If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
السلام عليكم هقولك علي طريقه بيعملوها تجار العربيات الاول بيشوف سعر العربيه زيرو كام وبيشيل منه 10% ضريبه المبيعات يعني لو قولنا سعر العربيه 85000 يبقي 85000-8.500 =76500 وبعدين بيخصم عن كل سنه في الموديل 3000 يبقي 76500-3000=73500 وبعدين علي كل 30000كم العربيه مشيتهم خصم 3000 جنيه وفي حاله العربيه دي عشان العربيه فبريكه وحالتها نضيفه ممكن نستثني ال15000 التانين يبقي 73500-3000=70500 يعني سعر العربيه العادل من 68000 الي 70000 يارب اكون افدتك
يا اخوانا دي معلومة مش اقتراح علشان تناقشوا الراجل فيه....
هو التجار بيحسبوا كده...
وطبعاً العرض و الطلب ليهم دور في تحديد السعر...
أنا كنت بفكر أجيب لانوس مستعملة لقيت ان العربية موديل عشر سنين فاتوا وسعرها أقل من الزيرو بعشرة اتناشر ألف بس!!
هو ده منطقي؟؟؟
لازم منخلطش بين "السعر العادل" و "سعر السوق" لأنهم -غالباً- مختلفين عن بعض.
يا جماعو مين الى قال إن العربية ده سوقها تقيل بس انا بقالى فترة بدور على عربية جين 2 و كل ما ألاقى عربية صاحبها حاطط إعلانها من 3 أو 4 أيام ألاقيها إتباعت و و بالسعر الى صاحبها طالبة أو أقل سنة بسيطة لأن صحابها اساسا عشان عارفين إن سوقها تقيل بينزلوا بالسعر.
و على فكرة الى يدخل على كونتاكت كار مثلا و يدخل يدور على جين يعنى هو عارفها و عايزها.
نصيحتي ليك اسأل حد تاني خارج القسم ده لأن محدش مننا حيهون عليه يقول سعر منخفض...
طبيعة بشرية ....
كلام مظبوط 100/100
بس انا شايف انها ممكن تتراوح مابين 65 حتى 70 الف جم .. والله أعلم ..وده لان تمنها زيرو 2010 بــ 85 الف جم وبما انها مشيت 40 الف أو اكتر يبقى مش وحش انها تنزل 20 الف جم او 15 الف جم
من حوالي 4 شهور كان فيه عربية جين 2 موديل 2007 عاملة 14000 كم فقط و كانت حالتها زي الجديد بالظبط أتباعت على 65000 ألف جنيه .و على فكرة .... الجين 2 مش تقيلة في البيع دلوقتي خالص .
العربية اللي بقولكم عليها أتباعت في يومين أثنين فقط لا غير .
واحدة أختها نفس الحالة ( ممتازة ) برضه موديل 2007 ....... بس كانت عاملة 24 أﻷف كم ..... و أتباعت تقريبا على نفس السعر .
Comment