وصول تعديل علبة الدركسيون للواجا

[eslamkasem]

السلام عليكم ورحمةالله

امبارح التوكيل اتصل بيا وقالي ان تعديل علبة الدركسيون وصل وهنعمله لحضرتك وحجزت يوم الحد الجاي ان شاء الله الساعه 9ونص

ياتري حد تاني هنا في المنتدي اتصلو بيه ورايح يوم الحد كمان عشان لو كدا نتقابل ونتعرف ببعض

وربنا يسهل والمشكله تتحل ان شاء الله

[kondor]

هو التعديل ده ينفع اعملة فى واجا 2005 ولا ايه ؟ و اعرف ازاى لو انا محتاج التعديل ده ؟؟

[eng.m7md.ali]

ازيك يا استاذ اسلام
التوكيل كلموني امبارح وحجزت معاهم يوم التلات اللي جاي بس محدش جابلي سيرة التعديل خالص

[afr80]

الف مبروك يا شباب و عقبال الباقي علشان كله يبقى مبسوط من عربيته

[Eng. Rafy Samy]

معلش يا شباب هو ايه العيب وايه التعديل اللي بيتعمل ...
شكرأُ

[Tarek Gen 2]

معلش يا شباب هو ايه العيب وايه التعديل اللي بيتعمل ...
شكرأُ

العيب صوت طقطقة و شخللة لو ماشى فوق طريق غير ممهد او مطب او تكسير او طوب و ظلط على الطريق بيطلع من قلب الدركسيون كدة

و التعديل حاجات هتركب فى علبة الدركسيون تمنع الصوت ده ان شاء الله

[eslamkasem]

معلش يا شباب هو ايه العيب وايه التعديل اللي بيتعمل ...
شكرأُ

صوت تزيق او احتكاك حديد مع بعض مع اي قطعة ارض غير ممهدة وبيبقي طالع من ناحية العفشة شمال والتعديل معرفش فكرتة بالظبط والله بس والله اعلم حاسس انو هيكون اي كلام ومش حل جزري لاني بشك في كفائة التوكيل اصلا وانو يحل القصه دي بالتعديل دا

زيك يا استاذ اسلام
التوكيل كلموني امبارح وحجزت معاهم يوم التلات اللي جاي بس محدش جابلي سيرة التعديل خالص

طيب يا استاذ فيلكس التوكيل كلمك عشان ايه بالظبط ؟ عندك صيانة ولا انتا طالب يتعملك حاجه في العربية ولو كدا لازم تتصل وتسالهم عن الموضوع دا وياريت تبقي تعرفني عملت ايه