اعظم واجمل وانضف توكيل فيكي يا محروسة !!!!

[eslamkasem]

اه نسيت اقول علي حاجه النهارده انسة فاطمه كلمتني تقريبا الساعة 11 كدا

قالتلي استاذ اسلام ايو معاك فاطمه من عز العرب قوتلها اهلا وسهلا قالتلي اولا انا اسفه عشان كتبتلك حكاية تعديل للواجا وهيا طلع ملهاش تعديل اسفه جدا قوتلها اه وبعدين وثانيا ايه قالتلي احنا عاملين تقيم لأداء المركز في الصيانه وكدا قالتلي ايه رايك حضرتك في المركز قولت في سري يعني هما مش لاقين غيري عشان اقيم الاداء ما علينا قوتلها

اولا ندرة قطع الغيار
سؤ فهم العاملين داخل المنظومة (عارفين قصدي مين طبعا )
الفنيين علي قدهم خالص

قالتلي طيب تقيمك للمركز ككل قوتلها ضعيف

[aymanay32]

اغلب التوكيلات بتعمل كدة بس مفيش حاجة هتتغير يا ابو اسلام دى مجرد مكالمة روتينية فقط لا غير

[khpopo]

حاجة مش محترمة خالص

المفروض الي عمل كدا يتحاسب بجد

+111
ربنا يوفق

[ahmedfathy77]

السلام عليكم ورحمة الله وبركاته

اولا طبعا اللى حصل لحضرتك ده خطا مش صغير ويدل ان الاستاذة اللى كلمت حضرتك او الاستاذ اللى استلم منك عربيتك مش عاوز اقول جهلة انما مقصرين فى شغلهم ومش عارفين الفرق بين الجين 2 والواجا وطبعا معاك حق فى القرف منهم .

بس انا بس كان عندى كام ملاحظة من واقع كلام حضرتك على اللى حصل عشان بس نعرف المشكلة فين بالظبط .

1- الخطأ اللى حصل خطأ ادارى مش خطا فنى حصل لا قدر الله فى عربيتك من موظفة الاتصال ومهندس الاستقبال اللى هما اكيد مقصرين فى حق نفسهم وفى شغلهم قبل ما يكونوا مقصرين فى حق حضرتك .

2- اعتقد ان مفيش حد فينا مبيغلطش كل ابن ادم خطاء كلنا وارد نعمل خطا فى شغلنا او فى حياتنا بس اللى اهم من الخطأ هو الاعتراف بالخطأ نفسه والاعتذار عنه ومحاولة تصليحه واعتقد ان مكالمة واحد زى المهندس امر لحضرتك كانت اعتراف بالخطأ وكلامه يدل فعلا ان انسان محترم مش مكابر وخير من يمثل التوكيل اللى بيشتغل فيه والحقيقة الموقف ده زاد من احترامى للمهندس امر اللى فعلا فى كل مواقفه سواء معايا شخصيا او مع ناس كتير اعرفها كان انسان فوق الوصف فى اهتمامه بشغله وبالناس ومشاكلها واعتقد ان دى اول مرة اشوف حد هنا فى المنتدى قال ان فيه توكيل ممثلا فى واحد فى منصب زى ده كلمه واعتذر له فى اى مشكلة حتى لو طلع التوكيل فيها غلطان واللى مش مصدقنى يدخل يشوف المشاكل مع غبور ومنصور.

3- حضرتك لو عاوز تغير عربيتك عشان شايف ان بروتون كلها مشاكل زى موضوع الاصوات والتزييق وكده احب اقول لحضرتك انى لغاية السنة اللى فاتت انا كنت بعتقد ان العربيات الامريكية واليابانية مفيهاش غلطة وطبعا الكمال لله وحده وان الكورى او الماليزى لا يقارن لغاية ما كلنا اتصدمنا باكبر عمليات استرجاع فى تاريخ السيارات حصلت السنة اللى فاتت ولغاية دلوقتى بتحصل ادت الى ان تويوتا العملاق الذى لم يخسر يوما اصيب بخسائر نظرا للمشاكل اللى ادت لحوادث مدمرة لملاكها كان نتيجتها ان رئيس الشركة حاكموه فى الكونجرس واتغرم وعملاق الصناعة الامريكية جنرال موتورز سحب كم عربيات لنفس الاسباب وغيره وغيره فى حين مشفناش لا بروتون عملت كده او كيا مثلا .
انا بقول الامثلة دى لحضرتك عشان بس نفكر نفسنا ان الكمال لله وحده ومفيش عربية مفيهاش عيب سواء كانت امريكية او صينية فاذا كان العيب مش مؤثر على اداء العربية فده كويس مقابل كل المزايا والامكانيات اللى فى العربية مقابل سعرها واظن حضرتك لما اشتريت الواجا كنت عارف ان فيه عربية تانية اسمها الصنى واكيد لما اخدت قرار الشراء قارنت ما بينهم ولقيت ان الواجا افضل فى حاجات كتير لان محدش فينا بيرمى فلوسه فى الارض .

4- حضرتك لو العربية مش عجباك ده حقك ولو عاوز تبيعها ده حقك برضه بس مش من حق حضرتك انك تتهم الناس اللى العربية عجباها او بتشكر فيها او شايفه ان مميزاتها اكتر من سلبيتها بانهم كدبوا عليك او على الناس لان الناس كلها هنا ناس اكتر من محترمة وبتخدم بعضها من غير حتى ما تعرف بعض وبيحاولا يحلوا مشاكل الناس بكل الاشكال وعيوب ومزايا العربية كلها معروفة وواضحة فى عشرات المواضيع السابقة وفيه ناس كتير مبسوطة جدا من عربياتها ومعندهاش استعداد تغير واذا غيرت هتغير لبروتون برضه فارجوا ان موضوع اتهامات التضليل والكدب اللى انتشر فى المواضيع فى الفترة الاخيرة يقف ولو الناس موقفتش الموضوع ده انا بطالب الادارة انها تاخد موقف من اتهامات الناس المرسلة دى اللى بتصيب الاعضاء سواء بقصد او من غير قصد لان لو كل واحد عشان متضايق شوية يدخل يكيل الاتهامات على الناس كلها عمال على بطال والادارة ساكتة يبقى المنتدى ده ميلزمنيش وميلزمش ناس كتير .

اسف على الاطالة

[eslamkasem]

و بتشكر فيها او شايفه ان مميزاتها اكتر من سلبيتها بانهم كدبوا عليك او على الناس لان الناس كلها هنا ناس اكتر من محترمة وبتخدم بعضها من غير حتى ما تعرف

انا مقولتش انهم كدابين انا كل الي قولته انهم قالو علي عيب علبة الدركسيون انو فردي ومش موجود وان دا كلام مرسل لكن الحقيقه عكس كدا التعديل موجود بالفعل في البرسونا والجين تو وتم تغير كذا علبة ساجا يبقي الموضوع كدا تعتقد انو فردي؟

[ahmedfathy77]

انا نفسي اعرف حاجه وحده دا توكيل ولا محل ولا سوق خضار

حسبي الله ونعم الوكيل في دا توكيل

انا كرهت العربية كره بجد بسبب التوكيل الفاشل دا

مفيش في واحد بيفهم اصلا من بداية انسه فاطمه الي اتصلت بيا من اسبوع وقالتلي هوا حضرتك كنت حاجز تعديل علبة الدركسيون للعربية جين تو ؟قوتلها حضرتك انا عربيتي واجا قالتي اه سوري اقصد واجا عموما يا فندم التعديل وصل خالاص وتقدر تيجي في اي وقت يناسبك حجزت الحد الي هو النهارده وخدت اجازه بمعجزه من الشغل

للعلم دي رابع زيارة للتوكيل المبجل المحترم ودا بسبب صوت التزيق الي مخلني شاري عربية ب90 الف وبسمع صوت من اول الف مخلني حاسس اني راكب بطه او توكتك بيزيق بدون مبالغة

المهم انا شكيت في مصداقية حكاية ان التعديل وصل اتصلت امبارح اكدت علي الهانم الي حجزتلي قالتلي اه يا فندم تعاله بكره التعديل وصل قوتلها للواجا قالت اه قولت يا فرج الله اخيرا هخلص من الكابوس دا

رحت التوكيل النهارده زي منا كنت عامل موضوع الصبح لما كنت هناك http://www.nilemotors.net/nile/181773-a.html

المهم رحت وصلت 9.40 دقيقه لان الجو شبوره فظيعه المهم لقيت فعلا اسمي محجوز ودخلت علي الاستااذ الفاهم الواعي الخبره المخضرم الي متفوتش عليه اي حاجه الاستاذ محمد عبد الهادي قالي حضرتك حاجز تعديل علبة الدركسيون صح قوتله اه يا استاذ محمد في مشاكل تانيه الهم زكرت كذا مشكله علي الماشي كدا وبعدين من كتر فرحتي بالتغير سألت الاستاذ الواعي قوتله التعديل دا ازاي يا باشمهندس قعد يشرح بقي وبصراحه اتبسطت وقولت يااااااارب ارتاح وتتحل المشكله وقولت يا واد يا اسلام انتا كنت ظالم التوكيل ودي ناس كلمها زي السيف

المهم سلمت العربيه وخدت نسختي من امر التشغيل وفيه كلمة تعديل علبة دركسيون للواجا وقالي هتخلص الساعه 2 قولت ماشي

دخلت الاستراحه وفتحت النت ورغيت مع اصحابي

الساعه 12.30 قولت اشوف اخبار العربيه ورحت لحمد باشا قوتله ايه الاخبار ؟؟

قالي انا اسف مش انا اكتشفت ان مفيش حاجه اسمها تعديل علبة للواجا هيا بتتغير بس زي السجا لكن التعديل في الجين والبرسونا بس

قتولته نعم وانتا جاي تقولي الكلام دا دلوقت ؟قالي هو حضرتك الي حجزت التعديل دا قوتله لا والله انتو الي اتصلتو وقولتو قالي معلش بقي احنا مش هينفع نغير العلبة الا لو كانت بايظه ومبتوصلش زيت للعلبة نفسها احنا هنعمل ابزيم ونظبط العملية ومفيش اي صوت وهتطلع تجرب قوتله والله همشي وتاني يوم الصوت هيرجع حلف واقسم وبرقبتي وبرجلي وبعنيا لو حصل الصوت تاني


انا بصراحه اتصدمت وولدي كان معيا اتصدم وقالي منك لله انتا الي خلتني اشتري عربية توكلها ماشي بالبركه دول عالم .....

ولدي فكر يبع العربية وخلاص قررت اني مش هروح التوكيل تاني ابدا وهبيع العربية انا زهقت وبعت شكاوي لبرتون كير

كلامي الي فات كتير بس بجد مش قادر اعبر عن اي حاجه جويا من الي حصلت النهارده من غيظ وقرف وندم علي العربية دي

اسف اني طولت عليكم وعلي فكره بكره ان شاء الله هحط صورة امر التغشيل عشان الناس الي بتحب التوكيل وبتدافع عنو بكل استماته وبتعشق العربية وتكره اي كلمه عليها فعلا اقسم بالله العلي العظيم دي اسؤ عربية ركبتها في حياتي واكتر قرار خدته ونمدت عليه وحسبي الله في كل واحد شكر في العربية وقال كلام مش حقيقي عنها وقال ان علبة الدركسيون عيب فردي وهو عيب عن معظم الناس الي كلمتهم في التوكيل النهارده

انا مش هروح حماية المستهلك انا هبيع العربية وهجيب نيسان صني واسف اني طولت عليكم ويمكن اكون منفعل بس دا من الي حصلي بسبب العربية في ناس كتير هتهجمني بس هقولهم كلمه وحد حط نفسك مكاني لما تحس ان عربيتك لا تساوي قيمة ما دفع فيها

اه نسيت حاجه الصوت رجع وانا في نص الطريق

حضرتك جمعت بين الاتنين وحتى لو كنت قصدك حاجة واحدة برضه ميصحش لان الناس اللى بتكلم حضرتك هنا وقالت لك ان العيب ده مش عندها ومنهم استاذ خالد حمدى وغيره ناس كبيرة ومحترمة ومش هتكسب حاجة لما تكدب علينا وهل لو انا فى عربيتى معنديش اصوات ودى حقيقه يبقى برضه انا كداب وغيرى وغيرى .

انا قلت لحضرتك الكمال لله وحده ولو فيه عيب عند حضرتك مقدرش اكدبك زى ما برضه حضرتك ميصحش تكدب اى حد تانى قال العكس.

[khpopo]

وتم تغير كذا علبة ساجا يبقي الموضوع كدا تعتقد انو فردي؟

مش كل الساجا كذا علبه زى ماقلت ...وكان تغير علب الدركسيون لنقص الزيت فقط بدون وجود اصوات ده من ملاكها
ربنا يوفق

[Ayman_52]

انا مقولتش انهم كدابين انا كل الي قولته انهم قالو علي عيب علبة الدركسيون انو فردي ومش موجود وان دا كلام مرسل لكن الحقيقه عكس كدا التعديل موجود بالفعل في البرسونا والجين تو وتم تغير كذا علبة ساجا يبقي الموضوع كدا تعتقد انو فردي؟

هل حضرتك عند علم بكام علبه دريكسيون تم تغيرها ؟؟؟ ونسبه العلب اللى اتغيرت الى نسبه مبيعات العربيه كام ؟؟؟؟

طب سيبك من اللى قال انه عيب فردى , هل حضرتك معاك عدد او عملت احصائيه للموضوع دا ... ياريت لو معاك تنزلها عشان فعــلا يكون كلام واقعى ومش مرسل ... وتقولنا كام واحد اتعمل عليه الاحصائيه دى

اظن انى من اكتر الناس اللى بتروح التوكيل , ومن اكتر الناس اللى بتابع المشاكل مع ملاكها وفى حياتى لا قولت على حاجه دا عيب جماعى ولا عيب فردى ... اللى بيطلع معاه مشكله بيدخل يقولها انما موضوع عشان كل واحد عنده مشكله مضايقاه و بيقعد فى التوكيل وبيتكلم مع كام واحد جنبه ويطلع عند كام واحد نفس المشكله فيرجع ويعمم الموضوع ... اظن هى دى المشكله

وصراحه لو حضرتك شايف اى حد فى المنتدى بيضلل او بيتكلم كلام غلط , تقول عليه عشان الناس تعرفه وتاخد بالها منه, واسمك حتى تكون كسبت ثواب فى الناس اللى بتضلل دى

انما للاسف فى موجه كده ماشيه بقالها فتره من تلقيح كلمات وصفات , الصراحه اقل ما توصف بانها بتصدر من اشخاص غير مسئوله , ومش عارف علاجها ان الواحد يسبهم يتكلموا كده ولا يوقفهم عند حدهم !!!

[ahmad alshaaer]

اخي الكريم صاحب الموضوع
ماحدش قال ان عز العرب افضل توكيل في مصر ولاحد قال انه اسوأ توكيل في مصر
انا شخصيا اتعاملت مع منصور بعربيه افيو 2008
كانت مليانه عيووووووووووب

منها الموتور اول ماشتريتها بعد 2000 كم لقيت الزيت بيطلع من وش الموتور من فوق

الفرامل لما اشد مع حد مالاقيش فرامل

الزجاج الامامي على الطرق الصحراويه كان بيدخل هوا وصوت

والطنابير على 7000 كم كانت بترج العربيه كلها مع الفرامل

وطلعت عيني معاه وكل حاجه يقوللك مش ضمان

عاوز اوصلك معلومه ان منصور مثلا اسوأ من عز العرب

اللي مطلوب منك انك تاخد حقك بأدب من التوكيل وتعمل عربيتك وماتعملهاش بره

اصبر واتعامل معاهم خطوه خطوه واستحملهم

ولو مانفعش عليك بالخطوه التانيه حماية المستهلك او ماليزيا

ولكن اوعدك انهم هيعملوهالك ان شاء الله

لاني انا كان ليا قصتين كده معاهم شبه قصتك وكان منها عيب الدهان والكو بلن الامامي

بالمناسبه النيسان الصني مش زي مانت فاكر

اقرب موقف ليا معاها كان ماشي قدامي من حوالي 5 ايام والله وبياخد ملف عادي على سرعة 60 بالكتير وراح اللي جمبه زنق عليه ولقيته حدف على سرعة 60 والله العربيه لفت بيه في نص الشارع بالعرض

وسمعت ان فيها عيوب تانيه كتير وثباتها مش تمااااام بعد 140 كم


اما بالنسبه للاستاذ احمد فتحي

احب اوضحلك ان صاحب الموضوع اما كتب الكلام ده كان متنرفز وده حقه وماحصلش حاجه واعتقد ان كل الاعضاء لازم تعذره

تحياتي لكل الاعضاء الجامدين والمحترمين

احمد الشاعر

[Tarek Gen 2]

هل حضرتك عند علم بكام علبه دريكسيون تم تغيرها ؟؟؟ ونسبه العلب اللى اتغيرت الى نسبه مبيعات العربيه كام ؟؟؟؟

طب سيبك من اللى قال انه عيب فردى , هل حضرتك معاك عدد او عملت احصائيه للموضوع دا ... ياريت لو معاك تنزلها عشان فعــلا يكون كلام واقعى ومش مرسل ... وتقولنا كام واحد اتعمل عليه الاحصائيه دى

اظن انى من اكتر الناس اللى بتروح التوكيل , ومن اكتر الناس اللى بتابع المشاكل مع ملاكها وفى حياتى لا قولت على حاجه دا عيب جماعى ولا عيب فردى ... اللى بيطلع معاه مشكله بيدخل يقولها انما موضوع عشان كل واحد عنده مشكله مضايقاه و بيقعد فى التوكيل وبيتكلم مع كام واحد جنبه ويطلع عند كام واحد نفس المشكله فيرجع ويعمم الموضوع ... اظن هى دى المشكله

وصراحه لو حضرتك شايف اى حد فى المنتدى بيضلل او بيتكلم كلام غلط , تقول عليه عشان الناس تعرفه وتاخد بالها منه, واسمك حتى تكون كسبت ثواب فى الناس اللى بتضلل دى

انما للاسف فى موجه كده ماشيه بقالها فتره من تلقيح كلمات وصفات , الصراحه اقل ما توصف بانها بتصدر من اشخاص غير مسئوله , ومش عارف علاجها ان الواحد يسبهم يتكلموا كده ولا يوقفهم عند حدهم !!!

هدى اعضاءك يا عمونا
عمو عادل عايزك

تعالى موضوعى و روق اعصابك

[pedro732000]

اخي الكريم صاحب الموضوع
ماحدش قال ان عز العرب افضل توكيل في مصر ولاحد قال انه اسوأ توكيل في مصر
انا شخصيا اتعاملت مع منصور بعربيه افيو 2008
كانت مليانه عيووووووووووب

منها الموتور اول ماشتريتها بعد 2000 كم لقيت الزيت بيطلع من وش الموتور من فوق

الفرامل لما اشد مع حد مالاقيش فرامل

الزجاج الامامي على الطرق الصحراويه كان بيدخل هوا وصوت

والطنابير على 7000 كم كانت بترج العربيه كلها مع الفرامل

وطلعت عيني معاه وكل حاجه يقوللك مش ضمان

عاوز اوصلك معلومه ان منصور مثلا اسوأ من عز العرب

اللي مطلوب منك انك تاخد حقك بأدب من التوكيل وتعمل عربيتك وماتعملهاش بره

اصبر واتعامل معاهم خطوه خطوه واستحملهم

ولو مانفعش عليك بالخطوه التانيه حماية المستهلك او ماليزيا

ولكن اوعدك انهم هيعملوهالك ان شاء الله

لاني انا كان ليا قصتين كده معاهم شبه قصتك وكان منها عيب الدهان والكو بلن الامامي

بالمناسبه النيسان الصني مش زي مانت فاكر

اقرب موقف ليا معاها كان ماشي قدامي من حوالي 5 ايام والله وبياخد ملف عادي على سرعة 60 بالكتير وراح اللي جمبه زنق عليه ولقيته حدف على سرعة 60 والله العربيه لفت بيه في نص الشارع بالعرض

وسمعت ان فيها عيوب تانيه كتير وثباتها مش تمااااام بعد 140 كم


اما بالنسبه للاستاذ احمد فتحي

احب اوضحلك ان صاحب الموضوع اما كتب الكلام ده كان متنرفز وده حقه وماحصلش حاجه واعتقد ان كل الاعضاء لازم تعذره

تحياتي لكل الاعضاء الجامدين والمحترمين

احمد الشاعر

بجد احسن تفنيد ورد على الموضوع
الله ينور

هدى اعضاءك يا عمونا
عمو عادل عايزك :c_laugh[1]::c_laugh[1]:

تعالى موضوعى و روق اعصابك :b4_556:

+11111

[afr80]

السلام عليكم ورحمة الله وبركاته

اولا طبعا اللى حصل لحضرتك ده خطا مش صغير ويدل ان الاستاذة اللى كلمت حضرتك او الاستاذ اللى استلم منك عربيتك مش عاوز اقول جهلة انما مقصرين فى شغلهم ومش عارفين الفرق بين الجين 2 والواجا وطبعا معاك حق فى القرف منهم .

بس انا بس كان عندى كام ملاحظة من واقع كلام حضرتك على اللى حصل عشان بس نعرف المشكلة فين بالظبط .

1- الخطأ اللى حصل خطأ ادارى مش خطا فنى حصل لا قدر الله فى عربيتك من موظفة الاتصال ومهندس الاستقبال اللى هما اكيد مقصرين فى حق نفسهم وفى شغلهم قبل ما يكونوا مقصرين فى حق حضرتك .

2- اعتقد ان مفيش حد فينا مبيغلطش كل ابن ادم خطاء كلنا وارد نعمل خطا فى شغلنا او فى حياتنا بس اللى اهم من الخطأ هو الاعتراف بالخطأ نفسه والاعتذار عنه ومحاولة تصليحه واعتقد ان مكالمة واحد زى المهندس امر لحضرتك كانت اعتراف بالخطأ وكلامه يدل فعلا ان انسان محترم مش مكابر وخير من يمثل التوكيل اللى بيشتغل فيه والحقيقة الموقف ده زاد من احترامى للمهندس امر اللى فعلا فى كل مواقفه سواء معايا شخصيا او مع ناس كتير اعرفها كان انسان فوق الوصف فى اهتمامه بشغله وبالناس ومشاكلها واعتقد ان دى اول مرة اشوف حد هنا فى المنتدى قال ان فيه توكيل ممثلا فى واحد فى منصب زى ده كلمه واعتذر له فى اى مشكلة حتى لو طلع التوكيل فيها غلطان واللى مش مصدقنى يدخل يشوف المشاكل مع غبور ومنصور.

3- حضرتك لو عاوز تغير عربيتك عشان شايف ان بروتون كلها مشاكل زى موضوع الاصوات والتزييق وكده احب اقول لحضرتك انى لغاية السنة اللى فاتت انا كنت بعتقد ان العربيات الامريكية واليابانية مفيهاش غلطة وطبعا الكمال لله وحده وان الكورى او الماليزى لا يقارن لغاية ما كلنا اتصدمنا باكبر عمليات استرجاع فى تاريخ السيارات حصلت السنة اللى فاتت ولغاية دلوقتى بتحصل ادت الى ان تويوتا العملاق الذى لم يخسر يوما اصيب بخسائر نظرا للمشاكل اللى ادت لحوادث مدمرة لملاكها كان نتيجتها ان رئيس الشركة حاكموه فى الكونجرس واتغرم وعملاق الصناعة الامريكية جنرال موتورز سحب كم عربيات لنفس الاسباب وغيره وغيره فى حين مشفناش لا بروتون عملت كده او كيا مثلا .
انا بقول الامثلة دى لحضرتك عشان بس نفكر نفسنا ان الكمال لله وحده ومفيش عربية مفيهاش عيب سواء كانت امريكية او صينية فاذا كان العيب مش مؤثر على اداء العربية فده كويس مقابل كل المزايا والامكانيات اللى فى العربية مقابل سعرها واظن حضرتك لما اشتريت الواجا كنت عارف ان فيه عربية تانية اسمها الصنى واكيد لما اخدت قرار الشراء قارنت ما بينهم ولقيت ان الواجا افضل فى حاجات كتير لان محدش فينا بيرمى فلوسه فى الارض .

4- حضرتك لو العربية مش عجباك ده حقك ولو عاوز تبيعها ده حقك برضه بس مش من حق حضرتك انك تتهم الناس اللى العربية عجباها او بتشكر فيها او شايفه ان مميزاتها اكتر من سلبيتها بانهم كدبوا عليك او على الناس لان الناس كلها هنا ناس اكتر من محترمة وبتخدم بعضها من غير حتى ما تعرف بعض وبيحاولا يحلوا مشاكل الناس بكل الاشكال وعيوب ومزايا العربية كلها معروفة وواضحة فى عشرات المواضيع السابقة وفيه ناس كتير مبسوطة جدا من عربياتها ومعندهاش استعداد تغير واذا غيرت هتغير لبروتون برضه فارجوا ان موضوع اتهامات التضليل والكدب اللى انتشر فى المواضيع فى الفترة الاخيرة يقف ولو الناس موقفتش الموضوع ده انا بطالب الادارة انها تاخد موقف من اتهامات الناس المرسلة دى اللى بتصيب الاعضاء سواء بقصد او من غير قصد لان لو كل واحد عشان متضايق شوية يدخل يكيل الاتهامات على الناس كلها عمال على بطال والادارة ساكتة يبقى المنتدى ده ميلزمنيش وميلزمش ناس كتير .

اسف على الاطالة

كلام مظبوط و محايد، ومن الاخر

[afr80]

هل حضرتك عند علم بكام علبه دريكسيون تم تغيرها ؟؟؟ ونسبه العلب اللى اتغيرت الى نسبه مبيعات العربيه كام ؟؟؟؟

طب سيبك من اللى قال انه عيب فردى , هل حضرتك معاك عدد او عملت احصائيه للموضوع دا ... ياريت لو معاك تنزلها عشان فعــلا يكون كلام واقعى ومش مرسل ... وتقولنا كام واحد اتعمل عليه الاحصائيه دى

اظن انى من اكتر الناس اللى بتروح التوكيل , ومن اكتر الناس اللى بتابع المشاكل مع ملاكها وفى حياتى لا قولت على حاجه دا عيب جماعى ولا عيب فردى ... اللى بيطلع معاه مشكله بيدخل يقولها انما موضوع عشان كل واحد عنده مشكله مضايقاه و بيقعد فى التوكيل وبيتكلم مع كام واحد جنبه ويطلع عند كام واحد نفس المشكله فيرجع ويعمم الموضوع ... اظن هى دى المشكله

وصراحه لو حضرتك شايف اى حد فى المنتدى بيضلل او بيتكلم كلام غلط , تقول عليه عشان الناس تعرفه وتاخد بالها منه, واسمك حتى تكون كسبت ثواب فى الناس اللى بتضلل دى

انما للاسف فى موجه كده ماشيه بقالها فتره من تلقيح كلمات وصفات , الصراحه اقل ما توصف بانها بتصدر من اشخاص غير مسئوله , ومش عارف علاجها ان الواحد يسبهم يتكلموا كده ولا يوقفهم عند حدهم !!!

.

يا مون والله انا عارف انك زعلان علشان اللي بيحصل ده، بس براحة على نفسك، كله انشاء الله يتحل بالهداوه، و عارف ان محروق لما آل عليه حال المنتدى، كله انشاء الله يتحل من غير حرقة دم، احنا بنتعاون مع بعض لوجه الله، و لو كله حسبها كدا محدش هيزعل من حد، و بالنسبه لصاحب الموضوع عندك حق تزعل و تضايق طبعا و بس كل التوكيلات مش زي ما انت متخيل.

[momopersona]

ههههههههههههههههه
قابل بئا يا اسلام باشا

ربنا معاك و معانا

ازاى تقول ان التوكيل وحش يا راجل
ده جميل خالص
وكل الناس اللى اشتكت فى المنتدى حاله فرديه او العيب فيهم


وحاسب بئا ممكن واحد يطلعلك اخطاء املائيه ونحويه فى كلامك
والتانى يقولك ممنوع تغلط فى مهندسه فى التوكيل وحرام عليك كده تخيل لو دى اختك او مامتك
والتالت العيب فردى بردو والناس اللى قابلتها فى التوكيل دى بردو فردى واللى بتسألها فى الشارع فردى واللى فى المنتديات الاخرى فردى


كلنا لها يا اسلام
ولو مش مصدق ابحث فى مواضيعى القديمه نفس السيناريو بالظبط بنفس الاعضاء بالظبط بردو

مش تشكيك فى حد
ولكن ليه انت غلط تعمم انما هما صح انهم يعممو العكس ؟؟
وليه حد ممكن يزعل من كلامك على التوكيل بس ؟؟

هافترض انك عجبك التوكيل ايه اللى يدايق لما واحد مايعجبوش ؟؟
ليه ترد عليه بالعكس فى عز نرفزته وكرهه للى حصل فيه (استفزاز مثلا) ؟؟

ماهو انا طبيعى لو كاره بنى اادم وبقولك ده وحش واذانى ولا سرقنى
تقوم قايلى ده احسن انسان فى الدنيا ده جميل خالص اكيد هاتنرفزنى صح !!
ياريت الكل يفكر فى كلامى

انت وانا وناس تانيين رأينا كده
و خط الدفاع البروتونى رأيه العكس
وفى الاخر مفيش دخان منغير نار ولذلك انا وغيرى متعاطفين معاك جدا و كرهنا التوكيل بسبب كلامك وكلام غيرك

اتمنالك الخير والله وربنا معاك فى اللى هاتقابله داخل المنتدى بعد عملك للموضوع ده

[Ahmed.Ali]

اصلا التوكيل دا تيييت و عمري ما شفت حد شغال عدل و لا بيراعي ربنا في شغله
و كل الي شغالين في ناس تيييت و تيييت و تيييييت

هو دا الي يريح الناس و يعجبهم اننا نشتم في التوكيل و نبطل كدب و نفاق و نقطع الشهريه الي بتصرف بيها علي بيوتنا من التوكيل

والله العظيم والله العظيم والله العظيم عيب تغلط في حد عشان ربنا مش عشان اختك ولا مامتك و كفايه تلميحات سخيفه بقي و ايوه انا الي قلت عيب تغلط في مهندس عشان افرض ان دا والدك و لازلت عند كلامي و احاسب عليه امام الله يوم القيامه ان شاء الله