استفســـار لمالكي Gen-2

[mazagnge]

بعــــد التحية و الذي منة على كل اللي دخل الموضوع :) و كمان اللي بص و طلع من برة برة

.
.
.
.
عـــندي استفسار لمالكي العربية خصـــوصاً اللي غاويين أكسسوارات العربية و تدليعها ::o

1 - حــــد يعرف فين اركب الاسبويلر " الجناح الخلفي للسيارة " ؟
2 - اية اللي ممكن ينضاف إلي السيارة من أكسسورات و تدليع ؟
3 - ما يستجــــد ..... معلش الطمع بن حلال :p
..... أتمني التفاعل و طرح الافكـــار ..... بلاش سياسة مشكور الله يرضي عليكم :(

[fahd_628]

مازاجانجى باشا اسمحلى ارد فى موضوعك مع انى مش من مالكى الجين 2 :)

1 - حــــد يعرف فين اركب الاسبويلر " الجناح الخلفي للسيارة " ؟

لا للأسف معرفش

2 - اية اللي ممكن ينضاف إلي السيارة من أكسسورات و تدليع ؟

بص يا باشا اولا حسب الميزانية

طقم جنوط جامد كدة يكون 16 مثلا و كاوتش نقشة حلوة و رياضية مثل ال EAGLE من جوديير او لو مش عاوز تغيير الكاوتش تجيب 15

فيمية درجة خفيفة خالص اخف حاجة علشان المرور :)

ممكن لو عاوز تركب زينون بس عيبة ان فوانيس الجين 2 مش عدسات فا حيدايق الى جاى فى وشك فا لو مش عاوز تدايق الى فى وشك ( مع انى انا لو عاوز اركب زينون ححطة فى الفوانيس بس حطفية لو حد جاى فى وشى ) ممكن تركبة فى الفوجات و بيعمل شغل جامد بدون ما يضايق الى قدامك

فرش جلد لو تحب و على اللون الى يعجبك و ممكن تعملة 2 TONE يعنى لونين ممكن نبيتى مع اسود و دة حسب لون العربية الخارجى و زوقك طبعا

ممكن لو عاوز تجيب V-cool بدال الفيمية و دة بيعزل الحرارة انها تخش العربية و بيحسن كفائة التكييف جامد و دة انا رأى تجيبة و لكنة غالى سعرة ( تقريبا فى حدود ال 1000 - 1500 ) حسب النوع لأنة فية انواع و فية انواع شفافة خالص

العربية متدلعة و مش محتاجة تعديل كتيير يعنى لو اى عربية تانية كنت حقولك كاسيت و سماعات و باركنج سنسورز و فوجات و الكلام دة بس الجين 2 ما شاء الله فيها كل دة

اتمنى الأفكار تكون عجبتك و لو افتكرت حاجة تانية حقولك على طول :)

[mazagnge]

و الله أنت لورد يا فهــــد ..... متشكر كثير علي مداخلتك الرائعه و أفكارك الجميلة

بص يا عمونا ، بيني و بينك مش معقول أركب الباكيدج الاسبورت عشان بس الاسبويلر و ادفع 5.000 ج
لان الموضوع كـــدة هيبقي أسبويلر بـ = 5.000 ج و الباقي مش داخل دماغي قد كـــدة :(

و بيني و بينك الاسبويلر علي العربية شكلة يجنن و موووود تاني خالص

عمومــاً .... أدينا فتحيين الموضوع يمكن حـــد يفتينا ، او يعرف اللي احنا ما نعرفهوش :)
-----------------
فكرة الزينون في الفوجات حلوة ..... تدرج بالخطـــة
---------------------------------
بالنــــسبة للفامية : انا بيني و بينك نفسي فية ..... بس انت عارف غلاســـة المرور هنا و مش عايز نفسي في موقف مع حتة آمين شرطـــة فاكـــر نفســــة رئيس مرور شــرطـــة ملاهي الســــندباد .:p
بالمناســـبة : ما تعرفش لو عملت فامية للشبابيك الخلفية فقط بتاعة الكـــنبة ، برضة مخالفة ولا تعـــدي

---------------------------------
و انا معاك أن العربية متدلعة .... بس علي رأى حكيم لو ما كنتش أنت تدلعني ... مين ها يدلعني :p

شكرا ً علي مشاركتك فهــــد :)

---------------------------

و لمالكي الــــ Gen- 2 لو حــــد عــــــندة خلفية عن موضوع الاسبويلر دة ..... ما تبخلوا عنا :o

[abo3bdolrahman]

بص يا عم مزاجنجى إنت تخطف رجلك لغاية ولاد منصور فى شارع محطة الجيزة فى الجيزة و هو متخصص فى البروتون و بيستورد بأسعار أرخص بكثيييييييييييير من الوكيل و من بتوع شارع دمشق و شوف إيه اللى عنده لأنه كان قاللى إنه هايجيب كل حاجات الجين 2 لأن ناس كثير سالته عليها و على فكرة بيجيبلك بتوع التوكيل هما اللى يركبولك أى حاجة عاوز تزودها هوا معاه تليفوناتهم و إبقى فاصل معاه فى الأسعار. و أى خدمة يا باشا

[tutankhamoun]

بص يا عم مزاجنجى إنت تخطف رجلك لغاية ولاد منصور فى شارع محطة الجيزة فى الجيزة و هو متخصص فى البروتون و بيستورد بأسعار أرخص بكثيييييييييييير من الوكيل و من بتوع شارع دمشق و شوف إيه اللى عنده لأنه كان قاللى إنه هايجيب كل حاجات الجين 2 لأن ناس كثير سالته عليها و على فكرة بيجيبلك بتوع التوكيل هما اللى يركبولك أى حاجة عاوز تزودها هوا معاه تليفوناتهم و إبقى فاصل معاه فى الأسعار. و أى خدمة يا باشا

أبو عبد الرحمن ........... ألف شكر على المعلومة دي يا باشا
شوف أنا جيزاوي و ساكن في الجيزةو محاولتش و لا مرة أسأل أولا د منصور على حاجة !!!!
بس ألف شكر على المعلومات القيمة جدا
;) ;) ;) ;) ;)

و بالنسبة لأسئلة مزجنجي
يا عسل العربية مش محتاجة ترويش خالص غير موضوع الإسبويلر فقط لا غير
و أسمحلي يا فهد يا جميل

أنت مش محتاج تغير لا الكاو تش و لا الجنوط
العربية روشة بيهم جدا و بعدين العربية ثباتها عالي قوي و عالية عن الأرض
و أنا جربتها في مطبات كتيرة و محملة ناس و الحمد لله محكتش في ولا مطب
يعني هو الإسبويلر بس يا جميل

[ahmedmokhtar]

شكرا على المعلومة المفيدة دى يا باشا
ونبقى شاكرين جدا يا ابوعبد الرحمن لو ممكن تكتب رقم تليفون اولاد منصور

[tutankhamoun]

شكرا على المعلومة المفيدة دى يا باشا
ونبقى شاكرين جدا يا ابوعبد الرحمن لو ممكن تكتب رقم تليفون اولاد منصور

3 اولاد منصور
13 شالاع المحطة بالجيزة
7740354
0124893100


أي خدمة ياباشا

[ahmedmokhtar]

شكرا يا باشا على الردالسريع و المفيد
وليا سؤال ثانى عندك انا حجزت جين 2 اسبورت باكيدج مانوال فى الصحراوى بس بصراحة مستخسر4500 فى الاسبورت وعشان كدة عايز اسال اولاد منصور على الاسبويلر ونفترض انه موجود وممكن يركب هل ذلك يخرج السيا رة من الضمان
والمانوال ان شاء سوف ينزل مصرما بين 15-20 مايو
استحملنا يا لورد انت المرجع الرئيسى لنا

[fahd_628]

لا يا باشا ميخرجش العربية من الضمان

ملوش اى علاقة

زى اكنك حطيت دبدوب مثلا فى العربية و لو انى لا احب الدباديب فى العربية :)

متخافش محدش يقدر يكلمك

و ان شاء الله تستلم على خير و الف مبروووووووووووك مقدما

[mazagnge]

بص يا عم مزاجنجى إنت تخطف رجلك لغاية ولاد منصور فى شارع محطة الجيزة فى الجيزة و هو متخصص فى البروتون و بيستورد بأسعار أرخص بكثيييييييييييير من الوكيل و من بتوع شارع دمشق و شوف إيه اللى عنده لأنه كان قاللى إنه هايجيب كل حاجات الجين 2 لأن ناس كثير سالته عليها و على فكرة بيجيبلك بتوع التوكيل هما اللى يركبولك أى حاجة عاوز تزودها هوا معاه تليفوناتهم و إبقى فاصل معاه فى الأسعار. و أى خدمة يا باشا

100 المية يا أبو عبدالرحمن كلامك علي قلبي زى البلسم بتاع بيرت بلاس :p
و عـــذرا ً للتأخير في الرد ... بس كان بيني و بين الكمبيوتر مشكلة عائلية و هارد وير و سوفت وير و الموضوع اكبر مني و منك

........ كثير متشكر و نورت الموضوع .....

;) بس موضوع الفصال دة مفيش فية فصال ;)

[mazagnge]

و بالنسبة لأسئلة مزجنجي
يا عسل العربية مش محتاجة ترويش خالص غير موضوع الإسبويلر فقط لا غير
و أسمحلي يا فهد يا جميل

أنت مش محتاج تغير لا الكاو تش و لا الجنوط
العربية روشة بيهم جدا و بعدين العربية ثباتها عالي قوي و عالية عن الأرض
و أنا جربتها في مطبات كتيرة و محملة ناس و الحمد لله محكتش في ولا مطب
يعني هو الإسبويلر بس يا جميل

و الله يا كنج مش ها نختلف كثير ... هو الاسبويلر انا معاك .... بس يظل السؤال هو

يا تري و لاد الحاج منصور نظامهم اية .... هاينصرونا ولا ها يطلعوا من اولاد ابواسماعيل :p

يعني تفتكر الموضوع يكلف قد اية .... ما تكسب فينا ثواب يا بوب و تشوف الموضوع دة :o ..... يسعـــدك :o

و لك علي ان انكتب لنا عمر و عشنا .... اتجوز و اجيب 3 عيال واحدة اسمة توت و التانى عنخ و التالث امون ..... :D

[mazagnge]

شكرا يا باشا على الردالسريع و المفيد
وليا سؤال ثانى عندك انا حجزت جين 2 اسبورت باكيدج مانوال فى الصحراوى بس بصراحة مستخسر4500 فى الاسبورت وعشان كدة عايز اسال اولاد منصور على الاسبويلر ونفترض انه موجود وممكن يركب هل ذلك يخرج السيا رة من الضمان
والمانوال ان شاء سوف ينزل مصرما بين 15-20 مايو
استحملنا يا لورد انت المرجع الرئيسى لنا

تعال جنب أخواتك يا ابو كمـــال .... و الله شكلنا كلنا متفقين قلباً و قالباً على موضوع 4.500 جنية
بالنسبة لدفعة مايو ..... اصلا ً هى الفعة اللي جية ( اتوماتيك / مانيوال ) هتيجى فى مايو ، بيقولوا على منتصف مايو .... لكن انا اعتقد ان الاوقع هو أخر مايو او يونية :(

[mazagnge]

لا يا باشا ميخرجش العربية من الضمان

ملوش اى علاقة

زى اكنك حطيت دبدوب مثلا فى العربية و لو انى لا احب الدباديب فى العربية :)

متخافش محدش يقدر يكلمك

و ان شاء الله تستلم على خير و الف مبروووووووووووك مقدما

انا فقط بصبح على الفهــــد الساهـــر .... و بلاش نخبط فى الدباديب :p انا عن نفسي حاطط قرد :D