سعر العربيه دى تعمل كام ؟

[m4th]

السلام عليكم


عربيه Gen-2 موديل 2009 كامله مانيوال , عامله 45 الف كيلو ... حالتها نضيفه جدا مفهاش خدش .. زيرو يعنى


صيانه كل 5 الاف كيلو فى التوكيل

تعمل كام ؟


وشكرا

[eng.m7md.ali]

75 الف تقريبا

[m4th]

75 ؟؟؟؟؟؟؟؟؟؟ مش كتير ؟؟؟

ده الزيرو ب 85 و سوقها اصلا مش حلو خالص ...

[م.محمد مختار]

نصيحتي ليك اسأل حد تاني خارج القسم ده لأن محدش مننا حيهون عليه يقول سعر منخفض...
طبيعة بشرية ....

[m4th]

نصيحتي ليك اسأل حد تاني خارج القسم ده لأن محدش مننا حيهون عليه يقول سعر منخفض...
طبيعة بشرية ....

وجهه نظر و الله

[Tarek Gen 2]

السعر من67 الى 72
والله اعلم

[M.almaghraby]

علي فكرة العربية سعرها حيغلي حيبقي ب 88500

انا شايف ان 75 حلو اوي

[ramyar]

السلام عليكم
هقولك علي طريقه بيعملوها تجار العربيات
الاول بيشوف سعر العربيه زيرو كام وبيشيل منه 10% ضريبه المبيعات يعني لو قولنا سعر العربيه 85000 يبقي 85000-8.500 =76500
وبعدين بيخصم عن كل سنه في الموديل 3000 يبقي 76500-3000=73500
وبعدين علي كل 30000كم العربيه مشيتهم خصم 3000 جنيه وفي حاله العربيه دي عشان العربيه فبريكه وحالتها نضيفه ممكن نستثني ال15000 التانين يبقي 73500-3000=70500 يعني سعر العربيه العادل من 68000 الي 70000 يارب اكون افدتك

[M.almaghraby]

طيب و مين قال ان التجار اصلا سعرهم عادل !!!

معلش يا رامي اعذرني الكلام دا مش صحيح ,, بدليل ان لو لانسر ولا صني نفس الموديل مثلا استحالة تنزل كل التمن دا !!!

وليه يشيل 10 % مش فاهم ؟؟

معني كدا ان لو عربية 2008 معني كدا انها متجبش 70 !!

الاسعار دي قليلة اوي يا جماعة

[m4th]

و هو سوق اللانسر و الصنى زى البروتون ؟

هتعرض عربيه بروتون اد ايه على ما تتباع , و الصنى و اللانسر يقعدوا اد ايه

مستحيل عربيه عامله 45 الف كيلو فى سنه و موديل السنه اللى فاتت تقل عن الزيرو 10 الاف جنيه بس

[tutankhamoun]

أنا رأيي أن السعر العادل لأي عربية في الدنيا ( بروتون أو غيرها )
45 ألف كيلومتر بعد عام ............. تنزل على الأقل 15 ألف جنيه من ثمنه الأصلي طالما موديل سنة واحدة أقدم .


أما تقييم السعر للعربية دي أعتقد أنه هايكون زي ما الأستاذ طارق قال ما بين 68 إلى 70 ألف جنيه مصري .

و أرجح أدام العربية صيانتها كلها في التوكيل و حالتها حلوة تبقى ........... 70 ألف جنيه مصري و الله أعلم

[M.almaghraby]

حضرتك نسيت ان العربية حتغلي حوالي 4000 جنيه

[ramyar]

انا بقول علي الي اعرفه وممكن الستاذ الفاضل يبص علي كونتاك كارز وباقي المواقع وهيعرف ان السعر الي حسبنا بيه العربيه عادل لان دي حسبه السوق

[boshbosh]

العربيه دى 70 الف هو ده العدل بتاعها وتبقى حلوه اووووى
توكل على الله
وربنا يباركلك...

[m4th]

حد فعلا شاف عربيه جين 2 اتباعت موديل 2008 او 2009 ب اقل من سعر الزيرو بتاعها ب 10 الاف جنيه ؟

انا اللى اعرفه ان العربيه ملهاش سوق , و العربيه دى لو اتباعت ب 70 الف كمان سنه هخسر فيها 20 الف اقل واجب