Tweet
بسم الله الرحمن الرحيم
الجز2 الثانى من موضوع حصرى بالصور و الفيديوهات تركيب subwoofer we amplifier على جين2 على الرغم انى ملقيتش من الاداره الاهتمام بالموضوع و لا الاعضاء برضو و كتر خير الناس اللى ردت طبعا انما انى الاقى مشاهدات 700 مشاهده و مفيش غير 20 رد بس فا حسيت انى مضطر اعمل كده تانى لانى بحاول اعمل حاجه كويسه و محدش كان مهتم و مع ذلك انا بعمل كده من غير مقابل و بغرض انى اقدر اساعد الناس بدل ما تروح عند صنايعيه و يضحكو عليهم او يبقى اللى رايح يعمل عرابيته يبقى فاهم هو رايح يعمل ايه عشان مفيش صنايعى يبوظ حاجه و برضو المفروض انه مرجع للناس اللى زى كده بتحب تعمل حاجتها بنفسها عشان مش كل الصنايعيه شغلهم نضيف و عندهم ضمير و انا اسف اذا كنت طولت عليكم و هندخل فى الموضوع حالا
نيجى نحط هنا اللينك بتاع الموضوع عشان اللى مشافش الموضوع يفهم معانا احنا كنا بنعمل ايه
انا كنت قلت فى اخر الموضوع ان فى حاجات و امكانيات فى الكاسيت مش كل الناس عارفاها على الرغم انها موجوده و محدش بيستخدما زى مثلا AUX المدخل المعروف جدا فى كل كاسيتات بايونير و سونى و موجود فى معظم العربيات الزيرو هو موجود عندنا فى الكاسيت بتاع ال جين 2 و علما ان فى ناس بتبيعه باسعار فلكيه 90 جنيه !!!!!!!!!!! ليه يعنى هو كابل فيبر !!!!!!!! انا عملته و ركبته ب 5 جنيه فكنت حابب للناس انها تعرف ازاى يتعمل دى حاجه و الحاجه التانيه اننا نستغل وصلة الريموت اللى فى الكاسيت عندنا عشان نشغل الجى ام او الامليفاير لو انت مركب سيستم فى الجين زى كدا و دى حاجه برضو مهمه بدل ما تعمل موضوع المفتاح ده و توجع دماغك و على فكره المحلات بتاعة الكاسيت و السماعات من اولهم لاخرهم مفيش حد بيشكر فى السى دى بتاعنا بس ولله انا واثق واثق ان لو حد سمع الصوت عندى هيقول toz فى البايونير و السونى و غيرهم و مش هيفكر يغيره و صدقونى كلهم بيعملو كده عشان يحلو بضاعتهم فقط حتى لو الكاسيت اللى عنده ردىء هيقولك اصله خرجه تنضف من اللى عندك !!!!!!!!
كفاية رغى بقى
عشان محدش ينام منى نبتدى بقى بالصور و ندخل عالمهم
دى صورة ال pin configuration للسي دى بتاع الجين 2
هنلاقى عندنا فى ال C3 ال pin رقم 18 - 19 - 20 و دول مختصين بوصلة ال aux و الpin رقم 16 دى بتاعة الريموت remote turn on اللى بتبقى موجوده فى الجى امات
المهم كده احنا عرفنا هنوصل فين فى الكاسيت و ادى صورة ال Pin configuration بتاع ال جاك ال aux
كل اللى هنعمله هنروح نشترى كابل سعره تقريب 3 جنيه و كل ما يغلى يكون احسن فى الجوده انه ميقطعش معاك او غير عشان تركيبه متعب شويه اسمه فى السوق وصلة صب بتاع كمبيوتر او وصله 1فى 1 و نقص طرف منهم ة ناخد منه ال 3 اسلاك و نجيبلهم ترامل الصغيره و ال واحده تقريبا ب 10 قروش , ب ونكبسهم و ضرورى اوى انك تعرف فين فيهم الارضى و left و right عشان الصوت ميخلفش ممكن تظبطها بالافو على ال buzzr و ترعرف كل واحده فين و بعد اما تجهز السلك تعزل كل فرده لواحدها و تبقى جاهز على التركيب
و بجده احنا عملنا وصلة ال aux طبعا اللى كان متابع معايا موضوع الصب و الجى ام اكيد اخد بالو ان مفيش وصلة ريموت انا كنت عامله بمفتاح ورا جمب الجى ام بس دلوقتى خلاص خليته مع الكاسيت يفتح معاه و يقفل معاه
اسبكو مع الصور عشان الصورة بميت كلمه
طبعا الكابل الرمادى ده ال aux و الاسود ده الريموت
كله ركب و خلاص وانتو شايفين الريموت و ال aux جمب بعض
و دى ال kick panel
و الباقى كان تقفيل الكونسول و كان مقرف شوية بس ولله السهل هو كله 3 مسامير ورا و واحد تحت زرار المراية و خلو بالكو منه اوى عشان ده ممكن يكسر الكونسول
[youtube]http://www.youtube.com/watch?v=3Vf-GxKyO3c[/youtube]
[youtube]http://www.youtube.com/watch?v=4_ua-7hy0L8[/youtube]
[youtube]http://www.youtube.com/watch?v=iHJ_YFSu24c[/youtube]
[youtube]http://www.youtube.com/watch?v=njdey0tr_V8[/youtube]
[youtube]http://www.youtube.com/watch?v=vgkHc9ZyHOs[/youtube]
[youtube]http://www.youtube.com/watch?v=97UWyKNSC34[/youtube]
[youtube]http://www.youtube.com/watch?v=gBygaeqsiF0[/youtube]
[youtube]http://www.youtube.com/watch?v=SyFYu3KnVNs[/youtube]
و فى النهاية اتمنى ان المضوع يكون عجبكو و اى برضو اى استفسار فى اى حاجه انا فى الخدمه يا شباب و اى سؤال متترددوش
.gif "Majd(4)")
Comment