رجاء افيدونى لسبب تاكل الكاوتش بسرعة

[toreador]

السلام عليكم ورحمة اللة
ازيكم يا اجدع شباب...
انا الكاوتشات بتاعتى كلها اتنحلت وبقت بتعمل ضرضرة وحدفات غريبة وعدم ثبات طارة الدريكسيون ...مع العمل انى مغيرها من 18 الف كم واللى قبلها اللى هى جاية مع العربية قعدت معايا 50 الف كم زى الفل..... انا خايف اجيب جديد قبل معرف السبب لانة هايتاكل بردة ...مع العلم انة الاربع فرد متاكلين وانا بظبط زوايا دايما ... يعنى لو زوايا كنت قلت فردتين ولا ولاحدة اللى اتاكلو... نوع الكاوتشات الحالى هو سيلفرستون ...

[mrwho1982]

طيب انت ضبط زوايا فين
وبتضبط زوايا ورا ولا قدام بس

سوال كمان هو الكاوتش ده تايلاندي

[م.محمد مختار]

ما هو شكل التآكل ؟؟
بالتساوي على عرض العجلة كلها؟ أم من الداخل أو الخارج فقط؟
أظن لو المشكلة في السيارة لن تكون بنفس القدر والشكل في العجلات الأربع..
لو كان الأربع عجلات ممسوحين فغالباً نوع الكاوتش سيء أو البائع غشك..

[toreador]

طيب انت ضبط زوايا فين
وبتضبط زوايا ورا ولا قدام بس

سوال كمان هو الكاوتش ده تايلاندي

انا بظبط زوايا دايما عند بريدج ستون ونوعة بصراحة مش عارف بس لما كنت بشترية ناس كتيرة قالولى علية وانا جيبتة على كلامهم الكلام دة من سنتين

[toreador]

ما هو شكل التآكل ؟؟
بالتساوي على عرض العجلة كلها؟ أم من الداخل أو الخارج فقط؟
أظن لو المشكلة في السيارة لن تكون بنفس القدر والشكل في العجلات الأربع..
لو كان الأربع عجلات ممسوحين فغالباً نوع الكاوتش سيء أو البائع غشك..

هو التاكل من برة والفرد الل قدام متاكلة اكتر من اللى ورا وهى بالتساوى على العجلة فعلا طيب تنصحنى اشترى نوع اية؟ وهل لو اشتريت نوع غالى زى بريدجستون او ميشلان هايفرق لو فى سبب تاكل معين ؟؟؟ ماهو بردو هيتاكل بسرعة انا فى ناس صحابى ماشيين ببريدجستون اكتر من 80 الف .. طيب ممكن يكون فى مشكلة فى المساعدين؟

[A.Saad]

هوة كدة عمرة قصير جدا
المعتاد 50 او 60000 البريدجستون بيزيد كمان
بس الماركة دى بصراحة اول مرة اسمع عنها

[M.almaghraby]

السيلفر ستون مش حلو

بس 18 الف قليل جدااااااااا

[toreador]

السيلفر ستون مش حلو

بس 18 الف قليل جدااااااااا

طب انا روحت التوكيل من اسبوع وحكيتلهم الحكاية دى ومحدش فادنى...المهندس هناك قاللى انت اللى مشيك مش حلو واكيد بتمشى فى حتت وحشة ...مع انى لا ليا لا فى الامريكانى ولا فى الحاجات دى مبعرفش اعملها اصلا ..وشغلى كلة جوة اسكندرية ..ولو سافرت بيبقى على طريق مفتوح وارضيتة معقولة مش لدرجة كدة يعنى

[M.almaghraby]

بص علي تاريخ انتاجه كدا !

[eng.m7md.ali]

طيب اقولكو على حاجة انيل
انا الكاوتش عندي خير صالح للاسخدام والعربية دلوقتي عاملة 17 الف ومش عارف ايه السبب وكل شوية بظبط زوايا
وطبعا لو اتكلمت في التوكيل على المشكلة دي هيقولولي بسبب علبة الدريكسيون اللي بايظة

بس المهم هنا مين هينفعني في الموقف ده

[M.almaghraby]

الكلام دا اول مرة اسمعه فحياتي

17 الف ازاي يا جدعان !!!

طيب ياريت من فضلكوا تبصوا علي تاريخ انتاج الكاوتش .... يمكن قديم مثلا

[toreador]

طيب اقولكو على حاجة انيل
انا الكاوتش عندي خير صالح للاسخدام والعربية دلوقتي عاملة 17 الف ومش عارف ايه السبب وكل شوية بظبط زوايا
وطبعا لو اتكلمت في التوكيل على المشكلة دي هيقولولي بسبب علبة الدريكسيون اللي بايظة

بس المهم هنا مين هينفعني في الموقف ده

لو عربيتى كانت لسة فى ضمانها كنت اتكلمت معاهم بقلب جامد وعيبت عالمساعدين او اى حاجة بس للاسف انا طلعت برة الضمان من زمان ...هو صحيح الكاوتشات ملهاش دعوة بالضمان بس كنت هاعرف اتكلم معاهم..لكن دلوقتى عشان اقولهم نزلو المساعدين ولا بصولى على علبة الدريكسيون هافتحولى حوار

[eng.m7md.ali]

والله يا باش مهندس زي مابقولك كدة وتاريخ انتاجو 2009
بس الكاوتش بيتاكل قدام بس وهو ده سبب الغربلة بعد الترصيص كذة مرة وبردو السبب زي ماهو

[M.almaghraby]

طيب حضرتك لازم تعرف السبب فالتاكل السريع دا ايه !!

يعني روح عند عفشجي بيفهم و اكشف عالليلة الي قدام كلها

لان دا شيء خطير .... معقولة كل ما تجيب كاوتش يبوظ بعد 17 الف يعني

[eng.m7md.ali]

الكواتش على ال 9000 كيلو كان القدام اتاكل من الحروف شوية روحت مبدل اللي قدام مكان اللي ورا
من شهر بظبط زواية واعمل ترصيص تاني لقيت المشكلة دي جات تاني في الكاوتش اللي قدام يعني الاربعة دلوقتي بقو متكلين وطبعا مش عايز اقولهم في التوكيل علشان انا عارف هيقولو ايه وهيقولو ملناش دعوة وده عيب استخدام ومعرفش ايه وعمرهم ما هيطلعو العيب عندهم هما