نزلت التوكيل اتفرجت علي جين 2 2010 النهاردة وليا شوية ملاحظات

[solghof]

نزلت التوكيل اتفرجت علي جين 2 2010 النهاردة وليا شوية ملاحظات
لما بتيج تقفل الابواب او الشنطة لازم ترزعهم جامد شوية مش عارف ليه
الزراير اللي في التابلوه عاملة زي ماتكون زراير لعبة يعني لما بتلمس الزرار بتحس انك مش دايس علي حاجة
زرار المرايات اللي في الباب تعبان جدا عامل زي الزراير بتاعة فانوس رمضان الزرار الصغير المشرشر ده
المراية الوسطانية بتتحرك تحس انها خفيفة اوي يعني ممكن تحركها علي طولك تروح راجعة مكانها تاني يعني تقريبا عايزة تخشينة شوية
مستوي الدريكسيون منخفض حتي في اعلي مستوي له مقارنة بالعربيات الاخري
والجميل ان ابعاد العربية لذيذة بس احس ان السقف واطي شوية رغم اني مش طويل اوي حوالي 175 سم وبضطر ارجع الكرسي علي الاخر
بس العربية وسعها حلو ماشاء الله وشنطتها صغنونة شوية بس لذيذة
بس المراية الوسطانية وزرار المرايات دول اكتر حاجة قلقاني لأنهم هايبقي عليهم هرس كتير لان ممكن والدي يسوق العربية اكثر من مرة للتجربة برضو وممكن يستحلي سواقتها
الفرش شكله جميل بس بحس انه ممكن يفرول او يتقطع مجرد احساس وسواسي يعني بحس انه ممكن يفرول زي حتة السفنج لو نتفتها كده
بس طمنوني يااخوانا والنبي علشان انا بفكر احجز

[solghof]

وبالرغم ان الساجا اصغر منها بس وانا بدخلها وبخرج منها بحس انها اوسع في الدخول والدريكسيون اعلي بكتير

[Boory]

بما إنك غالبا يتفكر تشتريها زي حالاتي ... إيه رأيك في وسعها لأن ده الشيء الوحيد اللي مضايقني ... الحقيقة أنا متعود على السيارات العريضة زي البيجو 505

[solghof]

بنظرة سريعة علي العربية هيا عرضها كويس اينعم اصغر طبعا من عرض البيجو 505 والتويوتا كورولا اللي مع والدي
بس عرضها حلو علشان تقدر تعمل بيها مناورات او تمشي بيها في شوارع ضيقة شوية
ولما رجعت الكرسي علي الاخر اللي ورايا قاعد مرتاح برضو
بس المشكلة اللي بالنسبة لي انخفاض مستوي الدريكسيون ( بعد مارفعته علي الاخر ووطيت الكرسي علي الاخر ) اكتر من كل العربيات اللي سوقتها
يعني تحس وانتا قاعد انك واخد الدريكسيون علي حجرك بس مش لامسك اوي يعني
والزراير خامتها very poor والزرار مالوش رد فعل وانتا بتدوس عليه او تحس ان مفيش تحته كاوتشة او سوستة
والمراية اللي في النص تحس انها ضعيفة اوي ممكن تطلع في ايد الواحد وانتا بتظبطها
وانا لسة ماجبتهاش وبفكر في الاوتوماتيك علشان الراحة بالرغم من حبي الشديد للمانوال بس لازم الواحد يروح شغله مرتاح وبأقل مجهود وفاتح التكييف ومش عرقان ومتبهدل
بس الحاجات الحلوة اللي شدتني ليها
ارتفاعها عن الارض ممتاز بجد للمطبات العالية اللي بقت في الشوارع اللي هاريانا في حك شاسية التويوتا كورولا
والعفشة الرياضية اللي معوضة الارتفاع اللي بتزود السبات
بس نفسي اسوقها علشان ابقي متطمن اكتر

[solghof]

حد يفيدنا ياخوانا الزراير دي هاتسحمل تشتغل اكتر من 10 مرات ولا ايه ؟
والمرايا اللي بتطلع في ايد الواحد دي ايه نظامها ؟؟
وقولولي علي اي عيوب مستقبليه ممكن اكتشفها
علشان ابقي عارف كل حاجة وابقي متطمن

[solghof]

لو هاتستحمل اكتر من خماشر مرة انا موافق

:b4_611:

[wekabika]

انا عندي المرايه الي في النص عايزة اتنين يلفوها العريبيه الي انت شوفتها ده فيها مشكله

[solghof]

انا عندي المرايه الي في النص عايزة اتنين يلفوها العريبيه الي انت شوفتها ده فيها مشكله

طيب كويس والله طمنتني
بس ياريت تقولي ايه الحاجات اللي لازم اراجع عليها قبل ما استلم العربية ان شاء الله
بس لما احجزها الاول

[solghof]

انا عندي المرايه الي في النص عايزة اتنين يلفوها العريبيه الي انت شوفتها ده فيها مشكله

طيب كويس والله طمنتني
بس ياريت تقولي ايه الحاجات اللي لازم اراجع عليها قبل ما استلم العربية ان شاء الله
عندما اقرر اني احجزها ان شاء الله

[solghof]

هيا بتاعة 2010 رجعو فيها ال ebd
اصلي قريت في موضوع في المنتدي هنا ان تم حذف ال ebd مع مثبت السرعة في الجين 2 2009

[XXXMEMOXXX]

صباح اشطات

انا من راي انك تلغي الفكره ,, انا لو منك ونزلت اتفرجت على عربيه اشتريها ولاقيت كل الملاحظات دي انا اهرب من المكان بسرعه ,, وبعدين نطمنك ازاي ,, مش شوفتها بعينك وقدرت انك تشبها كمان بلعب وفوانيس علشان تقربها لدمغنا (ربنا يجازيك خير ) يبقى خلاص اي كلام مننا هيكون في البلالا ,,

[M.almaghraby]

صباح اشطات

انا من راي انك تلغي الفكره ,, انا لو منك ونزلت اتفرجت على عربيه اشتريها ولاقيت كل الملاحظات دي انا اهرب من المكان بسرعه ,, وبعدين نطمنك ازاي ,, مش شوفتها بعينك وقدرت انك تشبها كمان بلعب وفوانيس علشان تقربها لدمغنا (ربنا يجازيك خير ) يبقى خلاص اي كلام مننا هيكون في البلالا ,,

هههههههههههههههههههههههه ليه الاحباط دا بس يا دكترة انا معاك ان العضو الكريم بالغ شويتين فتعبيره مش عارف ليه بس عامة لو انتا فعلا مش مرتاح للعربية فكر فبديل تاني اريحلك ,,,, اما عن موضوع الزراير انا مش ملاحظ كدا الحقيقة !!! و العربية بقالها سنتين اهي و كله شغال !

[solghof]

انا عارف يا إخوانا ان اي حد بيحب عربيته مابيحبش حد يقول عليها الهوا ومقدر الموضوع ده
بس اي حد بيخش علي مرحلة جديدة بيبقي قلقان ونفسه انه يدفع Best Value For Money
ومعظمنا كان عنده المشكلة دي
وانا اساسا من اشد المعجبين بالعربية
بس في نفس الوقت قلقان وده طبيعي زي اللي داخل امتحان او زي اللي هايحط فلوسة في البورصة وياعالم هايكسب ولا يخسر
بس لما الواحد بيتكل علي ربنا ربنا مش بيديله حاجة وحشة
وانا قولت اسألكم عن موضوع الزراير ده وتوقعت ان الناس تقولي ده كان انطباعي الاول عنها وبعدين لقيتها بتأدي مهمتها علي اكمل وجه
او حد يقولي بقالها 3 سنين معايا ومقشرتش ولا جرالها حاجة
ازداد اطمئنانا
لاني مش بصدق التجار كله عايز يبيع ويقولك زي الفل
انما اكيد طبعا هصدق المستهلكين اللي هما حضراتكم
فمحدش ياخد الموضوع بـقـفش ولا اني بسخر من العربية لأني ان شاء الله هكون واحد من البروتوناوية قريبا
واكيد الواحد طالما اتطمن من الاساسيات التي لا خلاف عليها زي العفشة والموتور والثبات والكماليات الكتير
يبقي هايقل القلق منه بص طبعا الواقع بيصدم لما شوفت الزراير بالشكل ده بصراحة قلقت
لاني بشوف الصور من علي الجوجل كلها بتبقي جين 2 مواصفات اوروبية وصور التابلوه وهم
انما لما نزلت لأرض الواقع اللي هو التوكيل وشوفت التابلوه والزراير قلقت
لان كل يوم تقريبا بركب الكورلا مع والدي واساسا انا بقنعه بصعوبة بالعربية الجين 2
فهو اكيد مستغرب من الماركة ومن الماليزي لأنه جديد عليه وحاطط ال standard بتاعة الكورولا الهاي لاين بتاعته من حيث التقفيل والكماليات والثبات مع اختلاف الفارق الكبيييييييييييير في السعر التويوتا الهاي لاين ب 159 الف
فبالكماليات اقتنع الحمد لله والموتور 1600 يعطي 110 حصان قال كويس برضو والجري وشافناها بتجري كتير قدامنا
انا اصلا متعلق بالعربية والله وبحبها جدا كشكل انما عمري ماسوقتها
ودي ان شاء الله هاتبقي اول عربية زيرو ليا في حياتي
كنت بركب مستعمل بتاعي او عربيات صحابي واقاربي او سيارة والدي
وبجد عايز اعرف منكم كام حاجة كده
علشان البروشور مش عليه تاريخ
هل EBD اتشال
وهل الجين 2 القديمة كانت بتشغل اسطوانات اوديو فقط
وماخاب من استشار وماضل من استخار
ولا انتوا ايه رأيكم

[solghof]

هههههههههههههههههههههههه ليه الاحباط دا بس يا دكترة انا معاك ان العضو الكريم بالغ شويتين فتعبيره مش عارف ليه بس عامة لو انتا فعلا مش مرتاح للعربية فكر فبديل تاني اريحلك ,,,, اما عن موضوع الزراير انا مش ملاحظ كدا الحقيقة !!! و العربية بقالها سنتين اهي و كله شغال !

مش برضو جايز ان موضوع الزراير ده في الموديل بتاع 2010 اللي شوفته
انا معايا فيديو بتاع user guide
وزرار المرايات كان في النص
انما العربية بتاعة 2010 كان زرار المرايات في الباب

[Tarek Gen 2]

الراجل مبالغش ولا حاجة
الزراير اللى فى جمب العربية فعلا رخيصة موت و شكلها وحش موت و خامتها فقيرة جدا و شبه لعبة الفانوس بس بتأدى غرضها و بتعيش مش هتعيش ليه !!
و المرايا اللى فى النص قوية موت اللى ركبتها فيها مشكلة بس
و الزراير اللى فى التابلوه شكلها سيئ فعلا بس بتعيش رغم ان نظامها اللى من غير سوستة و لا تكة ده انتهى منذ عصور بس الزراير بتعيش و مفيش فيها مشاكل ان شاء الله

و الدركسيون فعلا واطى انت يمكن قصير عنى انا بقى بيحك فى رجلى و السقف مش واطى خالصصصصصصص انا اطول منك كتير و ده مش عاملى ازمة

المجمل ان العربية لو ركزت فيها فا فيها حاجات مش هتعجبك اكتر بس مش عيوب جوهرية هى مجرد شكليات لكن اداء و كماليات و امان و امكانيات مفيش اجسن من كدة و ده المهم فى عربية ب 90 الف

وانا لو مكاناك ابص بصة كوبسة و احدد لقتها تناسبنى باللى فيها اتكل على الله لقيتها لا اشترى حاجة تانية بس لازم تقارن بينها و بين التانية اللى فى نفس الفئة و من كل النواحى مش من ناحية الزراير و الخامات بس