قطع غيار جين 2

[maxayma]

السلام عليكم

انا يا جماعة بفكر فى جين2 علشان انضم للاسرة البرتون هنا فى المنتدى اللى انا شايف والله ان كلهم ناس زوق و بحبوا ينصحوا اى حد جديد كدا زى حالاتى

انا بس عندى سؤال واحد هى قطع الغيار متوفرة و لا لأ لان انتوا عارفين الواحد دايما لما بيفكر فى حاجة يعنى مش منتشرة اوى الكلام اللى لازم يسمعوا عن هى فعلا قطع غيارها مس بتكون موجودة انا واحد قالى انوا يعرف حد كان عايز يغير رفرف امامى فضل مسنتى شهرين لحد ما التوكيل جابوا (معرفش طبعا صحة الخبر) بس لو دا بجد اراى عربية بتنزل من 2006 و اختها الاكبر بيرسونا من 2008 تقريبا و لسة قطع الغيار مش موجودة و الناس بتستنى كل ده على التوكيل لما يجبيها من ماليزيا الشقيقة

مستنى الرد لانى بجد حابب العربية وشكرا مقدما

[jisso82]

قطع الغيار متوافرة و موجودة الحمد لله إلى حد كبير سواء جوه التوكيل أو بره لكن بره أكيد مش منتشرة انتشار الكورى لأنها لسه جديدة فى السوق المصرى عموما مقارنة بعربيات بقالها أكتر من 20 سنة و أما التوكيل نفسه فزى توكيلات كتير منهم توكيل اسبرانزا مثلا ما بيعملش إغراق لقطع الغيار و بيجيبها بحساب شوية فأحيانا بتتأخر قطع غيار معينة بس مش بشكل Over أو مستفز يعنى زى معظم التوكيلات الأمورة اللى فى مصر

[a_samy]

قطع الغيار موجوده بس مش منتشره بشكل كبير وساعات مش بتبقى موجوده أصلا ولا فى التوكيل ولا بره......أنا فضلت أكتر من 6 شهور بسأل على فوانيس أماميه للجين 2 ولما وصل الفانوس اليمين كان الشمال لسه مجاش وفضلت أسأل بعدها بشهرين لحد ما وصل.
أنا معرفش ايه نظام باقى التوكيلات فى مصر..... بس اللى أعرفه أن عربيه موجوده فى البلد دى من 2006 المفروض يبقى ليها قطع غيار متوافره جوه وبره التوكيل لكن اللى بيحصل ده بجد مهزله.

[khpopo]

الى حد ما موجوده وناس كتير ابتدت تشتغل فيها خارج التوكيل غير الى كانو موجودين ...كمان فى استيراد حتى فى اسكندريه مش القاهره بس
ربنا يوفق

[A. Ibrahim]

ان شاء الله تنورنا انا جبتلك موضوعين في غايت الجمال هيردو علي كل اسئلتك

بس قطع الغيار اسعرها نزلت عن اللي موجود 20% 30% تقريبا لان في اسعار كتير قديمه
و كمان عندك الاماكن اللي بره التوكيل
اي خدمه

http://www.nilemotors.net/Nile/73013-a.html

http://www.nilemotors.net/Nile/103347-a.html

[momenhamdy]

الى حد ما موجوده وناس كتير ابتدت تشتغل فيها خارج التوكيل غير الى كانو موجودين ...كمان فى استيراد حتى فى اسكندريه مش القاهره بس
ربنا يوفق

الله ينور يا خالد باشا

فعلاً في اسكندرية بأ في تجار استيراد شغالين في بروتون و بأ في ناس كتير في عزبه سعد شغلين كمان في الفوانيس ال debo العاديه و الزينون و الخلفي كمان

تحياتي

[maxayma]

الف شكر ياجماعة على الرد بالنسبة للمواضيع بتاعة قطع الغيار دى انا تقريبا قريتهم 10 مرات يمكن قبل كده انا لابد هنا فى قسم برتون من زمان انا حافظ كل المواضيع انا بفكر اشترى من اول السنة دى يمكن بس الواحد مقلق لانها هتكون اول عربية فى حياتى

[khpopo]

الف شكر ياجماعة على الرد بالنسبة للمواضيع بتاعة قطع الغيار دى انا تقريبا قريتهم 10 مرات يمكن قبل كده انا لابد هنا فى قسم برتون من زمان انا حافظ كل المواضيع انا بفكر اشترى من اول السنة دى يمكن بس الواحد مقلق لانها هتكون اول عربية فى حياتى

لاتقلق مش هاتندم ان شاء الله استخير ربنا
ربنا يوفق