هى البرسونا نحس ولا ايه ؟؟

[wekabika]

العربيه استلمتها من 3 اسابيع ما شاء الله عجبتني جدا ثبات و قوة و وسع بس عربيه فقر......

بعد مجبتها بأسبوع ركنها في شغلي في المطار نزلت لقيت الأكصدام متخيش تخيشه حلوة و البويه اتشالت تماما .....
قولت مش مهم عادي دي عين بعديها بيومين ادام البيت خلاص شايف العمارة واحد راكن في الملف و واحد تاني دخل عليا فحدفت يمين البابين اطبقوا d:

طبعا اديقت شويه و قلت نصيب الحمد لله يلا ان شاء الله اخر الأحزان

بعديها بيومين هههههههههههه

نازل الصبح رايح الشغل بفتح باب العربيه لقيت عيل صغير بيقولي عمو عمو في عيال من ثانوي بيهربو من المدرسه نطوا من فوق السور علي شنطه العربيه (:

كنت ركنها بضهرها عند سور المدرسه و طبعا مش محتاجه توضيح ايه الي حصل في الشنطه .....


كل ده في 3 اسابيع ربنا يستر و مكتبش موضوع تاني بعد يوميييين

[ALRAKHAWI]

والله فداك كل ده ولا ان حاجه صغيره تيجي فيك بس انت اقرا قران لان كده بجد مش عادي والحسد او العين حق.........

[khpopo]

حاجه تزعل ...
شكلها خدت العين التمام ..دبحت حاجه للغلابه ؟
ربنا يوفق

[Tarek Gen 2]

ما يمكن المشكلة فيك انت يا جدع O.o :)

[mmffor]

مش البرسونا بس! اس عربيه في مصر

[wekabika]

الحمد لله هي شكلها عين انا كان معايا ابيزا 4 سنين مفيش و لا خبطه

[jisso82]

معلش أنا جايلى أهه خبطتين فى نفس الأسبوع فى برسونا و لانوس و الحمد لله على كل شىء

[midosalah]

الحمد لله
قدر الله وما شاء فعل
هيا شكلها عين جامدة شوية
ادبحلها حاجة العربية

[M.almaghraby]

ما يمكن المشكلة فيك انت يا جدع O.o :)

هههههههههههههههههههههههههههههههههههههههههههههه

ملكش حل والله

[spiderloking]

هيه عين من الاخر انا كمان واحد اهبل من يومين من اللي مبيعرفوش يسوقوا و نازلين يرازوا في الناس و خلاص حكتلي الرفرف اللي ورا ناحية السواق و عربيتي مركونه و كسرلي الكلبس بتاع الرفرف و طلع البويه كمان مصر بقت عباره عن جراج كبييييييييييير انسي يا صاحبي لازم هيحصل كدا لو عمرو مجايفر نفسوا عربيتوا هتتخبط مش عيب فيه ولا فينا عيب في الناس اللي ملهاش في السواقه و نازله تعجن و خلاص و الرخص اللي بتطلع زي ما انت عارفين و ان مصر خلاص مش مستحمله تاني عربيات بجد ولا الستات بقي دووووووووول قصه تانيه يا معلم هبقي احكلكوا عليها المره الجايه فاصل و نواصل مع قصه جديده

ربنا يحفظنا كلنا و يبعد عننا العين و الحسد و الناس الوحشه

[wekabika]

معلش أنا جايلى أهه خبطتين فى نفس الأسبوع فى برسونا و لانوس و الحمد لله على كل شىء

اه انا متابع اخبارك و زعلت و الله يلا الحمد لله محدش يعرف الخير فين و الله كتير بتحصل حاجات صعبه اوي للواحد و لما يفتكر انو زعل مرة في خبطت عربيه و لا حاجه ضاعت منه بيتمني انها تكون حصلت تاني في العربيه و الموضوع ده مكنش حصل قول الحمد لله

[wekabika]

هيه عين من الاخر انا كمان واحد اهبل من يومين من اللي مبيعرفوش يسوقوا و نازلين يرازوا في الناس و خلاص حكتلي الرفرف اللي ورا ناحية السواق و عربيتي مركونه و كسرلي الكلبس بتاع الرفرف و طلع البويه كمان مصر بقت عباره عن جراج كبييييييييييير انسي يا صاحبي لازم هيحصل كدا لو عمرو مجايفر نفسوا عربيتوا هتتخبط مش عيب فيه ولا فينا عيب في الناس اللي ملهاش في السواقه و نازله تعجن و خلاص و الرخص اللي بتطلع زي ما انت عارفين و ان مصر خلاص مش مستحمله تاني عربيات بجد ولا الستات بقي دووووووووول قصه تانيه يا معلم هبقي احكلكوا عليها المره الجايه فاصل و نواصل مع قصه جديده

ربنا يحفظنا كلنا و يبعد عننا العين و الحسد و الناس الوحشه

أمييين

[eslam_wega]

قدر الله وماشاء فعل بس معلش دة الطبيعى اول ما جبت العربية دفعت 10000 ج عشان عملت حدثة جامدة صلحتها راحت عملت حدثة تانية والى يدايق انهم على سرعات بطيئة يعنى حتى مكنتش بجرى وطول عمرى بركب عربيات عربية ولدى وعربية اختى وعربيتى القديمة عمرى مخبطهم الحمدلله واول ما جبت دى حصل كدا للدرجة انى شكيت انها نحس فعلا بس الحمدلله اخدت العين وربنا يعوض عليا فى الفلوس بس نصيحة ادبح حاجة ضرورى جدا جدا وانا ان شاء الله ناوى برضوا وربنا يستر علينا مش شر العين

[power]

يا بختك يا عم الكبوت والسقف سليم انا بهزر

[wekabika]

قدر الله وماشاء فعل بس معلش دة الطبيعى اول ما جبت العربية دفعت 10000 ج عشان عملت حدثة جامدة صلحتها راحت عملت حدثة تانية والى يدايق انهم على سرعات بطيئة يعنى حتى مكنتش بجرى وطول عمرى بركب عربيات عربية ولدى وعربية اختى وعربيتى القديمة عمرى مخبطهم الحمدلله واول ما جبت دى حصل كدا للدرجة انى شكيت انها نحس فعلا بس الحمدلله اخدت العين وربنا يعوض عليا فى الفلوس بس نصيحة ادبح حاجة ضرورى جدا جدا وانا ان شاء الله ناوى برضوا وربنا يستر علينا مش شر العين

إن شاء الله خير