التقرير ( المرعب ) عن صيانة الــ 10000 لجين تو !! (بالصور) !!

[Tarek Gen 2]

[OVERLINE]

أزيكم يا بروتونية جميعاً

[/OVERLINE]

أن شاء الله يكون كله تمام و كانا فى دوام الصحة بأذن الله


ده عبارة عن تقريرى المتواضع لصيانة الــ10000 لجين تو 2010 اوتو اتمنى انو يكون شامل ان شاء الله


أولاً

موعد الصيانة كان تم بالحجز الساعة 9:00 صباحاً من حوالى اسبوع كدة لأن التوكيل كان فيه زحام شديد و طغط شغل بسبب ان ده اسبوع ما بعد العيد :)

توجهت الى التوكيل ووصلت حوالى 9:30 دقيقة
و كان التوكيل فى حالة زحام شديد بس العملية منظمة الى حد كبير

صور ما قبل الاستلام

فضلت مستنى لحد ما جالى محمد عبى الهادى مهندس استقبال محترم و بشوش و انا بتفائل بيه و صبور ربنا يباركله

و كانت ملاحاظاتى كالأتى

1- صوت تكة فى قفلة الباب اليمين ( يعنى اما تفتحه و تيجى تقفله بيعمل صوت رزعة كدة من جواه ) ,,,,,

2- تقل شديد فى طلوع و نزول الازاز اليمين و ده كان سببه الكاوتشة اللى فى الباب اللى القزاز بيطلع و ينزل عليه و طبعاً دى برة الضمان

3- العفشة بترقص عندى

4- بالاضافة لما يحدث فى صيانة العشرة و هو ( تغيير زيت + فلتر + تربيط عفشة + مراجعة الكهرباء كلها + تشييك على التيول + مراجعة على كل السوائل ) ...

تم الاستلام من الباشمهندس محمد و تم كتابة الملاحظات و قاللى الاستلام الساعة 3:00

طبعاً عشان الزحمة ما علينا بقى كدا قدامك أحد حلين ,,,,

1- انك تروح الاستراحة و تفضل قاعد لحد معاد الاستلام

معاك ميتك المعدنية

و قاعد بائس فى انتظار الفرج !!


زى الاخوة كدة :))

و بتتفرج على MBC 2 اللى مبتتغيرش فى التوكيل ده ابداً !!

[OVERLINE]لحد ما يجيلك المهندس يقولك كله تمام فتسجد شكر لله و تطير وراه[/OVERLINE]

يتبع

[Tarek Gen 2]

او الحل التانى :))

2- انك تاخد جولة فالتوكيل و تشرب حاجة من الكافتريا اللى مش هتلاقى فيه الا مشروب او اتنين بالكتير !! :)

و دى كانت نتيجة الجولة !! ,,,,,,,



ربنا يكون فى عون صاحبها





عجبنى اوى الجنط بس الراجل متهناش بيه و ربنا يعينه ان شاء الله



أستيكر نايل موتورز منور هناك
و اعتقد ان دى عربية هيثم اللى عليها الاستيكر دى و اللى جية فى الصور :)




ربنا معا صاحبها ان شاء الله اما لو كان هيثم فعلا فكل واحد يدعيله




دى بقى من كتر التراب معرفتش اجيب لونها ايه :)





كانو بيرسونات :((



ربنا يكون فى عون احابهم و يعوضهم ان شاء المولى

يتبع

[Tarek Gen 2]

طبعا الكل بيقول و دى مالها دى و ايه اللى جابها وسط دول !!

دى الاجابة

الايرباج مفتوح !! و فى شائعة بتقول انه بسبب نقرة او حفرة :(( !!

اعوذ بالله ربنا يكون معا صاحبها



يا ساتر يا رب دى صعبة اوى ربنا يعين صاحبها

بس الحمد لله انو مأمن و ده مندوب التأمين و هو بيصورها

عاملى فيها حويط و النمر الوردى و شغال تصوير لكن على مين صورته و هو بيصور النمس

او الحل التالت و هو انك تعمل الجولة و تروح الاستراحة مع بعض

يتبع

[Tarek Gen 2]

بس من مميزات الجولة انك تشوف هيحصل فى عربيتك ايه :) ,,,,

هنا بيتم تغيير الزيت و الفلتر و تنضيف الماتور هوا و تربيط العفشة
و بصراحة كله تم على اكمل وجه من غير ما اوصيهم و تعبوا فى العفشة اوى و من نفسهم و صفوا الزيت كله بالهوا و دى اول مرة !! و كان كله تمام :) ,,,

هنا بقى كان بيتم الكشف على السوائل و الزيوت و الكهرباء كلها و شايفيين الزينون اهه اتفقست :(( ,,,

و جالى الفنى قاللى كله تمام و كانت فعلا بص مكروتش و من نفسه و بص على كل حاجة بس قالىى ايه بقى قاللى كله تمام بس للاسف حضرتك خرجت من ضمان الفوانيس و الانوار و الماتور بتاعها و كدة
قلتله ليه قالى عشان مركب (زينوم) قلتله ايه !! قالى زينوم و بعدين ده المديومات باينة اوى فى الكبوت ابقى خبيها شوية ( مديومات فهمت فى الاخر انها مديولات اى اجهزة الزينون ) بيتفزلك علية حضرته

و هنا بقى تم تظبيط الازاز و الازاز محتاج كاوتش لانه دايب خالص بس الكاوتش مش موجود و جى قريب ان شاء الله و هما مشكورين عملوا خلوه احسن كتير من الاول و مجانا بس برضه لسة محتاج كاوتش نفسى الاقيله حل :((

سعرها فى التوكيل هولامى الكم و الكيف ( 345 بالتركيب ) ,,,,
و تنضيف فلتر التكييف 50 جنيه !!

حاجات غريبة :)

و الملاحظ بقى ان ناس كتير كانت بتشكر فى تيل لاين سى ده و دى غريبة و تمنه 200 تقريبا !!!


الى هنا انتهى التقرير ,,,,,
و فى النهاية التوكيل كان تمام جدا انهاردة بصراحة معاملة ودية و مواعيد و شغل رغم الزحمة و الناس كانت كلها تمام ان شاء الله ,,,,

يارب الناس اصحاب الحوادث دى ربنا يسهلها ان شاء الله و لو فى حد من اصحابها هنا يقول فى الردود :))

و يا ريت يا جماعة نمش بتأنى و بهدوء و الـــ 100 حلوة اوى اوى والله و سرعة معقولة

( مع ان اللى بينصحكوا ده جراى حد جى )

و اللى القاء فى تقرير اخر :))

معلش طولت عليكم

اترككم فى رعاية الله

[Sherlock]

هههه تقرير حلو يا طارق برافو عليك =) و عقبال صيانه الـ 100000 .

[ahmedsamir5edr]

thanks.. great report

[م.محمد مختار]

تقرير رائع و شامل و موضوعي....

برافو و عشر تلاف مبروك...

[eslamkasem]

مبروك يا كبير ربنا يباركلك فيها

[M.almaghraby]

لما توكيل ينضفلك فلتر تكييف ب 50 جنيه

و اساسا الفلتر علي بعضه كرتون ذميم ميجيش قيمته الحقيقية 30 جنيه بالكتير !!!



يبقي لا تعليق بجد

الف مبروك يا باشا عالصيانة

[midosalah]

تقرير جامد جدا

[m.3abdel3al]

مبروك يا طارق على الصيانة

[khpopo]

مبروووك الصيانه وعقبال كل صيانه
ربنا يهدى عز علينا
تقرير ممتع ومفيد
ربنا يوفق

[sayed911]

تقرير قوي جدا اخي ولكن لم تذكر هل تم تلافي كافة العيوب التي وصفتها لهم ام تغاضوا عن بعضها ؟ والف مبروك اخي وعقبال صيانة الـ 100,000 وكل عام وانت بخير

[Raul_7]

هههههههه...جامد والله يا طارق d:

المهم طلعت زي ما دخلت ولا الدنيا بقت تمام عندك ؟

[mido_soliman]

مبروك يا طارق انتم السابقون ونحن الاحقون
بس عايز اعرف انت حطيت زيت اية والتكلفة بالتفاصيل لو امكن واكون شاكر جدا ليك يا معلم
تحياتى وعقبال المليووووووون كيلو (او جنية يبقى احسن طبعا :):)