انا متحير و مش عارف اجيب جين ولا برسونا
هو فى فرق فى قطع الغيار بين اللاتنيين
طب هو قطع الغيار متوفرة للاتنين
ولاسعار بتاعتها اية
انا من الاسكندرية اية رايكو يا شباب التوكيل فى الاسكندرية كويس
افيدونا يا شباب البروتون

[Eng. Rafy Samy]

العربيتين واحد - واحدة بشنطة والتانية من غير
برسونا حينزل منها موديل جديد في 2011 - الجين 2 لأ
توكيل اسكندرية كويس افضل من غيره والمهندسين فيه فاهمين وعندهم خبرة كويسة
في رأي البيروسنا عربية تجمع بين الشكل الرياضي وعربية عائلية اما الجين تو فهي رياضية وشبابية اكثر
شوف انت ايه احتياجك
وروح بص على الاتنين في اي معرض او التوكيل وحتلاقي نفسك منجزب لواحدة اكتر من التانية
يبقى هي دي اللي عليها العين...

والف مبروك مقدماُ
تقبل تحياتي

[betza]

شوف التوبيك ده يمكن يساعدك

http://www.nilemotors.net/Nile/178965-2.html

[spiderloking]

بص حضرتك الاتنين واحد زي ما اخونا رفيق سامي قال انما انا نصيحتي لحضرتك انو لو انت محتاج عربيه عائليه اكتر يبقي خليك في البرسونا و هيه كدا كدا شكلها بردوا رياضي ده غير انو هينزل منها ال 2011 موديل جديد انما الجين 2 لو انت شاب و محتاج عربيه بقي روشه جدا و حلوه اوي في شكلها و في تظبيطها و هي اكتر شبابيه و رياضيه اكتر و كمان عربيه محترمه و مجربه كذا سنه في مصر و تقريبا 99 % من اللي اشتروها بيشكروا فيها جدا و هي عربيه جديره بالاحترام انت اعمل زي ما قالك اخونا رفيق انزل معرض و اركب العربيتين اكيييييد هتستريح لواحده فيهم عن التانيه و لو تعرف تجربها كمان في المشي معاك يبقي ميت فل و عشره و الف مبروك مقدما علي السياره ان كانت بيرسونا و لا جين 2 فهما الاتنين في الاول و الاخر بروتون حبيبة الكل

[Ali_mehrem]

الجين 2 فيها مساحه ورا

[AhmedElwakeal]

شكرا جدا ياشباب
بس البرسونا بقالها كتير بتنزل مصر ياعنى فى حد مجربها وعارف مميزات وعيوب اصلى شايف معظم الشباب بيكلمو عن جين بس

[jisso82]

أنا معايا البرسونا يا باشا و العربية تحفة ماشاء الله و أنا عن نفسى بفضلها عن الجين و اقرأ التوبيكين دول يمكن يفيدوك

http://www.nilemotors.net/Nile/88694-1500-1000-a.html

http://www.nilemotors.net/Nile/165441-20000.html

[A. Ibrahim]

الجين 2 فيها مساحه ورا :e_braces[1]::e_braces[1]::e_braces[1]:

و اسبويلر و شبوره وره كمان

الكراسي اشياك و رياضيه

[AhmedElwakeal]

شكرا اوى يا شباب
انا كنت مبفكرش فى الجين خالص من 10 ايام
وكنت حاسس انها حاجة زى الصينى بس دلوقتى بعد ما قريت المواضيع بتاعتها هنا
انا ان شاء اللة حستخير ربنا انى اجيبها وربنا مستعان

[M.almaghraby]

انا لو رجع بيا الزمن حجيب الجين :))))

بس علي فكرة العربيتين واحد تماما

[boyzoone]

انا لو رجع بيا الزمن حجيب الجين :))))

بس علي فكرة العربيتين واحد تماما

ممكن تقولنا ليه ياباشا ... مع أنه معاك البيرسونا ... فيها حاجة ولا أيه

[M.almaghraby]

لا يا باشا ابدا العربية تمام و زي الفل الحمد لله ....

انا بس دا رأي شخصي بحت لان الجين 2 عربية رياضية اكتر و شكلها جذاب اكتر

لكن لو البرسونا اليجانس نزلت .... يبقي فيه كلام تاني طبعا :))