كارتيرة الزيت اتشرخت :(:((

[Tarek Gen 2]

الحمد لله على كل حاجة و على السراء و الضراء
انهاردة وانا ماشى عديت على حجر مكانش باين كدة شرخلى كارتيرة الزيت

و الزيت و انا واقف بينقط بقوة طبعا لكن وانا ماشى مبتنقطش اوى او مبينقطش خالص و بصيت على مقياس الزيت لقيت المكنة تقريبا مفيهاش ولا نقطة

جبت زيت و حطيته فيها و رجعت ركنتها تحت البيت

حجزت فى التوكيل انا يوم الاتنين و جبت جيركن زيت و سايبه معايا عشان اما اجى رايح التوكيل اكيد هيبقى الزيت نزل تقريبا فهحطه قبل ما امشى بقى

بس مش عارف دى التأمين بيغطيها ولا بيغطى الحوادث و الخبطات بس انا تأمينى مصر للتأمين

ده انا لسة عامل صيانة العشرة و حاطط فيسكو 5000
ربنا يسهل بقى و الحمد لله على كل شئ

انا عرفت ان سعرها استيراد 700 و مش عارف ماليزى ولا لا
و مش عارف فى التوكيل عاملة كام بقى بس اكيد سعر هولامى من كوكب اخر

[eng.m7md.ali]

قدر الله ومشاء فعل
انا من راي تجيب ونش يودي العربية للتوكيل اضمن واحسن

[أبومعاذ]

اجارك الله في مصيبتك وعوضك خيرا منها وربنا يعينك يا استاذ طارق بس الافضل تقطر العربية لحد التوكيل او توديها على ونش وانا مستعد اقطرهالك شوف انت امتى وانا اجيلك

[Tarek Gen 2]

اجارك الله في مصيبتك وعوضك خيرا منها وربنا يعينك يا استاذ طارق بس الافضل تقطر العربية لحد التوكيل او توديها على ونش وانا مستعد اقطرهالك شوف انت امتى وانا اجيلك

ربنا يخليك يا محمد باشا بس انا سألت الميكانيكى قاللى حط زيت قبل ما تمشى و روح التوكيل عادى لان طالما طريق سريع مش مشكلة لان الزيت مبينقطش طول منا ماشى و كمان اللمبة منورتش وانا ناوى اوديها بكرة التوكيل و اسيبها هناك مش همشى بيها يعنى تانى

و عموما انا معايا عربية تانية لو حكمت هقطرها بيها بس انتوا قلقتونى كدة لازم تتقطر !!
امال كلام الميكانيكى و بتاع الزيت اللى فى شيل قالولى عادى !!

و الف شكر يا ابو مريم تعبك يعز علية و منتحرمش منك

[pedro732000]

والله ده فكرنى باخونا callsherif لما عمل التعديل وسماعه باظت ومش عارف ايه تانى
شكلك اتحسدت ياطروق قلبى عندك
انا بكلمك بش مشغول على طول

[pedro732000]

انا فى الخدمة ياباشا
والله اجيلك واجيب عمر كمان

[Tarek Gen 2]

ابو عمر باشا
هتحسد على ايه بس دى حيالله صيانة الـ10000 هو انا كنت سقطلها ماتور 3000 cc

يالله الحمد الله على كل حاجة و معلش كان عندى مشكلة فى التليفون ماهو المصائب لا تأتى فرادى

انا فكرت الحم الشرخ بس قلقت يبوظ تانى مع اى مطب ولا خبطة صغيرة ولا حاجة خصوصا ان العربية زيرو
ادينى هاروح بكرة التوكيل اهه بس يا رب يكون الزيت كله منزلش بقى

و ربنا يسهل بكرة و يهدى عمو عز علينا و تطلع القطعة دى موجودة لانى الفترة دى وراية سبعميت الف حاجة

و بكرة ان شاء الله ربنا يسهلها من عنده طبعا الموضوع ده هاياخد فى وشه كام يوم بس يا رب ميطولش بقى

والف شكر يا معلم والله ضحكة عمر تنسينى اى حاجة ربنا يخليهولك و يحميهولك من اى شر و من اى عين يا رب

[أبومعاذ]

و الف شكر يا ابو مريم تعبك يعز علية و منتحرمش منك :ta_clap[1]:

يا باشا انا كدا كدا شغال في سمارت يعني مفيش تعب ولا حاجة
لو رايح الاتنين انا اجيلك اقطرلك العربية

[ramyso4]

متقلقش من لحام الكرتيره أنا كانت اتكسرت جامد عندي وحتة طارت مش إتشرخت زي عربيتك ولحمتها وماشية مظبوط

[sayed911]

لو حضرتك مش مسعجل على العربية يا استاذ طارق انا كنت ها افضل انك تطلب شركة التأمين وتعيش معاهم في الفترة ديه لأنو اكيد اكيد نتيجة الفحص ها تثبت انه ده نتيجة حادث ولكن انا معرفش ايه نظام حضرتك مع التأمين يعني شامل ولا الوضع ايه بالضبط ولكن بصراحة حتى لو الوضع ها يطول اسبوع مثلا تتصلح على حساب التأمين ده افضلك من اي شئ بكتير جدا ولكن المفروض في شركات تأمين محترمة بتدي العميل سيارة بديلة لحين انتهائه من قضاء حاجته واصلاح سيارته ولكن هيهات ( حلوة هيهات دي ) هه ونصيحة يا استاذ طارق من اخوك الأصغر منك انك يفضل تجيبلها ونش عشان توديها مش ها تيجي من 100 جنيه ونش حتى لو في حالة 0.000000000001% فيها خطر على الماتور طيب وانتا ايه اللي يجبرك على الخطر ده منتا كده كده جايب زيت اكيد بمبلغ اكتر من كده ولكن انا بفضل انو حضرتك تخلي الونش يوديها لحد هناك لأنو مع حرارة الجو وطبيعة الطريق اللي اكيد ها يقف ويمشي مرارا وتكرارا يبقى متحطش نفسك في خانة الخطر وتتعطل بالعربية وتبقى ماشي قلقان يبقى فكر برضوا وشوف وطمنا ياريت بكرة على حضرتك وايه اللي جرى وحصل مع حضرتك بكرة وقدر الله وماشاء فعل وبالتوفيق غدا يا اخي ...

[Tarek Gen 2]

الف شكر ليكو يا رجالة
@أبومريم

الف شكر ليك يا غالى انا هروح بكرة ان شاء الله و اسيبها هناك و اعمل مقايسة و اوديها التأمين عشان ينزل المعاين تانى يوم او تالت يوم ان شاء الله و لو جد جديد و هروح الاتنين هبقى اقول لحضرتك بس برضه ابقى هات مريم معاك

@ramyso4

والله يا باشا انا وديتها لواحد قاللى هينفع تتعمل بس هية ضعيفة و هية فعلا متهيألى ضعيفة عندنا فى الجين فمش عايز اعملها و مع مطب او حكة او اى حاجة تفك و تبهدلنى تانى و العربية جديدة و مش عايز اهنها يعنى وانا لو اضمن انها تبقى تمام 100 % كنت لحمتها بس الاحسن تتغير و خلاص

@sayed911

والله يا ابو السيد انا مأمن شامل المفروض و كلمتهم قالولى وديها التوكيل و هات مقايسة و هنودى المعاين تانى يوم ان شاء الله انا مشكلتى كلها فى الوقت بس محبوش يطول زيادة عن اللزوم و كله متوقف على القطعة دى ان شاء الله لو لقتها بكرة هحجزها علطول

و انا ان شاء الله هقطرها بالسيراتو بكرة و لو انها تعز علية و دى اهانة للجين تو بس يالله زى بعضه السيراتو سيراتو برضه

و الموضوع مش موضوع فلوس انا بس عايز اوديها بكرة و موضوع الونش ده عايز تظبيط و طبعا مفيش وقت دلوقتى لو على الفلوس انا حتى جبت زيت عارف انه هينزل تانى و جبته شيل مرضتش استرخص مع انه زمانه بينزل دلوقتى
و لاحمد لله ان الدبشة دى منزلتش على الكبوت ولا الازاز ولا فى وش العربية الحمد لله كانت تبقى مصيبة اعظم

اللى عايز حاجة من التوكيل بكرة يقولى و انا اسأله بقى ان شاء الله

[Tayer]

طارووووووووووووووق التأمين هيغطيها هيه بس مسأله وقت مش أكتر
و أنا رايىى ونش وش

[Tarek Gen 2]

طارووووووووووووووق التأمين هيغطيها هيه بس مسأله وقت مش أكتر
و أنا رأيي ونش وش

ان شاء الله يا معلم يغطيها وانا هحاول بكرة فى موضوع الونش ده منفعش هقطرها بالسيراتو و ربنا يسهل ان شاء الله يا روقة

[sayed911]

بص يا استاذ طارق انا عارف اني غتيت ورزل وكمان بحط نفسي وبحشرها في كل شئ ولكن انا حابب اني افكر مع حضرتك للأفضل وعشان تكون كمان مطمئن ..

والله يا ابو السيد انا مأمن شامل المفروض و كلمتهم قالولى وديها التوكيل و هات مقايسة و هنودى المعاين تانى يوم ان شاء الله انا مشكلتى كلها فى الوقت بس محبوش يطول زيادة عن اللزوم و كله متوقف على القطعة دى ان شاء الله لو لقتها بكرة هحجزها علطول

انا عارف يا استاذ طارق نظم شركة التأمين في مصر ولكن خليك مصر جدا غدا ان شاء الرحمن ان يتم عمل المقايسة بالكامل بكل شء حصل وتصر جدا وتخليك جدي جدا مع شركة التأمين وترفش اي نوع من انواع التخفيض ممكن يتعمل في المبلغ بأي حجة من الحجج ويارب تطلع شركة التأمين كويسة ومبوخوش ..

و انا ان شاء الله هقطرها بالسيراتو بكرة و لو انها تعز علية و دى اهانة للجين تو بس يالله زى بعضه السيراتو سيراتو برضه

استاذ طارق حضرتك لو نزلت اي بنزينة موبيل او اي بنزينة في الشارع ها تلاقي معاهم 4578564 كرت لشركة نقل وانا بفضل مقاطير شركات موبيل عشان ناس فاهمة العربية بتطلع ازاي على الونش مش اللي يطلعها ويخلع فيها حاجة وبالتلفون ها تربط معاه معاد ولكن انا نصيحة مني ليك حتى وان كان المشوار 100 متر مش محتاج خالص انك تقطره بالسيراتو عشان حرام برضوا يا استاذ طارق وشد عصبي وومشي ودارس فرامل وداس بنزين ولو قفلت جدا انا عارف انو التوكيل ممكن يكون عنده عربية للقطر تقريبا على حد علمي .. او لو زنقت قوي النهاردة الديليل عنده ارقام للأوناش اللي بتبقى في الحرافيين ربط مع حد فيهم يكون عندك الصبح واكد عليه في المعاد برضه ..

انا حتى جبت زيت عارف انه هينزل تانى و جبته شيل مرضتش استرخص مع انه زمانه بينزل دلوقتى

استعوض ربنا فيه بقى وبعدين ياما العربية اكيد خدمتك مفيش فيها حاجة لما تتدلع عليك شوية وتدلعها بشوية زيت كده حلوين

و لاحمد لله ان الدبشة دى منزلتش على الكبوت ولا الازاز ولا فى وش العربية الحمد لله كانت تبقى مصيبة اعظم

قضاء الله وقدره وقدر الله وما شاء فعل والحمد لله على كل شئ

وفي انتظارك غدا بالذي سوف يجد معك اخي ان شاء الرحمن وبالتوفيق اخي ان شاء الله ...

[A.Saad]

علشان خاطر الحبايب

http://www.nilemotors.net/Nile/84854-a.html

وممكن تحجز الونش من دلوقت لو تحب