السمعة السيئة للواجا وبروتون عماتا فى الخارج !

[PRO-DRIVE]

^^^ تقريبا انا و م. كريم منير ركبنا عربيه بشمهندس ابو عبد الرحمن

علي ما افتكر كان بالظبط في الاول تحس بخنقه لمده 3 ثواني كدا

بس بعدييين بتفتتتح بسم الله ما شاء الله حلوه قوي :)

حتي من جوا قعدتها ممتازه

كل عيوبها في نظري اللي قعدت فيها 5 دقايق شويه حركات سخيفه و متمنعش الواحد انو يشتريها

بس بجد تستاهل تمنها بكل جداره :)

[fiatmomo]

كل عيوبها في نظري اللي قعدت فيها 5 دقايق شويه حركات سخيفه و متمنعش الواحد انو يشتريها

بس بجد تستاهل تمنها بكل جداره :)

أيواااا... اية هية بقى الحركات السخيفة دية بقى :D:D؟؟

[PRO-DRIVE]

مثلا القزاز بيفتح بالعكس !!!

الزرار بتاعه عكس كل الدنيا فوق ينزل و تحت يطلع ههههههههههه

دي اكتر حاجه لفتت نظري

التكه بتاعت قفله الباب صوتها عالي مع انها مبتحتاجش مجهود الموضوع دا لفت نظري برضه

حجات كدا متستاهلش يعني

[memo_hefnawy]

ياه أبو عبد الرحمن ليك وحشة ياراجل إنت فين يا عم ناسينا إنت خالص ولا على بالك

أتمنى نشوفك فى مقابلة عيد ميلاد المنتدى لأن بجد من زمان ماشوفناكش و واحشنا
--------

شكرا على تحليلك لنقطة نقد الماليزيين و إنت فعلا من أكثر الناس إللى ممكن توضح النقطة دى لإحتكاكك بيهم و سفرك هناك أكثر من مره

كريم بالظبط تقريبا إنت فهمت وجهة نظرى أنا دلوقت راجل فى أول حياتى و عايز أشترى عربية تقسيط من فلوسى مش واخد فلوس من والدى ولا من غيره
كان قدامى يا أجيب فيرنا - يا لانوس - يا ويرا - يا بيكانتو - حاجة آخرها 70 - صراحة كنت هاقرص على روحى حبه و أجيب الياريس و كان نفسى فيها بس لظروف ما ماحصلش نصيب

فطبيعى إن لو بحسبها طبقا للعربية هاختار ويرا لأنها أشدهم فى أكثر من حاجة لكن لو معايا أكثر هافكر بشكل مختلف تماما

هى عربيات بروتون عموما Best Value 4 Money

[M_HaFeZ]

فعلا بره التقييمات بتاعتها ضعيفه
واللى يسمع كلامهم بره مش هيشتريها

السؤال بقى الغريب اللى بتنزل هنا احسن من اللى بتنزل اوروبا ؟؟
ولا اساسا كل اللى بينزل هنا اقل من بره فاحنا اتعودنا على القليل
ولما جت البروتون حسينا انها فرق عن اللى عندنا ؟

سؤالين اغرب من بعض فى اجابه غريبه عن سؤال غريب

[ahmedsiyam]

على فكرة انا لما قررت اشترى البروتون دخلت المتندى المحترم ده و مافكرتش ابص على اراء الناس بره
العبرة بالاستخدام المحلى و ماشاء الله الناس بتشكر فى العربية جدا بغض النظر جين 2 و لا الواجا المهم ان الماركة نفسها لا غبار عليها
انما بره يمكن الناس طبعا عندهم مساحة للمقارنة رهيبة غير اللى عندنا عربيات كتير و فئات كتير انما احنا هنا محكومين بالسوق المحلى
و طبعا سعر البروتون و امكانياتها مقارنة بسعر عربيات تانية مماثل البرتون تتفوق بمراحل كيرة
و اعتقد ان اللى بيزل هنا اكيد مختلف عن اللى بينزل اوروبا لان السعر فى اوروبا غالى عن هنا و اللى موجود فى مصر يمكن خاماته اقل شوية و الله اعلم بس الاساسيات واحدة و يمكن الضمان بره افضل و ده دلالة على ثقة المصنع فى المنتج بتاعه

[abo3bdolrahman]

ابو عبد الرحمن .. شكرا لتحليل حضرتك ... وفعلا مهم جدا وفية الكثير من المنطقية .

وبما انك عندك واجا اوتو ..... هل فعلا العربية زى مابيتقال عليها ... استجابتها ضعيفه جدا ..لدرجة انها تحسسك انها 1300 مثلا ! وبالاخص فى المطالع !
هل انتا راضى عنها وعجباك .. ولا لا هل الخامات الداخلية سيئة للدرجة ... اية المشاكل والعيوب من وجهة نظرك الى فيها .

لأ الكلام ده غريب جدا و عمره ما حصل معايا و انا باجرى بيها و مقطعها و زى الفل و جودة الصالون ممتازة و افضل من حاجات ثانية أغلى منها بكثييييييير و مش هاقول ماركات عشان ما حدش يزعل.
انا لسه راجع دلوقتى من الشغل و كنا راكبين خمسة فى العربية و كنت مخيط بيها كل الناس فى الطريق علشان بس اجرب بيها الشد و هى محملة ها يبقى عامل إزاى و بالنسبىة للكماليات هي هي اللى بتنزل بره مصر سواء فى أوربا أو ماليزيا او الخليج و فعلا زى ما قال برو مشكلة زرار الزجاج المخالف فى التصميم لكل الماركات الأخرى بتضايق فى الأول بس بعد كده بتاخد عليه و الأبواب عندى تقيلة شوية لأنى ساكن على الملاحات و باشتغل فى مينا و ده المفروض معاه مداومة التشحيم و التزييت بس أنا مش فاضى.
أتمنى أكون غطيت كل النقاط و يارب تكونوا دايما كلكم بخير.


و معلش مرة ثانية لإنقطاعى عنكم الفترة دى بس كانت ظروف فى العمل و إن شاء الله هاحاول أتواصل معاكم جدا و سلامى للجميع و لأخى ميمو:D

[fiatmomo]

لأ الكلام ده غريب جدا و عمره ما حصل معايا و انا باجرى بيها و مقطعها و زى الفل و جودة الصالون ممتازة و افضل من حاجات ثانية أغلى منها بكثييييييير و مش هاقول ماركات عشان ما حدش يزعل.
انا لسه راجع دلوقتى من الشغل و كنا راكبين خمسة فى العربية و كنت مخيط بيها كل الناس فى الطريق علشان بس اجرب بيها الشد و هى محملة ها يبقى عامل إزاى و بالنسبىة للكماليات هي هي اللى بتنزل بره مصر سواء فى أوربا أو ماليزيا او الخليج و فعلا زى ما قال برو مشكلة زرار الزجاج المخالف فى التصميم لكل الماركات الأخرى بتضايق فى الأول بس بعد كده بتاخد عليه و الأبواب عندى تقيلة شوية لأنى ساكن على الملاحات و باشتغل فى مينا و ده المفروض معاه مداومة التشحيم و التزييت بس أنا مش فاضى.
أتمنى أكون غطيت كل النقاط و يارب تكونوا دايما كلكم بخير.


و معلش مرة ثانية لإنقطاعى عنكم الفترة دى بس كانت ظروف فى العمل و إن شاء الله هاحاول أتواصل معاكم جدا و سلامى للجميع و لأخى ميمو:D

ألف الف شكر على التتقيم .. ( وشهد شاهد من اهلها :) ) .. كويس انك رجعتلى ثقتى فى قوة نظرى ..لانى حسيت ان العربية الى ركبتها .. غير الى الناس بتتكلم عليها خالص ...

فعلا العربيه كخامات ... احسن من عربيات كتيييييييييير فى نفس سعرها واغلى .... وياريت نشوف تقييم الناس الى راكبة النيسان صنى المحلية .. وبصو على البلاستك وشكل خلفية العدادات ... !! وبصو على المقابض الى موجودة فى جوانب سقب الصالون ( حتلاقو فيها رايش ! ) بس دة مايمنعش من انها عربية جيدة بالنسبه لسعرها .

----------------------------------------------------------


M_HaFeZفعلا بره التقييمات بتاعتها ضعيفه
واللى يسمع كلامهم بره مش هيشتريها

السؤال بقى الغريب اللى بتنزل هنا احسن من اللى بتنزل اوروبا ؟؟
ولا اساسا كل اللى بينزل هنا اقل من بره فاحنا اتعودنا على القليل
ولما جت البروتون حسينا انها فرق عن اللى عندنا ؟

سؤالين اغرب من بعض فى اجابه غريبه عن سؤال غريب

-------------------------------------------------


فعلا العربيات الى عندها ممكن نسميها مخلافات عربيات ...وبالاخص فى جزئية التقفيل والصالون ...بالنسبة للسيارات المحلية ........... , والاوبشن و عوامل الامان بالنسبة للمستورد .
زياره واحدة لمعرض المصرية ... و حتتأكد من كلامى .

فيمكن بروتون .. جمعت بين سعر كويس .. شكل جذاب .. تقفيل معقول ( احسن من المحلى على الاقل ) , اوبشن , عوامل امان , كفاية انى بركب نفس العربية هية هية الى بتنزل انجلترا .. بنفس الاوبشن ... عكس كل العربيات الى موجودة فى مصر ... وخدو النيو اكسنت كمثال للكارثة دية حتى عداد الحراره مش موجود واستخصرو يجيبو الباكيتة حتى مدهونة للتوفير) .


اتمنى ان توكيل عز ... مايغليش فى اسعار موديلات 2008 ... وينزلها زى ماتعودنا بكل الاوبشنز بتاعها ... علاشان ماتفقدش اهم مميزاتها فى المنافسة .