جين 2 اوتوماتيك

[ahmedsiyam]

السلام عليكم
اولا انا كنت عملت الموضوع ده من يومين بس يظهر ان نقل الداتا على السيرفر الجديد ماخلاش الموضوع يظهر تانى
انا حبيت اقولكم بس على انطباعى عن قيادة الجين 2 الاوتوماتيك
انا جربت واحد تانية اوتوماتيك موديل 2006 و عاملة 40000 كليو متر زيى المانيوال اللى كنت جربتها قبل كده
لا العربية ماشاء الله زيى الفل حاجة كده 10/10
بالنسبة لموضوع الصالون كان التصميم الرياضى يديك احساس انها فقيرة بس صاحبى اللى جربتها معاه حريص اوى فى موضوع النظافة و بالتالى العربية زيى الفل
اى حاجة فى العربية مضبوطة و مافيش مشكلة فى الفرامل زيى العربية التانية
عموما انا اقتنعت جدا بالعربية لدرجة انى قولتله هاشتريها بس عايز اعرف السعر اللى هو اتكلم فيه مناسب و لا اروح انفذ فى الزيرو علما بان العربية موجود خلاص فى عز العرب
العربية مو 2006 اوتوماتيك موش سبورت باكيدج لونها نبيتى و عاملة

[ahmedsiyam]

42000 كيلو متر و حالتها ممتازة و زيى الفل
ياريت الرد من الاخوة الاعضاء اللى فاهمين يكون السعر فى حدود كام
او نتوكل على الله و نشتريها زيرو و ان كان المستعمل هايبقى اهون خاصة ان الحالة زيى ماقولتلكم 100 100

[ahmedsiyam]

يا رجالة حد يرد عليا لو سمحتم
الناس فى عز العرب بيتكلموا فى ان قيمتها لن تزيد عن 65000 جنيه هل ده معقول ؟
عربية الزيرو بتاعها بـ 90000 تتباع 2006 بـ 65000 جنيه

[fahd_628]

لأ اعتقد ان فية حاجة غلط لأنى بشوفها بتتباع فى حدود السبعينات

[shady_love]

انا الى شوفتو وسمعتو انها بتلعب من اول ال80 الف و نازل فى اخر السبعينات يعنى ميش بتنزل عن 75الف بكتيرو اوى

[Sharky]

إللى أنا بسمعه إن الجين 2 مش شغالة قوى فى المستعمل علشان كده سعرها بيقل و خلى بالك إن 42.000 كم فى سنه تقريبا كتير فأنا شايف إنه سعر معقول

[sndbad111]

لأ اعتقد ان فية حاجة غلط لأنى بشوفها بتتباع فى حدود السبعينات

العربيه مش مطلوبه فى المستعمل لأنى انا اتباعت ادامى واحده نفس المواصفات موديل 2006 ب 77000 الف جنيه

[kmatshooo]

فى المستعمل بيقولوا النمر عليها 10 الاف والسنة ب5 الاف اذا كان الاستخدام ممتاز يعنى متعديش 50 الف فى السنتين وتكون بحالتها يعنى من وجهة نظرى 70 الف وخلى بالك موديل 2006 كان فيه مشاكل وانا كان قدامى واحده 2007 اتومتيك سبورت الى ب94500 جديدة وكانت عاملة 12 الف كم وكان صاحبها عاوز 80 الف وبصراحة من وجهة نظرى الزيرو احسن واوفر واضمن وانضف واريح

[ahmedsiyam]

شكرا على النصيحة يا اخ كامتشو وانا الحمد لله حجزت 2008 خلاص

[Hassan Khalil]

الف مبروك ..و عقبال الاستلام ان شاء الله قريبا ..
حجزت من الصحراوي و اللا من مدينة نصر ..و اللون ايه؟؟

[ahmedsiyam]

الله يبارك فيك يا اخ حسن
انا حجزت من الصحراوى و ان شاء الله يا اما الفيرانى او النبيتى

[Hassan Khalil]

ما شاء الله .. لونين حلوين .. و لو انني ( شخصيا ) حابب النبيتي ..
نصيحة من اخوك ..
اخطف رجلك لحد معرض مدينة نصر .. حتلاقي هناك ا / نذير اباظة
كان عندهم واحدة فيراني صاحبها كان حاجزها و يظهر غير اللون او حاجة زي كده .. و كمان كان عندهم واحدة نبيتي .. يمكن ربنا ييسر لك الحال و متستناش و تستلم علطول .. و ناخد منك لفة ..
الكلام ده كان الاربع اللي فات .. و الخميس و الجمعة كانوا اجازة .. ممكن جدا تلاقي العربيات لسه موجودة ..
كلمهم و قوللي عملت ايه
و بالتوفيق

[ahmedsiyam]

حسن بك خليل
صباح الخير و مشكور على اهتمامك
انا بالفعل كلمت ا/نذير و اللى موجود عنده دلوقتى اوتوماتيك هو اللون النحاسى فقط
و هاستنى بقى لاول مايو ان شاء الله و ربنا يسهل

[Hassan Khalil]

بالتوفيق ..
و ان شاء الله نبارك لك قريبا جدا