إعـــــــلان

Collapse

.

,
See more
See less

ايه هوا تعديل علبه الدركسيون؟؟؟؟؟؟

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    ايه هوا تعديل علبه الدركسيون؟؟؟؟؟؟



    السلام عليكم يا اهل بروتون الكرام

    المنتدي هادي وجميل ويشجع الواحد علي المشاركات
    النهارده هنتكلم عن تعديل علبه الدركسيون
    ايه هي علبه الدركسيون
    كيفيه عملها
    اجزاء اليه التوجيه
    ايه هوا التعديل
    بيركب فين
    فوائده



    ايه هي علبه الدريكسيون     ؟؟؟

    علبه الدركسيون بكل بساطه الجزء المسئول عن توجيه العجلات الاماميه في اتجاهين يمين وشمال عن طريق حركه الدركسيون وبيتم ذلك عن طريق عدد من التروس





    كيفيه عملها ؟؟؟


    نظام التوجيه بيقوم بتحويل حركه الدركسيون الدائريه في اتجاه عقارب الساعه وبعكس اتجاه عقارب الساعه الي حركه محوريه للعجلات الاماميه وفي العربيات الخفيفه مابنحتاج نظام الباور
    يعني مثلا العربيات الهاتش باك مفيش ضروره لاستخدام باور
    لكن اغلب الموديلات الحديثه مزوده بنظام باور استيرنج وده لتخفيف حركه الدوران




    الاجزاء ؟؟؟

    - الاجزاء ترس لولبي
    - وترس عرضي بكل بساطه




    علبه الدركسيون المزوده بوحده باور هيدروليكيه

    مثل ما كلنا نعرف ان اي احتكاك بين جسمين بينتج عنه حاجات كتير
    واهم حاجه احنا هنتكلم عنها ان نتيجه احتكاك الكاوتشات الاماميه بالاسفلت ونتيجه وزن العربيه وعرض الكاوتش بيكون في مقاومه وجهد كبير لتحريك الدريكسيون يمين وشمال
    عشان كده تم تزويد العربيات الحديثه بوحده الباور
    زمان كنت اسمع عن عربيات معينه الي فيها باور
    اكن دلوقتي 99% من العربيات بتكون نازله بالباور حتي العربيات الصغيره او الهاتش باك .


    ايه هوا الباور ؟؟؟


    الباور ببساطه .... وسيله مساعده لقائد العربيه (مش انك لما تعوز تلف تقوم تتصل بصديق )

    الباور عباره عن استخدام القدره الهيدروليكيه في القيام بـ 75% من الجهد الواقع علي السواق
    وطالما قولنا هيدروليك معني كده ان في طلمبه وطالما قولنا انه بيقوم بشغلنا بنسبه 75% معني كده ان الباور بيشتغل وبيفصل كمان في حاجه بتتحكم في الاتجاهات
    وطبعا اذا ذكر الهيدروليك معناه في زيت هيدروليك وخزان للزيت





    الصوره بتوضح الاجزاء واعتقد مش محتاجه توضيح

    بس الي عايز اقوله ان اي شيء بينظغط عشان نرفع الضغط بتاعه بينتج عنه ارتفاع في درجه الحراره وطبعا لازم يتم التبريد وعندنا في بروتون هنلاقي لو بصينا عند النمره الي راكبه في الاكصدام الامامي ماسوره ماشيه ولفه وراجعه تاني مكانها ... دي بتاعت الزبت الهيدروليك عشان التبريد ومكانها هنا عشان تكون في وش الهواء






    اعتقد لحد كده كلنا اخذنا فكره عن علبه الدركسيون واجزائها وطريقه عملها وكمان العلبه المزوده بوحده الباور الي هيا عندنا في بروتون جين برسونا واجا ويرا.

    ---------------

    طيب ايه اغلب مشاكل علبه الدركسيون ؟؟

    العيب الاول : المشكله الاساسيه والي نادر حدوثها هى ... تسريب لزيت الباور من اي من الاويل سيلات الموجوده علي العلبه ودي وارده جدا في اي علبه دريكسيون عشان محدش بفتكر اني بتكلم عن بروتون ودي حلها اما بتغير العلبه ككل او تغير الاويل سيلات باخري جديده

    العيب الثاني : وده حالات فرديه في عربيات بروتون وده اساس موضوعي النهارده

    :: صوت الخبط في العلبه ::

    صوت الخبط في علبه الدريكسيون بينتج عن المطبات الصغيره جدا التي لا تكاد تكون محسوسه لكن بتؤثر في السنتر الخاص بعمود اداره العلبه او بالبلدي كده الاسكاترا يعني وطبعا الترس اللولبي الي قلنا عليه بيكون راكب علي الاسكاترا عشان كده اي اختلاف في السنتر بيحدث عنه صوت الخبطه الي بعض منا سمعه.


    طيب ايه الحل ؟؟

    درسنا زمان ان السوائل عير قابله للانضغاط بعكس الغازات عشان كده بنستخدم السوائل في نقل الحركه زي الباور والفرامل
    وهي دي مشكله علبه الدريكسيون ان الزيت الموجود حول الترس اللولبي او البنيون غير كافي
    ونلاحظ ده في اي عربيه من عربيات الساده الاعضاء الي مقبلين علي عمل التعديل ده
    دور العربيه وخلي الدركسيون في وضع مستقيم
    افتح الكبوت
    انظر علي خزنه زيت الباور هتلاقي ان في زي فوران او تقليب للزيت مستمر وده معناه ان في رد فعل عكسي من الطلمبه .


    والتعديل الي تم من قبل شركه بروتون الام كالاتي ...

    الاول تعالوا نشوف مكونات نظام الدركسيون في بروتون عشان نقدر نفهم



    دي علبه الدركسيون بتاعتنا وباين فيها مواسير الزيت



    ده شكل الطلمبه وخزنه الزيت
    لحد هنا كله تمام ومفيش اي مشكله



    نيجي بقي للمهم او الجزء الي فيه المشكله ....




    الصوره بتوضح شكل لخزنه الزيت وبيكون راكب فيها من تحت خرطوم بقطر 1/2 بوصه عشان سهوله سريان الزيت
    الخرطوم ده راكب فيه من جوه خانف او بمعني تاني حاجه اضيق من قطر الخرطوم
    وهنشوفها في الصوره عليها دائره
    الجزء ده مش بيخلي الزيت الخارج من الطلمبه لعلبه الدريكسيون غير كافي بالدرجه الي تخلي الزيت بكون مغلف الترس اللولبي وعليه بنسمع صوت الخبط
    وبيتم تغير الاورفس ده او الخانق ده وبكده بيسمح بمروم كميه زيت اكبر الي في علبه الدركسيون كافي جدا لامتصاص الاصوات .

    طيب ممكن حد يسال هل ده ليه اعراض جانبيه علي المدي البعيد
    اقول لا لان في في علبه الدركسيون صمام امان بيدخل الزيت بضغط معين حسب التصميم وايضا الصمام ده بيقفل علي السرعات العاليه اعتقد عند 100 كم وده لضمان التحكم الاقصي في العربيه
    واي استفسار انا تحت امركم


    ramy
    الكلمات الدلالية (Tags): الدركسيون؟؟؟؟؟؟, ايه, تعديل, علبه, هنا
  • #2
    كالعادة..تسلم ايدك, كل يوم الواحد بيتعلم منك حاجة.
    [sor2]http://img833.imageshack.us/img833/8875/protonsig.jpg[/sor2]

    [IMG]http://i668.photobucket.com/albums/vv44/baskoty/_resize-67.jpg[/IMG]

    Comment

    • #3
      تحت امرك يا استاذ محمود
      ramy

      Comment

      • #4
        رائع رائع رائع ...
        ربنا يبارك فيك يا أ/ رامي ...
        الموضوع رائع والشرح بسيط والصور واضحة... الموضوع ده مش بس بيعرفنا العيب اللي سعات بيظهر في البروتون ولكنة بيعرفنا ونفهمنا المشاكل اللي ممكن تقابلنا بعد فترة طويلة من الاستخدام وازاي نحلها..

        كتر الف خيرك على المعلومات العظيمة دي ... وحمدلله على السلامة رجوعك للمنتدى بقوة..

        لك مني كل احترام وتقدير اخي العزيز
        لكم تحياتي واحترامي

        Comment

        • #5
          ramy

          Comment

          • #6
            اســــــــــــــــــــــــــــــــــــــــــــــــ ــــــــــــــــــــــــــــــــــــتاذ










            [CENTER][SIZE=4]CominG SooN Gen 2 2011 ISA

            [/SIZE][SIGPIC][/SIGPIC][/CENTER]

            Comment

            • #7
              موضوع جميل ومفيد جدا يا استاذ رامي بس ليه استفسار
              التعديل في الواجا عبارة عن افيز طالع من قربة زيت الباور
              والتعديل في الجين او البيرسونا زي ما حضرتك قلت كدة
              السؤال بقى : ليه الواجا مش زي البيرسونا في التعديل ؟؟؟ وليه التوكيل ميعملش نفس فكرة التعديل دي للواجا علشان المشكلة تتحل نهائيا؟؟
              اسف على السؤال الرخم ده
              eng f3lix سابقا

              Comment

              • #8
                مش عارف اقولك ايه والله مجهود و موضوع اكثر من رائع بجد تسلم ايدك
                [CENTER][SIGPIC][img3]http://sphotos.ak.fbcdn.net/hphotos-ak-snc4/hs282.snc4/40425_416880907495_560652495_4833552_3411594_n.jpg[/img3][/SIGPIC] [/CENTER]
                [CENTER][SIZE=5][COLOR=black][COLOR=black]Protony [/COLOR][COLOR=black]4[/COLOR] [/COLOR][COLOR=black]Ever[/COLOR][/SIZE][/CENTER]
                [CENTER][SIZE=5]I [COLOR=black][COLOR=darkred]Love[/COLOR] [/COLOR]Saga [/SIZE][/CENTER]
                [CENTER][SIZE=5][COLOR=blue]لو لم اكن [COLOR=darkred]بروتونيا[/COLOR] لوددت ان اكون [/COLOR][COLOR=darkred]بروتونيا[/COLOR][/SIZE][/CENTER]

                Comment

                • #9
                  ايوة كدة يا وديع
                  استاااااااااااااااااااذ

                  لا انت لازم يتعملك كليب من اخراجى مقتبس على برنامج العلم و الايمان

                  شكرااااا للمعلومات يا كبير و ربنا يجازيك خيرا و يا ريت شرح لطريقة عمل الباشمهندس سيد فى التوكيل لان دى الحاجة الوحيدة اللى مش فاهما فى تكنولوجيا بروتون
                  [CENTER][mtohg=undefined]http://a3.sphotos.ak.fbcdn.net/hphotos-ak-ash4/283896_235991856435000_100000725633956_737794_744468_n.jpg[/mtohg][/CENTER]

                  Comment

                  • #10
                    انا ما اتعاملتش معاه بصراحه لاكن انا راقبته في مره من المرات من بعيد لبعيد كده ولقيته انسان عادي بيتنفس زي الناس وبيمشي عادي
                    بصراحه مش عارف احكم عليه
                    وبعدين وحش او كويس هوا انا هناسبه
                    وحش لنفسه كويس لنفسه برضوا
                    ramy

                    Comment

                    • #11
                      تسلم ايدك يا رامى
                      انا مش لاقى كلام اقوله بصراحة غير
                      جزاك الله خيراً على مجهوداتك
                      [CENTER]رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ[/CENTER]
                      [CENTER][img2]http://cdn2.worldcarfans.co/2007/8/medium/2070817.002.Mini6L.jpg[/img2][/CENTER]

                      Comment

                      • #12
                        السلام عليكم
                        الله ينور عليك يا باشمهندس رامي الموضوع كلوا تمام التمام أنا فعلا كنت ملاحظ المشكلة دي عند في صوت دقة صغيرة في الدركسيون فضلت أتتبع في الموضوع لغاية ما كنت في مرة فاتح الكبوت ولقيت زيت الباور أشبة بأنوا يكون بيغلي وبعد البحث فعلا لقيت أن أختلاف المقاسات اللي حضرتك ذكرتوا هوا السبب في أن الجريان بتاع الزيت مش مظبوط وأحب أوضح للزملاء نقطة هي أن الماسورة الصغيرة اللي راكبة على خرج خزان الزيت وظيفتها تزويد الضغط للزيت بحيث أنها تسهل وتبين أداء الطرمبة لكن أثارها السلبية ممكن تبان أكتر من إيجابيتها واليومين دول بس مستني ألاقي وقت وأعملها بنفسي وأحكلكوا على التجربة
                        [marq="3;right;3;scroll"]
                        كثرة المفترسات وضع طبيعي لكثرة الفرائس
                        [/marq]

                        Comment

                        • #13
                          بشمهندس رامى المبدع دائما بحييك لانى بجد فهمت العيب منين بالظبط وحلة قد اية سهل جدا
                          وطبعا الشكر ليك علشان بتوفر من وقتك ومجهودك فى انك تعمل المواضيع التحفة دى
                          تحياتى يباشا
                          [sor2]http://img534.imageshack.us/img534/7595/resize63.jpg[/sor2]

                          Comment

                          • #14
                            دائما في خدمه شعب جمهوريه بروتون
                            لاكن مازال التوبك لم يحصل علي شهاده الجوده منقبل بعض الاعضاء
                            ramy

                            Comment

                            • #15
                              المشاركة الأصلية كتبت بواسطة ramyar مشاهدة المشاركة
                              دائما في خدمه شعب جمهوريه بروتون
                              لاكن مازال التوبك لم يحصل علي شهاده الجوده منقبل بعض الاعضاء

                              هو انت محتاج شهادات جودة ياباشمهندس ....ده انت الجودة كلها

                              تسلم ايدك وربنا يباركلك

                              مواضيعك كلها ممتازة ومفيدة جدا
                              [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
                              [/CENTER]

                              Comment

                              السابق 1 2 3 template التالي
                              Working...
                              X